بصراحه كنت زائر في هذا الموقع
لاني كنت ابحث عن معلومات عن سيارة شفروليت اكتيفا
وجرني قوقل الى هذا الصرح الكبير !!
واللي شدني اكثر عقل الاستاذ ميكروسوفت في اسلوبه الراقي بالكلام
والاكثر من هذا معرفته بالسيارات
وحبيت انقل موضوعي هنا
واقرا ردودركم وتعليقاتكم !
اول شي احب اقول لكم
في 309 شركه لصناعة السيارات
ومنها 46 شركة صناعة سيارات تصدر للعالم
والكل عارف شركة تويوتا العالميه لصناعة السيارات
وكيف هذه الشركه حققت مبيعات خياليه وانتشار واسع !!
لكن وللاسف " دول الخليج " وخاصه السعوديه والامارات
جعلت من تويوتا شي من لاشي !!!
اكيد تقولون اني غلطان !
بس الحمد لله ماني بغلطان انشاء الله
شوفوا ياعيال مافي مصنع سيارات يصنع السياره كامله
واصل ً هذا ممنوع في قوانين "" الصناعه "" العالميه .
يعني كل المصانع عندها اتفاقيات " مقاولات "
مع مصانع مختصه بشغله معينه
مثل
شركة توفر الحديد وتصنع الهيكل مثل شركة AJT
شركة تصنع المحرك " الماكينه " مثل مصنع مستوبيشي
شركة تصنع القير مثل مصنع هيونداي
شركة تصمم الشكل الداخلي للسياره مثل شركة منصوري وغيرها
شركه توفر المسجل والسي دي ^_* هثل شركتين سمسونج وسوني
وطبعا هذه الشركات تصنع باسم المصنع اللي طلب
وماتحط اسمها على المنتج نهائيا ً!
ما عدا كم شركة تصنع 80 % من اجزاء السياره في نفس المصنع
وهم ( متسوبيشي ؛ هوندا ؛ مرسدس ؛ بي امم دبليو ؛دوج ؛ رنج روفر )
وفي بعد كم شركه بس نسيتهم ^_*
وهذه بعض من اللي اتذكره
تويوتا تصنع 35 % من اجزاء السياره
نيسان تصنع 56 % من اجزاء السياره
شفروليت تصنع 39 % من اجزاء السياره
هوندا تصنع 85 % من اجزاء السياره
مرسدس & بي ام دبليو تصنع 85 % من اجزاء السياره
اتمنى الصوره اوضحت هنا
سؤالي هنا
تويوتا تستاهل هذه الاسعار !! ؟؟
كامري اقل درجه بـ 69 الف
GX لاند كروزر 160 الف
ولا هذه السياره يرس تستاهل 44 الف >>> على شنو ما ادري!! ؟
بالمقارنه مع نيسان او شفرو ليت
نشوف الفرق كبير بالسعر
ولا ننسى المواصفات المميزه اللي تويوتا مافيها
واذا تبيها يقولك ادفع !
000000
هنا بتكلم عن شركة لصناعة السيارات
وهذه الشركه قوتها الصناعيه كقوة هوندا واكثر
وللاسف هذه الشركه الكل يذمها ( بس الخليج )
والكل يقول عنها كثيرة خراب
بس للاسف ماحد راح صيانة تويوتا وشاف البلاوي " لكن يتسترون على انفسهم "
وزيدك من الشعر بيت الشركه هذه رقم واحد في العالم
لصناعة القير " القير بوكس "
وهي متعهده بتوفير القيرات لـ تويوتا & شفرو ليت وغيرهم
وكذالك هذه الشركه المهضوم حقها عندها مصانع تويوتا ماتقدر تصنعها
ومن مصانعها
صناعة سيارات المعدات الثقيله
صناعة الموالدات الكهربائيه فوق الـ مليون فولت
صناعة وتطوير الالواح الاكترونيه
صناعة الرافعات بجميع احجامها
صناعة محركات السفن الكبيره
وغيرها وغيرها
تبون تعرفون وش هذه الشركه !!
بس ما تنصدم !
اكيد ؟
اجل انزل تحت
بعد
بعد شوي
هيونداي
hyundai
نعم هذه الشركه اللي انا شخصيا اعتبرها مهضوم حقها . !
اخيرا
تويوتا ينطبق عليها المثل الامريكي اللي يقول
" اذا عندك 100 دولا خل 90 دولار دعايه للمنتج و10 دولار تجاره "
كل المعلومات اللي ذكرتها صحيحه 100 %
ولي يبي يتاكد يسأل اي شخص يشتغل في التجاره وقد سافر اليابان او الصين
او اي شخص يشتغل في النقل البحري " نقليات التامين البحري
عموما انا كثرت هرج اليوم
الحين اترك الهرج لكم
كل حرف ونقطه بـــ قــــ لـمي .
((تمت اعادة تنسيق الموضوع وحذف الرابط المخالف))
