ماركيز يا قلب العنا ماركيز

السلام عليكم ورحمة الله وبركاته ,

للميكانيكين , وأصحاب الخبرة وضحايا الورش ,


أنا سيارت ماركيز 98 فل كامل ما شاء الله , شريتها وهي ماشية 70000 زي العسل ,

مشيت عليها تقريبا 10000 , وفي أحدى الآيام الغابره , كريت سيارت ثلاث ساعات متواصلة من الساعة 11 إلى 2 ما بعد الظهيره << يعلمكم إن الجو كان بارد:c031:

فإذا بي أسمع صوتاً من المكينة أهم شي من الكبوت

كررررررررررررررررررررررررررررررررر >> صوت قوي

أدعس يروح الصوت

تجي طلعه (مرتفع) يطلع الصوت ,


وأخيرا ضربت معي الحراره

فتوجهت إلى إحدى الورش الموقره بمدينة الرياض و فتحت له الكبوت وقلت إيش مشكل صديق ؟

قال : أولا :عندك الثلاجه تهرب من ورا وقدام..

ثانيا : موية الرديتر قليله , لأن الثلاجة عم بتهرب>> طلع سوري

قلت طيب وبعدين ؟

قال : جيب الثلاجة مع البواجي وبعدين أحكيلك عن الباقي ..

رحت شريت اثلاجة والتي كانت قيمتها تكسر الظهر 1000 + 250 ريال شغل اليد + 80 ريال بواجي

ركب الدنيا وقام يحوس ويدوس ,وانا كنت موقف فوق راسة أربع ساعات بلياليهن
ويوم خلص قال شغل السياره ,

قمت شغلتها وإذا بها تتفتف ,

قلت وش المشكله ؟

قال خلها معك يومين وراح تزين << يصرف

أخذتها يومين , وثلاثه وأخيرا شهرين

ونفس المشكلة القديمة (الصوت لي في المكينة كرررررررررررررر )
+ المشكلة الجديدة (التفتفه)

جلست فترة من الزمن
أبحث عن الحقيقه ولم يبقى أي ورشة بالرياض إلا وجيت عنده ,
ذهبت إلى الصناعية القديمة + صناعية العروبة + صناعية أم الحمام + صناعية الروضه+صناعية الدخل وأخيرا صناعية حراج إبن قاسم ...
ولكن دون جدوى , كل ما جيت لواحد عطاني سالفه ,,
فحصتها بالكمبيوتر مرتين , ولا طلع فيها شي ,,

وأخيرا قلت أبروح لأي ورشة وأخليه يصلحها باللي هي به ,,

فذهبت إلى إحدى الورش الموقره بالصناعية القديمة واللتي تتسم بالإخلاص , وقال لي :

غير كل الكويلات + جيب بواجي جديدة ..

قلت يابن الناس توني مركب بواجي جديدة !
قال جب وأنت ساكت ..

جبت بواجي من وكالة الحاج حسين الموقره وكان الطقم بـ 80 ريال ,
وجبت طقم كويلات 8 حبات الحبة بـ 130 ريال فقط لا غير , رخيصه صح؟

ركب البواجي مع الكويلات وإذا بصوت السيرة ما شاء الله , تي تي مثل ما رحتي جيتي ...

فالله لا يهينكم أبي حل لهذه المشكلتين , وأكون لكم شاكر أحباب قلبي..