رخصة السياقة في المملكة العربية السعودية > عضو من مملكة البحرين

أهلين وسهلين أخوي ..
والله بالنسبة للسياقة فهي زي الفل، بس الوضع مشكلة عندنا بالسياقة بدون رخصة
عندكم غرامة وتنتهي السالفة، إحنا هني سجن وغرامه وبعض الأحيان محاكمة
وبالنسبة لإشارات المرور، فإذا كانت الإشارات الموجودة في الموضوع المثبت في هذا القسم هي الإشارات المقصودة فالموضوع سهل جداً
أنا دخلت على الموقع الرسمي وسويت كذا إختبار من اختبارات المرور المتعلقة بأسئلة الطرق وهالامور وكلها كانت أوكي
أنا والله راح أحتاج الرخصة لعدة أمور، وضع البيت محتاج شخص ثالث عنده الرخصة، وباقي شهر وشوي وأتخرج ومحتاج الرخصة لجامعه وشغل، وفي البحرين ما بقدر أطلع الرخصة إلا شهر 8، وتخيل 240 مدرب للبحرين كلها ! ، وتم رفع سعر التدريب للساعة الواحدة إلى 5 دينار، وعليك إنك تدرب 24 ساعة يعني 120 دينار، غير عن (الكجه) حق التدريب قيمتها 35 دينار، ودخولك التراي على المرور بــ 10 دينار، والرخصة تستلمها بــ 20 دينار، يعني المجموع كامل= 155 دينار
السالفة معقدة وأنا محتاج الرخصة، ما أبي شهور تضيع مني وأنا بدون شغل والجامعه ومشاويرها
إن شاء الله في أقرب فرصة راح أروح وراح أخبركم وش صار وياي
وتسلم على مرورك
وادعوا لي بالتوفيق
تحياتي

اخوي احمد الله يحيك مدري رحت او لا

بس مثل ماذكروا لك الاخوان مكان المدرسه علي طريق الخبر الدمام الي يسمونه طريق الكباري علي يدك اليسار بعد المدينه الرياضيه

طبعا لو عندك رخصه بحرينيه كان سهل الامر لكن لانك اول مره تطلع رخصه يمكن تحتاج تاخذ دوره وهي اقل مده من الدورات عندكم وارخص

لكن احتياطا قول لهم انا اعرف اسوق زين واذا تعرف حق اشارات المرور واللوحات الارشاديه يمكن يسوون لك اختبار ان نجحت كان بها او تاخذ الدوره اعتقد يمكن تكون اسبوع

لكن بعد احتياطا حاول تدش علي مدير القسم وتبرز لك عذر زين ليه تبي تطلع الرخصه من عندهم مو من البحرين

وقول لنا وش صار وياااااااااااك بالتوفيق

ألف شكر على مروركم ..

أنا رايح باذن الله بعد كم يوم وبشوف شنو السالفة بالضبط

عمر الدامغ
بصراحة ماعندي علم بكيف معاملة مواطني مجلس التعاون , فالشروط اللي حطيتها هي المطلوبة لغير السعودي بشكل عام وان كان فيه استثناء لمواطني مجلس التعاون فالله أعلم

عزيزي حوض ss
من أين أتيت بهذا الكلام؟

الأخ العزيز كاتب الموضوع، عزيزي ستتم معاملتك كمواطن خليجي ولا توجد هناك إقامة وكفيل وكلام فاظي.
عموماً حتى أكون صريحاً معك، ليست لدي معلومات كافية ولكن أنصحك بزيارة مدرسة تعليم قيادة السيارات والموجودة على طريق الدمام - الخبر السريع بالقرب من الملاعب الخضراء (المدينة الرياضية) والسؤال هناك وأخذ المعلومة من مصادرها الرسمية.

السالفة صعبة شوي يبيلك اقامه وكفيل وغثا .

وبقعطها عليك , اصلاً مايمديك تاخذ الرخصه هنا الا وعندك رخصة في ديرتك

يا ريت اقدر ألقى رد على هذي الاستفسارات:

بالنسبة للإقامة ؟ أحتاج إلى سالفة إقامة أو شي من هالأمور ؟

وبالنسبة لورقة فصيلة الدم، من وين أجيبها من البحرين، وللا من السعودية يسوون لي فحص الدم وكل هالأمور ؟

وكم التكلفة الكلية ؟

وشنو هي الإجراءات، إمتحان نظري، عملي .. إلخ ؟

ووين أروح بالضبط، في الدمام أو الخبر ؟ يا ريت المكان

يا ريت تفيدوني .. وإن شاء الله ما أكون ثقلت عليكم

تحياتي

تسلم على المرور يالغالي ..

الله يحيك أخوي الغالي أحمد

?????????????

يا ريت المساعدة شباب

تسلم أخوي على المرور

يا ريت والله أحد من الشباب يتأكد لي

أو إذا أحد عنده فكره

وأكون شاكر له

.
.
.
هذا موقع المرور السعودي
http://www.rt.gov.sa/ta3lemat2.php#2

لم اجد فيها شيء صريح ينطبق على حالتك !!

يا ريت ألقى المساعدة في أسرع وقت شباب وأكون شاكر لكم

تحياتي

تسلم أخوي على مرورك ..

==

ملاحظة: إني كملت 18 سنة وشهر بالهجري

==

يا ريت المساعدة

تحياتي

وعليكم السلام ورحمة الله وبركاتة

الله يحيك أخوي الغالي أحمد

ويشرفنا وجودك بيننا

وأن شاء الله الشباب مايقصرون معك

ولك أطيب تحية :cool:

أهلين وسهلين شباب ..

ألف شكر على مروركم .. وعلى ردودكم

عندي بعد بعض الاستفسارات ..

بالنسبة للإقامة ؟ أحتاج إلى سالفة إقامة أو شي من هالأمور ؟

وبالنسبة لورقة فصيلة الدم، من وين أجيبها من البحرين، وللا من السعودية يسوون لي فحص الدم وكل هالأمور ؟

وكم التكلفة الكلية ؟

وشنو هي الإجراءات، إمتحان نظري، عملي .. إلخ ؟

ووين أروح بالضبط، في الدمام أو الخبر ؟ يا ريت المكان

يا ريت تفيدوني .. وإن شاء الله ما أكون ثقلت عليكم

تحياتي

حياك الله اخوي


وان شاء الله الاخوان يكونون افادوك


تحيااااااتي