من الأغلى من ناحية الصيانة الهوندا أم المازدا ؟

انا عندي مازدا واكرود المازدا قطع غياره ارخص وصيانته ارخص بعد وبالمجمل بعد التجربه المازدا افضل من الاكورد

الهوندا قطعها غاليه أما الصيانه اعتقد متقاربه

اتوقع ان الهوندا اغلى

بصراحه انا عندي اكورد 2008 وكنت راغب في الزووم6 لكن تأخر واايد المهم سوية مقارنه بسيطه وسريعه بين قطع الغيار وحتى جربت قيادة الزووم6 لكن موديل 2007

بنهايه شفة انه قطع الغيار الاكورد موجوده منها اصلي وتجاري ومتوفر اكثر من المازدا المازدا يمكن قطع غياره اقل سعر من قطع الاكورد الاصليه لكن الاكورد يمسك سعره عند البيع عكس الزووم


اما الصيانه الاكورد شويه اصعب من الزووم كلام احد الميكانكيه الزووم سياره عمليه بس عدم توفرها لقطع الغيارخصوصا التجاري اهو المشكله ومشكله كل سياره اذا ما يكون متوفر منها قطع تجاريه يكون سبب في انخفاض سعر البيع

اتمنا اني افدتك واي سؤال انا حاضر
وبصراحه الزووم الشىء الا يتمتع فيه جوده الخامه الداخليه جدا ممتازه وتوقعي الخاص افضل سياره يبانيه من حيث الخامه الداخليه من جلد وغيره

المتعه بلقياده اشوف الزوم روعه لكن يعيبه الضيق ام الراحه اشوف الاكورد افضل

بدون نقاش الهوندا

أخوي انا اعطيك بعض اسعار قطع غيار مازدا 6
الفرامل 160 الى 270 نخب أول وثاني
مساعدات امامية 230 للواحد
الجلد الأمامية الخاصة بالمقصات حول ال 90
الدينمو 1400
اه بس عندك الشمعات الأمامية نار حوالي 900 للواحد من موديل 2007 وانت طالع
الخلفي رخيص حول ال 170
شبك امامي 140
انا اخوي مالك مازدا 6 وتراني مبقسوط منها مرة مرة بس تبي نصيحة من اخ مجرب
الهوندا زين وحلو وممتاز بس يا اخي احنا لازم نعطي الماركات الثانية فرصة وهي تثبت نفسها بجدارة بالسوق انا انصحك لو المبلغ متوفر لديك جيد خذ مازدا6 فل اوبشن وشوف لو عندهم موديل رياضي بالنسبة للشكل الجديد علشان ما تبتلش بالشغل على تحسينها لأنه الشكل القديم حلو بس الرياضي منه يهبل بصراحه انا عن تفسي الله يرزقني غير مازدا 6 الجديدة ما اركب
والله يختار لك الخير

تدري إن الوالد عنده كامري واغن موديل 2000 وداها الصيانة 5000 وغيرو فيها أشياء بسيطة زي السيور و الفلتر وتغيير الزيت بس
كلفه حوالي 480 ريال على أيه ؟؟؟؟؟ صيانة عبداللطيف جميل مرة فيها نصب
يعني الزيت والفلتر كلفه 120 أيامها وكانت التغيير الزيت والفلتر ما يكلف 50 وقتها

هذا هو الجواب لسؤال
من الأغلى من ناحية الصيانة الهوندا أم المازدا ؟


الأخ قال من الأغلى من ناحية الصيانة وليست القطع الغيار

لأن القطع الغيار لها تسعيرة وإدارتها وأما قسم الصيانة لها تسعيرة وصيانتها

وأما الأسعار أغلب قطع السيارات الأن بدأت ترتفع وأما القطع التويوتا شكلها مشبوهة يا مقلد أو تجاري أو مجمع .... يمكن وكيلها مسوي مصنع في الصين للقطع الغيار ويبيعها عندنا بسعر أقل ويقول أصلي

