السلام عليكم جميعا
شباب هل يوجد تقرير شخصي مفصل تفصيل ممل عن فورد إكسبيديشن 2008 4x4؟
السبب في ذكري لكلمة تقرير شخصي..عشان يكون تقرير محايد...من شخص امتلك السيارة او جربها لفترة وعرف كل صغيرة وكبيرة عنها.....وليس مثل تقارير الشركات الدعائية اللي ماتذكر لك سوى المزايا فقط وتتجاهل العيوب...وحتى المزايا تعطيها اكبر من حجمها وتسمعك من هالعبارات الرنانة (إنه الصفاء والنقاء .....توووشييييشاااااا......توشيشا خير مايمكن شراؤه من تببببببببغغغغغ....... |4| )
المهم هالعبارات والمصطلحات القوية اللي تفقع الوجه و تخلي سعابيلك تقوطر مع السيارة :eek: وتقلب لك الكرسيديا 79 -اللي كأن شمعاتها عيون واحد دلخ طايرة بوهته |10| _ تقلب لك الكرسيدا لبانوراما 2008
هالنوعية من التقارير ماتعكس لك التجربة الحقيقية للسيارة
عشان كذا ابغى تقرير من شخص امتلك السيارة او جربها ...ويذكر كل مزاياها وعيوبها
بحثت في المنتدى ومالقيت إلا تقرير واحد فقط..والله يجزا صاحبه كل خير...ماقصر..لكنه يصنف ضمن تقارير "توشيشا" (احس اني ابنجلد اليوم :mad: )
اعجبني جدا التقرير اللي حطه اخونا pnrb عن الفورد اكسبلورر 2008
تقرير جدا رائع ويذكر كل صغيرة وكبيرة عن هذه السيارة بجميع مزاياها وعيوبها وكأنك تقرأ لشخص حيادي وليس صاحب السيارة نفسها.........<<----يلمح عساه يسوي لنا تقرير ثاني :D
ياليت بتقرير مماثل عن السيارة الرائعة الفورد إكسبيديشن 2008 الفل أبشن ذات الدفع الرباعي الشاص القصير..وأهم شي مع النافيقيشن لأنها صراحة داخلة مزاجي وماادري اطقها ولا لا
ابغى بس واحد يدفني دفة بسيطة عشان اطب على وجهي محيفرة (محيفرة على الوجه!! :confused: )
وإذا فيه احد له وجهة نظر اخرى بخصوص سيارة اخرى أفضل بنفس المواصفات مايمنع أبدا...أهم شي يكون الكلام من خلال تجربه شخصية وتكون السيارة تشتمل على الآتي:
1- سيارة عائلية واسعة ذات دفع رباعي..للاستخدام في المدينة وفي البر والطعوس
2- تحتوى على نظام Advance Trac و Navigation وداخلية فخمة ولو فيها نظام Diff Lock تصير 100 على 100
3- قطع غيار معقولة والوكيل ينبلع (لاني داري ان كل الوكلاء لدينا زلايب...إلا من رحم ربي)
4- ذكر السعر ولا عليكم أمر
بانتظار ردود الأعضاء الحلوين|11|
تحياتي للجميع|3|
