كنت ناوي اشتري اكورد ويوم شفت الازيرا ترددت , ادخل وعطنا شورك

منصووور @user_89253 · 13-08-2008

السلام عليكم ورحمة الله وبركاته
كيف حالكم ياشباب

يااخوان انا قررت اشتري سياره وكنت ناوي اخذ اكورد مريت الوكاله وشفت
الهوندا السياره ماعليها كلام روعه ماشاء الله الجلد تقريبا 95000 والمخمل 91000
وملاحظتي عليها بس ارتفاع السعر رغم قلة المواصفات وانها 4 سلندر بس الهوندا معروفه
ماعليها كلام وماليه الشوارع وسمعتها ممتازه وشكلها روعه وسياره تمسك سعرها هذي اسباب
تخلي الواحد يتنازل عن بعض الامور في سبيل انه يتملكها

وطلعت من الوكاله ومريت على وكالة هونداي وكانوا عارضين الازيرا 380 بشاشة ملاحه سألت
عن سعرها قالي هذي بعد الخصم تقريبا 89000 طلبت مفاتيح السياره جابها لي قعدت اقلبها من الداخل وشغلتها صراحه السياره روعه ومانقصها شي من ناحية المواصفات كذلك الشكل والقوه وغير كذا سعرها المغري مقارنه بالاكورد وعليها ضمان 5سنوات او 100 الف كيلو وبصراحه بديت افكر اخذها واصرف النظر عن الاكورد

فا وش رايكم هل الازيرا تستاهل من ياخذها خصوصا مع هالعرض المغري والمواصفات الرائعه ويصرف النظر عن الاكورد خصوصا انها اقل سعر من الاكورد

هل الازيرا سياره تتحمل وجودتها عاليه مثل الاكورد لاني بصراحه على وشك زواج وناوي استخدمها فتره طويله 5 سنوات تقريبا

هل هي مرغوبه في السوق مثل الاكورد تعرفون محد يأمن الدنيا ممكن لاقدر الله في اي يوم اضطر ابيعها مع اني زي ماقلت مالي نيه قبل 5 سنوات

ارجوا من الاخوه يشاركون باراءهم بدون اي حياديه لاني من جد محتار قلبي مع الازيرا وعقلي مع الاكورد يعني الاكورد رغم ارتفاع سعرها الا انها خذها وارقد غير كذا تمسك سعرها بس الازيرا مدري؟؟؟

واسف على الاطاله واعذروني على ركاكة الاسلوب ((سواليف))

وشكرا

(ورده وابتسامه)

ttoo @user_49415 · 30-08-2008

اهلا اخوي منصووور ....

اولا حبيت اوضحلك انو مالي لا في الكوري ولا في الياباني هع:smilie532: ......

لكن اذا تبغى الاختيار الافضل والاحلى والاكشخ .... توكل وخد لك ((الازيرا))

لانها طبعا سعرها معقوول وسيارة كرف وعملية جدا جدا من واقع تجربة لاحد اقرابانا ...

بعكس الاكورد صحيح سيارة جيدة وطبعا عملية هوندا مايحتااج لكن ياجماعة السيارة ضعيييييييييفة بمعنى الكلمة عزم <<< انسى ...

اما الازيرا والله طياااااااااااااااااااااارة....

ولاتنسى شركة هيونداي تحسن انتاجها من بداية عام 2004-2005 على ما اعتقد واصبحت من السيارات ذات الكفائة العالية يعني مو اي كلااام...

ولاتنسى افضل شركة في الكوري الهيونداي بلا مناااازع...

وزي ماقالوا الاخوان انت على وشك زواااج ((الله يتمم بخير ))) فا انا اشوف الازيرا كشخة مررة اما الاكورد بس دركسون وقير ومسجل ومكيف وربك سامع الدعاء.خخخ...

عالعمووم اخوي القراار راجعلك....تحياااتي

انفنتي M45 @user_45338 · 29-08-2008

الأزيرا روعة والسعر والله جدا روعة وتستاهله بجدارة

m.r.ss @user_115705 · 29-08-2008

م

منصووور

السلام عليكم ورحمة الله وبركاته

كيف حالكم ياشباب

يااخوان انا قررت اشتري سياره وكنت ناوي اخذ اكورد مريت الوكاله وشفت
الهوندا السياره ماعليها كلام روعه ماشاء الله الجلد [SIZE=5]تقريبا 95000 والمخمل 91000[/SIZE]
وملاحظتي عليها بس ارتفاع السعر رغم قلة المواصفات وانها 4 سلندر بس الهوندا معروفه

مو كانه اسعر هذه حق 6 سلندر عندنا قربيه 4 سلندر ب 91000
مستحيل هذا السعر إذا كذا انصحاك إبالأزيرا