أما الشركات الثانية مثل مازدا و الهوندا أسعار القطع متساوية ويميل للغلاء من ناحية الهوندا أكثر من المازدا لأن المازدا شركة لها خبرة في إدارة المبيعات و تملكها لأكثر من وكالة وشوف كم قطعة تجيبها وتوفرها للزبون

أما الهوندا الله يعين ما عنده إلا أكورد و السيفيك والجيب الصغير والكبير بس
يمكن له خبرة في المبيعات القطع الغيار بس هو بشكل عام مغلي القطع على أيه ؟؟؟؟ ما أدري


وهي كلها جاية من اليابان يعني ما تفرق بينها وبين الشركات الثانية

خلاصة القول ان الاكورد عملية وان المازاد حساسة وتحتاج لعناية مستمرة

الشكر للجميع على المشاركة

ما عاد تفرق غلاء الاسعار ابحث عن الجوده فقط

والله الهوندا أغلى

بالنسبة للصيانة..
فانا استمريت معهم الى صيانة 20000..ثم قطعتهم..سيارتي مازدا 6 2007..
سعر صيانة 5000و15000 =190ريال..زيت وفلتر وكشفيات..
سعر صيانة 10000 و 20000 =550ريال..شغلات كثيرة لكن ما فيها تغيير قطع..
وسمعت من واحد من الأعضاء أظنه المشاري..قال انه في صيانة من الصيانات دفع 1200ريال!!وأظنها صيانة الأربعين أو الثمانين..

السلام عليكم ورحمة الله وبركاته
أخوي أنا أبكلمك عن وكيل المازدا ألي هو الحاج حسين لأني معامله لمدة 10 سنوات وطبعا عكس نظرة الناس له وكيل رائع جدا وكان يغير أشياء كثيره على الضمان من دون أن نقول له بل من دون أن نعرف أن بالقطعه التي غيروها مشكله وأذكر أن الوالد خربت قطعه في السياره والسياره في ماشيه في آخر الخمسينات (طبعا الضمان ينتهي عند 60 ألف) وطبعا كنا خارج السعوديه وأتصل الوالد عليهم وأخبرهم بالمشكله وقالوا له تعال في أي وقت وراح نغيرها على الضمان.
هذه هي قصتي وكيل مازدا
تحياتي

اتفق مع كلام الاخ...خصوصا في ان المازدا حساسه وتحتاج تدليع على عكس الهوندا الي عملية اكثر وجوده اكثر من المازدا...لكن من ناحية المواصفات ...اتوقع ان المازدا الجديد مواصفاته اطلق من الاكورد بكثير.....

كل وحدة تقوول الغلا عندي .:rolleyes:

انت فكر في الاساس اولا للسيارتين في القطع الاستهلاكيه بواجي فحمات سيور فلاتر لاتها دائما تستهلك مع الوقت الاشياء الثانيه مثل قير مكينه بكل السيارات غاليه انا اقولك تقريبا اسعارها معقوله واغلب الناس دائما تقارن قطع السيارات بسعر تويوتا وهذا شي غلط لان لكل سياره طريقه والشركه لها تقنيه خاصه بها في تصنيع القطع والسياره اانا اقولك عن قطع مثلا CR-V من هوندا بواجي +فحمات قدام وخلف +فلتر هواء+سير مكينه خارجي 625 ريال وهذي الاسعار من امس علي فكره اللي انا ودي اقوله لك السيارتين حلوه وومتازه جدا الشي الاهم هو استخدامك انت للسياره كيف يكون لها ولا راح تستهلك منك السياره الا اذا انت اهملتها . والاهم السيارتين من افضل السيارات اليابنيه بلا شك والله الموفق.

الأكورد عمليه أكثر وتمسك سعرها أكثر ..
قطع غيار اللي اعرفه انهم كلهم غالين .. المازدا حسااسه جدا وتبي واحد يدلعها وعساها تمشي

ياجماعة الخير الى الان لم نصل اي اي نتيجة مقنعة انا اريد من واحد معه اكورد يتحدث عن الامور الخاصة بها وواحد معاه مازدا يتحدث عن الامور الخاصة بها .