خيانتي لتويوتا وقصتي فيها

جد خنت تويوتا لاني اول ما شفت شي اسمه سيارة ببيتنا وكتابة تويوتا عليها ابتدائا من الثمانيات والكرسيدات والهايلوكس الى الان بالكامري واللاندكروزر

اخواني انا كان معي كامري 2004 جي ال وبعتها وجابت لي 40500 ريال


اشتريت اكورد 2005 بـ 39000 على اساس انه نظيف طبعا ما فصحت عند المحلات العادية اللي معروف ان بينها وبين المعارض نسبة لا انا وديتها للوكالة وسويت برنت كامل بـ 300 المهم طلعت السيارة ممتازة

حبيت السيارة لقوة مكينتها وادائها بصراحة غير كذا القير الاوتوماتيكي بصراحة احس انه كانه قير عادي من ناحية السحب والانطلاقة ماشاء الله

بس مجرد ستة شهور خلتني اصرف حول 7000 ريال


مع المساعدات وجلد المقصات والعكوس وايضا فحمات الفرامل و وو وو وو


امس ماشي انقطع علي اما انه سير التايمين او انه الجنزير بس اتوقع انه جنزير لان سيارتي تشتغل بتقنية في تي اي وهي بكامين منفصلين يعني كام شفت للسحب وكام شفت للخروج


تركتها امس من قهري في الدائري واليوم سحبتها ورميتها للورشة



اللي خلاني اشتري الاكورد هو اولا قوة قيرها الاوتوماتيكي وثانيا الاغراء في الداخل من ناحية الديكور والتصميم واللون البيج الداخلي

وايضا قوة محركها اللي يوصل لـ 170 حصان وهي خيالية بصراحة


لكن ايش جنيت


فقط الخسارة


خسرت الكامري لاني بس بغيت اغير ديكورها وبغيت اغير للقير الاوتو اللي ما كنت مقتنع فيه لانه يبدد قوة المحرك لكن لما جربت الاكورد حسيت وكانه قير عادي من قوة السحب فيه وايضا الماركة
لحقت ورى شي اسمه ماركة لان التويوتا على قولتهم مجرد اسم لسيارة الطبقة الوسطى من الناس
اشتريت اكورد علشان اتباهى ورحت فيها


شباب ليش دائما ما نلقى شي كامل الا اذا دفعنا فوق الـ 200000ريال

يعني الكامري مثلا برة تجي بديكور ومواصفات واشياء خيالية وهنا انا بس اكسب انها تتحمل وانها قوية بس وغير كذا مسجل وانيت ودركسون وقير واحمد ربي ان الوكيل مخلي المكيف



واذا جيت لسيارة مثل الاكورد اللي ما تتحمل سنوات عمل هي او غيرها من الكوريات والصينيات

مثلا الشيري مليانة مواصفات واكثر من اللكزس ما ادري ايش اسم السيارة بس الكل عارفها لكن ايش فائدة المواصفات اذا كانت السيارة لسنتين او ثلاث وبس؟