موفق ان شاء الله

الشيـــــــخ @user_112715 · 28-08-2008

الازيرا جداا ممتازه وانا مجربها

وسرعتها جنونيه وفخمه

نـاصر @user_80714 · 28-08-2008

^^^
الاوريون ماتنفع مكيفها من جنبها تبريد

خذ لك اكورد افضل لك ..ولاتنسى JAPAN %100

أريون 2008 @user_116331 · 28-08-2008

انا اقول لاأزيرا ولا كورد خذلك أريون 2008 فخامة وقوة وموصفات حلوة مرة

عاشق الكوبيـــه @user_107089 · 28-08-2008

طبعاً:
Hyundai Azera s380

* yOyO * @user_69168 · 28-08-2008

إذا تبي نصيحتي خذ لك أزيرا

سعودي اوتو @user_115744 · 27-08-2008

الأكورد حلوة إشترها ونم يابن الحلال والأزيرا خذت عقلي والله الأكورد حلوة وأضمن ومعروفة

سمير بوحه @user_107292 · 14-08-2008

اكورد قمه
والازيرا فوق القمه

خذ مني نصيحه وانا عندي ازيرا
سياره عليها رساوه مو طبيعيه ماشاء الله\

وانا كل يوم رايح جاي من الحسا الى بقيق
وسياره تعتمد عليها
وانا انسان قليل الاهتمام بالسياره
وفي مواضيع كثيره عن تجربةالاشخاص الازيرا
وتقدر تزور قسم الكوري وتشوف التجارب
والله يوفقك

منصووور @user_89253 صاحب الموضوع · 14-08-2008

لكل اللي ردوا وتفاعلوا مع الموضوع

مشكووووووررييين صراحه بجد اثلجتوا صدري
وهذا مهو غريب على اعضاء منتدى السيارات الكرام

الاحظ الكل ينصحون بالازيرا وعشاق الاكورد مالهم صوت
واكيد الشي هذا ماجاء من فراغ الا لأنها سياره تستاهل

وان شاء الله بستخير واسوي test drive واخذها ان الله اراد

والله يبارك فيكم مقدما

:)

MR.EbraheeM @user_81604 · 14-08-2008

الأزيرا افضل .. ومواصفاتها روعة ومكينة اقوى

وبالتوفيق ..

راعي الأوبيروس @user_37813 · 14-08-2008

اكيد جوهرة هيونداي أزيرا وانت مغض والله يكتبلك الي فيه الخير

KYRON @user_5890 · 14-08-2008

تم دمج المواضيع والنقل لقسم التقييم.

بالتوفيق.

BO SUL6AN @user_99108 · 14-08-2008

أزيرا وانت مغمض

أبو العـــــز @user_90026 · 13-08-2008

انصحك اخوي بالازيرا

ياخي الاكورد فاضية وغالية على الفاضي

مدري هل معقول ادفع 95 الف على سارة اربع سلندر

والله الازيرا افضلك

لكن من ناحية مسك السعر اكيد للأكورد

$$ أبو فيصل $$ @user_98092 · 13-08-2008

والله رايي انك تاخذ الازيرا بدوووون اي تفكير ....

يعني انت شوف واحكم ..ز وعقلك في راسك وتعرف خلاصك ..

والعقل السليم في الجسم السليم .. <<< مادري وش تبي بس يالله .. :eh_s1:

هههههههههه

لأ يعني الازيرا 3.8 وذيك < اللي هي الاكورد .. 4 سلندر ... هذا اول فرق ..

الاكورد فخامتها اقل من الازير .. حتى انها مو من نفس فئتها ...

الازيرا فيها نافيقيشن لا وبالعربي بعد وشاشة باللمس وحركات ..

الاكورد حقت كرف انا معاك .... بس حتى الازيرا على كلام مالكيها نها ماتشتكي ابد ... بس تغير الحاجات الاستهلاكية ...

الازيرا حقت عايلة يعني انت بتتزوج (( مبروك مقدما )) ويحتاج لك سيارة حلوة وسعرها معقول وواسعه ...

فانا اصوت للازيرا ... عاد انت اختار لكن الازيرا هي الافضل ...

تحياتي وتقديري ..

sea gull @user_83775 · 13-08-2008

لو كانت الاكورد 6سلندر ممكن في هذه الحالة اقولك خذها و انت مغمض لكن
تقارن 4مع 6 سلليندر و مكينه 3.8و فول اوبشن بشاشه و سعر و لا في الاحلام
اقول توكل على الله و خذ الازيرا وان شاء الله بترتاح معاها

khalid911 @user_45874 · 13-08-2008

الشباب ما قصروا واخذها مني وانا مجرب السياره

الازيرا روووووووووووعه ما شاء الله عليها و سياره تتحمل بجد

انا سيارتي 2007 وماشيه 112000 بالرغم من اهمالي الشديد لها الا انها متحملتني واذا فيه كم مشكله طلعت فيها هي بسبب اهمالي لجهة المشكله وعدم اهتمامي فيها

و في الخط لا اله الا الله عليها رساوه عجيبه و قوه رهيبه

و انت بتاخذها فل 3.8 264 حصان و بالشاشه بعددددددددد

أقول لا تفكر ولا تحتار غير أزيرا لا تختار

اخذها بس و اقرا عليها ايات من القرآن و ان شاء الله تحفظها من العين

مع تحياتي :- أخـــ khalid911 ـــوك