ارتفاع اسعار دودج نيترو

حياك يالغالي

المسألة مش محتاجة تخصص لكن يكفي أن الورشة إللي تتعامل وياها يكون فيها مصداقية في التعامل و فنيين شاطرين. بالنسبة للورش أنا ما أعرف ورش كويسه بالرياض لأني مش من سكانها لكن بالشرقية كنت أتعامل مع ورشة أوكي بالفوازية بالخبر و الورشة شغلها غالي و قريب جدا من سعر الوكالة لكن أحسن من الوكالة من ناحية تشخيص العلة و المصداقية هذا طبعا غير الفنيين الممتازين الشغالين فيها. في عندك الكهربائي السوري جمال إللي بصناعية الثقبة شغله مو رخيص لكن السيارة إذا راحت له يصلحها يعني يصلحها و شغله أرخص من ورشة أوكي بكثير و بما أن الدودج من خبرتي بالرام ال 81 و من ثم ال 97 إللي كانوا عندي أكثر مشاكلهم كهربائية كان جمال ممتاز في التعامل مع السيارتين بالرغم من الفارق الكبير في الموديلين وشاطر في إيجاد حلول في حال عدم توفر قطعة غيار معينة. في الأحساء تعاملت مع ورشة الشهراني و أوتوسيرفس و شغلهم ممتاز لكن ما تعاملت معهم في الدودج إلا في أمور سطحية لكن عندهم مصداقية بالتعامل.

والله بالرغم من عشقي للدوج و امتلاكي لسيارتين دودج رام قبل كذا و انشاء الله للثالث جاي بالطريق إلا أن مقارنة دودج بالشفر صعبة شوي خاصة و وكالة دودج عندهم مشاكل في جودة الصيانة و سعر قطع الغيار إضافة أن الورش إللي برا مش كلها تعرف تصلحه. لما ربعي يسألوني عن الدودج أقول موتر جامد بس أول لازم تعرف ورشة تقدر تصلحه ولا والله بتدخل بدوامة مشاكل تكرهك بالسيارة.

يا أخي النايترو الأر تي هذا سعرها تقريبا أما أم 108000 ريال هذا سعر الإستاندر.