السلام عليكم.....
قريب إن شاء الله باحتاج اني اشتري سيارة. في الفترة الماضية لفيات بعض الوكالات بحث عن السيارة المناسبة، لكن بصراحة لفتي في الوكالات زادت حيرتي اكثر..........
أنا ابحث عن سيارة ب 4 بيبان، سيدان او 4x4 او كروس اوفر.
مريت على اللكزس، شفت ES350 , GS300/430 , LS460/LS460L , LX570 من كل هالسيارات ما حسيت الا ان ال ES350 هي السيارة الوحيدة الي تستاهل سعرها، وكلامي هذا مبني على ان مواصفات ال ES350 هي نفس مواصفات النسخة الأمريكية وبنفس السعر، لكن باقي الموديلات تختلاف ودائما ماتكون اضعف من ناحية القوة،،، وبالنسبة للإل إكس بصراحة ماعجبني شكله كثير وسعرها مرتفع وجنوطها أي كلام.
مريت التويوتا وشفت الاوريون وبصراحه ماعجبني سعر الاوريون لاني بدفع 120 الف تقريبا في سيارة تويوتا؟ يعني بزيد 40 الف وطلع لكزسES350 بانوراما فل ابشن. بخصوص الكامري فالسيارة هذي طلعتها من الحسبة بحكم انها ماتجي الا ب 4 سلندرات فقط،، وانا انسان احب القيادة واحب احس بقوة السيارة عند الإنطلاقة. اللاندكوزر مظهره الخارجي جيد وفي رايي انه حتى خارجياً احسن من اللكزس LX570، سعر الفي اكس ار معقول ولكنه في ارتفاع من كم شهر كان الفي اكس ار عندنا على 220 الف والحين وصل 233 الف!!!
مريت وكالة النيسان والانفنتي،، بصراحة النيسان مافي اي سيارة عجبتني،، لكن الانفنتي في سيارات مثيرة للإهتنمام،، شفت ال FX350 من الخارج والداخل،، بصراحه ما عجبتني جودة الكبينة من الداخل،، لان هناك اجزاء كبيرة مصنوعة من البلاستيك والي اتخليك اتحس انها سياره عادية مش فخمة،، بالإضافة إلى ان 2009 راح يتغير شكل ال FX لذلك استبعد في كل الاحوال هذا الموديل. بين ماكنت اجول في الوكالة مريت صوب سيارة ال M45 ولفيت حواليها كم لفة ودخلت اتفحصها من الداخل،، والا مدير المبيعات يعرض علي مزاياها وعرض علي تجربة قيادتها فورياً،، ماكان مني الا اوافق على عرضه الكريم ،، جربت السيارة،،، ملاحظة السياره هذي فيها 362 حصان،،، عدد الاحصنة اكثر من عدد الأحصنة في النسخة الامريكية (320 حصان في النسخة الامريكية فقط) وهذا يطرح علامة استفهام حول استراتيجية اللكزس المعكوسة :rolleyes:
نرجع للانفنتي،، جربت السيارة M45 على الخط،، كنت ماشي تقريبا 60 ووطلت لسرعة 120 بدون ما احس. عزم السيارة عجبني لكن حسيت ان علبة التروس بطيئة نسبياً وفيها 5 غيارات فقط، وهالشي راح ياثر بشكل سلبي على اداء السيارة،، الكبينة والعدادات من الداخل في موديل 2007 ماعجبني،، لكن في موديل 2008 الشكل الداخلي تحسن وصار قريب من جودة سيارات اللكزس ولكن لم يصل لموستوى لكزس بعد........ وبفضل هذه التعديلات البسيطة،، ارتفع سعر M45 من 170 الف ريال إلى 230 الف ريال!!!!!!!!!!!!!! في 4 حبات من موديل 2007 معروضة بشكل مخفض على 170 الف ريال....
بخصوص سيارات ال BMW فهي تعجبني كثيراً لكن الي ابعدني عن التفكير في البي إم دبليو حالياً هو ان تقريباً جميع الموديلات الحالية على وشك التغيير، وشخصياً ما احب اشتري سيارة تقعد معاي سنة ويتغير شكلهاً. حالياً افضل سيارة بي إم اشوفها تناسبني هي الفئة الخامسة.
أما بخصوص المرسيدس،، فالسيارة الوحيدة الي تثير أهتمامي هي ال CLS350 لكن السعر فيه مبالغة كبيرة جداً. لكن مافي مانع اني اروح والقي نظره سريعة لان من كل السيارات الي ذكرتهم وبذكرهم ال CLS هي السيارة الي اسرت قلبي :D
باللنسبة للبورش، مافي الا Cayenne وفي موديل نازل جديد من الكايين GTS شكله الخارجي مطابق لنسخة التيربو وبمحرك مطور يولد 405 احصنة ونظام التعليق رياضي......
الخلاصة اني مهتم اشتري سيارة فخمة ولها سمعتها، ممكن ادفع حتى 320 الف ريال، ما يهمني اشكثر بدفع كثر مايهمني ان الي ادفعه يروح على شي يستاهل وما يروح لان الوكيل رافع السعر بشكل عشوائي. هل في اقتراحات اخرى غير السيارات الي ذكرتهم؟
ملاحظة: الرجاء استبعاد السيارات الأمريكية....................
