ماهو سبب انتشار الفيكتوريا والماركيز؟؟؟؟؟؟؟؟؟

الانها اصبر سياره في العالم
والدليل مع عمي واحد مديل 96 ساكن في الرياض ويروح جده كل اسبوعين علن طريق جده معدوم ولا لاحظ عليه اي شي

مرحبا شباب كيفكم مااطول عليكم بس مين الي يقول مشاكلها كثيره بالعكس
سياره فخمه وجميله وفي الراحه مافي عليها بصراحه وبالذات الماركيز طبعا
لان سيارتي ماركيز خخخخخخخ:D

ما شاء الله كل ذي المواصفات في الفورد

معقولة!!

خلوكم واقعيين يا عالم

ماودي اقول كلام البعض بيزعل منه

لكن ما أقول الا (الله يهني سعيد بسعيده)

السبب : السعر المناسب _ سهولة الصيانه _ الاعتمادية _ الراحة _ رخص قطع الغيار مقارنه بمنافساتها من السيارات الامريكية نوعا ما .

ازيد عن الشباب انها تعطيك الكثيرر مقابل القليل

الفل اوبشن بـ 112 سعر مغري بالنسبه لفئتها ومواصفتهاا الرائعه

وايضا الاستاندر تحصل على اشياء اساسيه ( مثل الايربقات + مثبت السرعه + كرسي متحرك + نفس مكينه الفل + الجنوط وو .... ) بعكس الوكالات الاخرى

واضف الى ذلك اسعار قطع الغيار و الاغلب يعرف لها في الصيانه

يكفي بالفورد انه النظام السيفتي عالي جدا ...

وتتحمل الصدمات القوية والشاص قوي جدا ...

ولو صار لها مشاكل القطع متوفرة ورخيصة جدا مقارنة بالغلاء الفاحش الي احنا فيه ...

أقدر اقول إن هذا الرد ممتاز وباقي ردود الشباب ما عليها قصور كفو ووفو

والصالات لها دور كبير جداً جداً جداً جداً بإنتشارها كما ذكر اخوي برده

ونادراً ما تلقى عيب كبير بالفكتوريا او الماركيز يعني مكينة تروح او شئ من هالقبيل

وشكراً ,,,

صراحه السياره هذي ولا اروع جداً جداً جداً جميله مع ان شكلها ماتغير من عام 1998 يعني شوية تغييرات خفييييييفه جداً خصوصاً القراندماركيز يعني شبك شمعات لعبو فيها شوي واصطبات كبروها اشياء خفيفه اما الكراون فكتوريا ماتغيرت
الزبده ان السيارتين هذي رائعه وجذابه ومريحه جداً واقتصاديه زي ماتفضلو الشباب ومشاكلها ممكن تكون بالكهرب وليــســــت ميــكانــيكــه

وسياره تبيها خطوط ولا احلى تبيها بالمدينه ولا اروع

احد الشباب كان بيشتري سياره وهو كان يبي سياره مب امريكيه ومايبي فورد يكرهه وبعد محاولات شرى له كراون فكتوريا سبورت
وقعدت فتره معه يقول السياره هذي ماتوقعتها رائعه وجميله للدرجه هذي
وعلى كلامه قال مستحيل استغني عنها لانها سياره عشقتها |1|

وهذي احد اسباب انتشار السياره لها عشاقها ونا من اكبر عشاق السياره هذي|237|

اسف عالاطاله وشكراً لكم

راح اذكرها لك على شكل نقاط

اولا السمعه الممتازه لها يعني تجلس بجلسه ويجي طاري السيارات راح تلقى مدح بالفورد ونادرا تلقى اللي يذم

ثانيا من ناحية التصميم الخارجي السياره مايحتاج يكفي ان لها 10 سنوات وماتغير تصميمها ومحد طفش من شكلها وبالعكس زاد الطلب عليها

ثالثا من الداخل السياره رحبه وديكورها هادي ومرتب ومريحه

رابعا البدي ماشاء الله افضل من اغلب السيارات وطبعا الصدامات مايحتاج

خامسا الجوده ممتازه وسياره معروفه ومشاكلها بسيطه واغلب ملاك الفورد اذا واجهته مشكله على طول يعرف سببها

سادسا قطع الغيار متوفره وسعرها رخيص

سابعا صيانة السياره سهله وبكل ورشه تلقى اللي يصلحها واللي يعرف لها

ثامنا سعر السياره قبل الشراء مقبول وفي متناول اليد وعد البيع تجدها وسياره مرغوبه

والعامل الاهم الصالات (صالات السيارات) يجيبونها ويلمعونها وطبعا من كثرتها زاد الاقبال عليها بشكل اكثر

هذي اسباب الانتشار

وبالنسبه لمشاكلها انها كثيره اسمح لي اخوي
السياره مشاكلها قليل وةبسيطه وتنعرف على طول يعني اغلب مشاكلها كويلات او حساسات او مكينة القزاز

لكن انظر الى السيارات الثانيه اما يطلع لك صوت بالمكينه او القير يصلب يعني مشاكلها صعبه ومعقده وتكلف واجد


والمعذره على الاطاله

من قالك مشاكلها كثيره.........

مشاكلها كثيره لان 60% من اللي يشترونها يشترونها مستعمل........

وانت تعرف مشاكل المستعمل (لو اجزم انها اكثر سياره شراء بين السيارات المستعمله)

خذ جديد وشف.....

اعتماديه ...قله مشاكل....رحابه داخليه خصوصا في الامام....اقتصاديه من الدجه الاولى...قطع غيار برخص التراب ومتوفر في كل مكان.......اذا تعطلت (يحصل نادرا) يقدر يصلحها لك الفوال اللي جنبكم :D

وانا اقدر واحترم شي اسمه فورد (لكن مافيه امل اشتريه :) )

تحياتي..

سيارة فخمة ومبهرة بكل معنى الكلمة ......يكفيك رحابتها الداخلية وديكورها المميز وشكلها الخارجي الكلاسيكي ....كل هذه الامور تجذب الناس للفورد حتى مع علمهم بمشاكله ...لكن القائمين على فورد اغبياء فلو زادوا قوة السيارة وتفادوا مشاكل الالتماسات والدينمو لفاقت سياراتها اسطورة الكابرس.......عموما السيارة خيال في زمن اصبحت السيارات كالعربات التي تجرها الحمير

إذا بتسأل هل كيف أو عن كيف إنتشرت
السياره هذي معروف إيش خرابها ومالكامل إلا الله ماحد كامل
إنتشار قطع الغيار وسهولة صيانتها فخامه بسعر معقول

لأنها سيارة جميلة وعملية
وليس لها مشاكل
بالـ6 سنوات لن تذهب بها إلى الصيانة إلا مرة واحدة فقط

السلام عليكم

والله نفس الكلام اخوي انا زيك محتار

ممكن حد يفيدنا

وشاكر لك على موضوعك المطروح

والسلام عليكم