كيف حالكم عساكم طيبين
اليوم جايب لكم موضوع ..... حلوووووو
بصراحه مدينة الرياض وخاصة بعض الأحياء تجد أن من الصعوبه أن تحافظ على موترك
حتى صار البعض يقول (( حسافه الموتر الجديد ))!!
مطبات كبر (( بليس )) !!
وحفر (( كنها آبار )) !!
ومرتفعات (( يبيلها جيب )) !!
بدون مبالغة أبداً ويبغالك إذا تبي تروح مشوار من ربع ساعه إلى ساعه (( مشوار قريب ))
وووو........ ولكـــــــــن !!
الحكومة ما قصرت حطت طرق سريعه إلى كل مناطق المملكة العربية السعودية
وكل منطقة بحاراتها وشوارعها الرئيسية وتدفع الأموال الطائلة على إنشاء هذه
الطرق ولـــــكــــن :
نفتقد إلى الأمانة في إنشاء هذه الطرق ..... نعم هناك شركات (( تلعب وتسرق )) !!
تاخذ مناقصه بمليون وتعطيها شركه أخرى بـ 200,000 ريال والباقي في الحساب
هناك ناس خلاص صار همهم الجانب المادي والسعي وراء المادة دون إستشعار أن
الله يراقيهم على كل مايفعلون
ولكن ما أقول إلا : حسبنا الله ونعم الوكيل
وعشان أحطكم على الأمر الواقع هذي صور صورتها في حارتنا وتبين كلامي
مع ان حارتنا أو حينا يعتبر من احياء الرياض الراقية وهو حي الرائد في شمال الرياض
مقابل جامعة الملك سعود ولكن .....
:: إليكم الصور ::
هذي الصورة اللي بجوارنا ويظهر أنه بعد الحفريات لم تتم الزفلته (( من شهر )) !!
هذي الصورة توضح أن الحفرة شبه عميقه (( تخرب لك السيارة )) احد الجيران
حط برميل القمامة وأنت بكرامه عشان ما أحد يطيح فيها
من زاوية أخرى
وهذي الصورة حفرة على شارعنا ويظهر فيها الحفرة
وهذي الحفرة أيضا في شارعنا (( ما أحد حط برميل قمامة :) ))
وشكرا ً أتمنى أن الموضوع حاز على رضاكم
وأتمنى التفاعل مع الموضوع واللي عنده صورة للحفر والمرتفعات ياليت يحطها
تحيـــــ( MSH3L )ـــــاتي
