تغيير قطع غيار السوناتا 2008

NO COMMENT

:a120(121):

أنا ماغيـرت صفاية البنزيـن ألا بــعد الثمانيـن ألــف هي والبواجي
والفحمات أول مره غيـرتها على ال35 ألـف وبدون خرط

عموما هي على حسب الاستخدام


تحياتي / ابو زير 11:a120(37):

أنـا بصـراحـة مـع الأخ ..
الوكالة يغيرون لكـ شي قد لا يستحق التغييـر ..

أخوي سوناتا 2008

ممكن يكون التركي يكـذب عليكمـ فاقتراحي عليكـ شغلتين ..
جربها في ورشة ثانية تثق فيها انت او من اللي تعرفه( الأفضل ) ..

الثانية سولها تشييك من الصدام للصدام ( صعب شوي ) من اي محل الوكالة او غيرها مثل أوتو سيرفس
وروح للورشة يسوون لكـ الخراب

والله ياخوك انا بصراحه ملاحظ على سيارتي مشكلة الصرفيه . يعني لو غيرت صفاية البنزين راح تنحل المشكله ؟

بعدين انا عندي مشكله ثانيه اللي هي صوت يطلع من الكفر اللي يمين ورا لمن الف جهة اليسار وديت السياره للوكاله قالوا لي الجنط مافيه مشكله رح لوكالة الكفر نفسه انا انلحست قلت لهم الكفر مو عندكم بعد قالوا لا الكفر له وكيل لحاله حاطته هيونداي وكيل لها بالمملكه انا والله ما رحت له لظروف الدراسه انا مادري هل احد صارت معه نفس المشكله علشان يفيدني وللعلم الصوت ما يطلع الا وانا راجع من الدوام بالحر وانا مسرع فاول ما اوصل البيت واول ما الف يسار يبدا يطلع الصوت.؟؟؟؟؟

يمكن السيارة فيها عيوب مصنعية

كم مشت سيارتك الى الآن ؟

حاول تكلم مدير الفرع يشوف لك صرفة يكلم المقر الرئيسي قولهم مو حالة هذي

ماضاع حق وراه مطالب

او ترسل رسالة للشركة الأم (في موضوع خاص بهذا الشيء في منتدى السيارات الكورية)

اولا الوكاله نصابين يزينون شي ويخربون شي وانا اصلا رافع عليهم قضيه اللصوص هذولا معطينن سيارهـ مستعمله وبايعينه لي اسم جديد فقط .

ما أسأت الظن ياعزيزي وانا قلت لك " الظاهر " لكي اتبعها بمثال لما توقعت انه حصل معك

اعطيك مثال لي انا شخصياً

اشار علي عمي بورشه بالصناعيه يتعامل معها منذ 7 سنوات

وصاني على واحد اسمه فلان يلقب بـ الدكتور ( فارقه اللقب )

رحت له اغير كلتش سيارتي

جبت له القطع واخذ علي شغل يد 400 ريال والنتيجه لا تحسن في الاداء ان لم يكن اسوأ

هذا وهو دكتور

المهم انا ما اعور راسي مع اللي اشك في مقدرته

رحت الوكاله وقلت لهم عن المشكله وبساعتين حلوها

المؤسف بالسالفه ان شغل اليد بالوكاله هو 420 ريال يعني فرق 20 ريال عن الورشه فقط ( راحت بالتكاسي )


..................................


بعدين الفني اللي تتعامل معه يطلب منك تغيير حاجات وسيارتك جديده الم تضع هذي علامات استفاهم لديك


واضيف الى ان السير اللي غيرته لو انك رايح للوكاله كان غيروه لك ببلاش وانت خسرت فلوسك بالورشه ( شغل يد وقطع )


لا اؤيد ابداً فكرة التعامل مع الورش للي سياراتهم جديده


مجرد نصيحه والامر راجع لك


سلام

الجواب بالرد الي قبله .

اولا / لاتسيئ الظن بالرجال وانت ماتدري عنه , ثانيا / ابوي يصلح عندهـ اكثر من 30 سنه

وجنسيته تركي وواثقين منه ومن شغله وسعره شوي غالي بس يستاهل لأن شغله نظيف وزحمه عليه

دائما .:c005:

ماشي عليها 25 وطلعت الاصوات والاحين ماشيه 30 الف .

اما بالنسبه للقياده مثل ماقلت لأخوي الي قبل سواقتي موب لعن , والسير والبكرهـ كانت تطلع اصوات

تصفير يعني اذا صارت السياره بارده وابي احميه تطلع التصفير وواضح الصوت ويوم فيكت السير الي

قبل ولاو متقطع ورايحن فيها والبكره ممسحه ورايح لونه , وبالنسبه للمكيف الهوايه احطه على تهويه داخليه وتدخل علي روايح

وصفاية البانزين الاولى كانت تلهط لهط وانا متابع ,

استخدامي موب هذاك العنف , يعني منب افحط عليه قليل اسرع الا بالسفريات داخل الديرهـ امشي مشية نصب بس سرعه قليل مرهـ وانا اول ماطقيت السياره قسم بالله العظيم كان فيها خرابات الى

يومه , والله اني ماغير اتهاوش مع الوكاله لما وصلت معي للأتش ورحت اتهاوش معهم مافيه الا قوة بقوس وركب :smilie322:

^ ^
فعلاً إحتمال كبير يكون المشكلة من الورشة.!

الظاهر انك متعامل مع ورشه بالصناعيه

عند خبير يمني على غفله ومتكسب من وراك

غير هذا وغير هذا وخذ شغل يد

عادي وناس ماكلينها غيرك كثير بنفس السيناريو


عزيزي لا تتعامل الا مع الوكاله

ولو فعلاً عندك الشداد والسير كان غيروه لك على الضمان اما انت الحين مغير على حسابك وخسران

والله لو سيارتكـ أمـ تكـويكـ >> الذبـة إهـداء للعـادل ..

الله يعينكـ ..

بس يمكـن انكـ رؤوف بالسيارة ..

مثل المقطع هـذا شوف الدقيقة 2:46 :D
http://www.youtube.com/watch?v=SHLWpXMvO5g

حتى انا مستغرب الفحماااات نقول شي استهلاكي لكن الصفاااايه ووالفلاتر احس بدري عليهاااااا

غرررريبه والله

انا ماشيه 32الف بس يبيلها فحمات ..

والاشياء الثانيه سليمه الحمدلله

هلا اخوي...
بالنسبه للفحمات كم مشيت على السياره؟؟؟!!
وايضا تعتمد على طريقة قيادتك للسياره.

السير وبكرة السير شي غريب!!!
انا سيارتي مشيت عليها حتى الان ولله الحمد 150000كيلو وموديلها 2006.
والى ساعتك وانا ما غيرت السير!!وراح اغيره قريب باذن الله.

بخصوص القير والزيت ماعندي فكره بس غريبه!!
وايضا بخصوص صفاية البنزين شي غريب!!

اما بالنسبه للفلاتر المكيف فما فيه اي علاقه بينها وبين دخول عوادم السيارات داخل سيارتك!!
مشكلة دخول العوادم متعلقه بالهوايه اذا كانت مفتوحه او مسكره...حتى لو الفلتر جديد ونظيف
راح تدخل عليك الريحه...

بالتوفيق