مسدس الشراره

مرحبا شباب والله اني بقصر حق المنتدى والله اني مشتااااااااااااااق :)

معلومة جيدة وشكرا على التوضيح

ياليت مزيد من التوضيح .وحبذا يكون بالصور.عشان تكتمل الصوره ويكون الموضوع مرجع.

توماهوك

يعطيك العافيه على الشرح الوافي والواضح

الاخ ابو ناصر رح للصناعيه واللي يسئل مايتوه اكيد بتلقى لك من يستخدمه

هذا المسدس تحصله في شارع الريل في الرياض
قريب من الصناعية القديمة

على فكره هذا المسدس لمحركات القديمه التي يوجد بها ديلكو مكانيكي او نصف اكتروني
حتى الددسن الجديد ما فيه ديلكو
من 2003 وما فوق

تحياتي اليك

هذا المسدس ياعزيزي يجي له 3 أسلاك سلكين بالبطاريه ( _ + ) والثاني تشبكه في سلك رقم 1 ولكن انتبه لمسار السهم اللي موجود على السلك
يوجد علامه على بكرة عمود الكرنك وعلامه خلفها أو تصفير تبدأ تضغط على الزر اللي موجود بالمسدس وتوجهه على العلامه وتحرك في الديلكو يمين او شمال اذا صارت العلامه اللي على الكرنك مقابله للعلامه اللي قبلها ويمكن تجي على شكل علامة صفر ابدا شد الديلكو وانتهت الشغله
هذا الوزن يتحكم بالشراره فلو لفيت الديلكو عكس دورته تلاحظ زيادة صوت السياره وعزمها يزيد لكن الحراره ترتفع على حسب لفتك للديلكو لأن الشراره تجي على البستم وهو نازل والصحيح انها المفروض انها تنزل في حال وصل البستم النقطه الميته العليا والعكس صحيح بالنسب اذا لفيت الديلكو العكس.
لكن هذا انتهى بوصول السياراة الجديد اللي بدون ديلكو مثل الفورد حساسات يسمونها كويلات
ارجو اني اكون افدتك

طال عمرك انا في الخرج جنوب الرياض ب80 كيلو

اما الورشه اللي وزنت عندها هي ورشه الغنام بالدلم صناعيه الصحنه

لاكن اللي اعرفه ان المسدس هذا انتشر في عده ورش الحين يعني اكيد بتلاقيه في ورش صناعيه الرياض

اما من ابدا رايه في الموضوع ياليت يشرح لنا طريقه شبكه و عمله بالضبط
لاني اشوف انه ممتاز جدا ونتايجه كانت روعه

طبعا السيارات اللي صار عليها هالكلام هي

داتسن 94

باجيرو 88

اكيد ضبط الديلكو يقلل صرفية البنزين

اخوي بالله سؤال هل وزن الديلكو يخفف صرف البنزين لاني والله تعبت السياره صارت تصرف بنزين بشكل غير طبيعي
وممكن تدلنا على مكان هالورشه وين فيه بالضبط؟

يقوم بفر الديلكو علشان االاهتزازات اللي يسجلها المسدس على البكرة تخف ويكون ثابت .

المسدس يحتاج الى فهم مايفعله ولا اريد التعقيد ولكن يحتاج فهم بعض الامور لماذا نفر الديلكو على اي اساس وماذا يفعل بضبط