ياشباب لو سمحتم .. كيف استخدم الدبل الكهربائي ( يوجد صورته بالداخل ) ؟

شكرا للجميع على المعلومات المفيدة

والمداخلات القيمة



أجمل تحية

هلا اخوي ..

الأخوان ما قصروا ..

لكن بالنسبه للدبل الخفيف 4HI .. الافضل ان القير يكون على الـN (الأفضل) لكن حسب ما اعرف انه عادي انه يكون على الـD ...

لكن نصيحه مني قبل لا تشبك اي دبل رجع القير للـN ،، لأنه حتى لو ما أثر على الدبل ،، راح يؤثر على عملية فصل الدبل ( الرجوع إلى وضعية الـ2HI ) ..

بالنسبه اذا بغيت تطلع طعس .. حط الدبل على 4HI لأنك راح تحتاج لعزم ،، وحسب ما اعرف ان الدبل الثقيل 4LO له سرعه محدده ما تتعداها ( أظن والله أعلم انها اقل من 40 كم ) (( أعتقد ))

والدبل الثقيل 4LO لا تستخدمه الا اذا غرزت السياره (وقفت ) .. (( بس انتبه لا تحفر الكفرات ، لانه اذا حفرت الكفرات تعلقت السياره وبعد كذا ما يطلعها لا دبل ثقيل ولا خفيف )) ويستخدم في حالة سحب السيارات الاخرى !!


ونصيحه معروووفه ... لا تدخل الرمل الا وأنت منسم الكفرات (15 ) او ( 10 ) .. لتجنب التعلق .. وايضاً ممكن يحرق عليك الكلتش ويرفع حرارة السيارة اذا كانت الكفرات مليانه وانت تمشي في مناطق رمليه !!

اتمنى اني أفدتك ..

وبالتوفيق ان شاء الله

^^^^^^^^^^

اخوي كلامك صحيح السوبربان واليوكون يفصل بس التراكشن لكن السترابك سيستم مايفصل وانا جربتها بيوكون 2005 لكن طلع يجب اصلاح النظام ....لكن عندي بالتريل يفصل كامل التراكشن والثبات بعد الضغط عليه لمدة 5 ثواني تقريبا ...

طيب جربت الحركه هذي يا جست شيفرو بالسوبربان و يصير يطلع لي اذا طولت وانا ضاغط "يجب تصليح جهاز الثبات" و اذا فكيت الزر يرجع لـ"نظام تحسين الثبات مطفأ" بس ما احس انه طفا النظامين كلهم يفصل اتقد التراكشن و يبقي على الستابلتي تراك شغال

و على كلام الكاتلوج انه يفصل التحكم بقوة المحرك ولكن يبقي على التحكم بالفرامل شغال

مع ان الموتر ادائه ولا اروع خصوصا انه حجم 1500بدون دبل و ما قد نسمته اقل من 25 بس اعطيه 2 و اشغل نظام السحب و طبعا فاك نظام الثبات و امشي و لاطعس قد عوق معه ولا بعد عرف التغريز ماشاء الله عليه

تحياتي

shagra
Magellan
just chevro

الاخوان الكرام .. أشكركم على مداخلاتكم القيمة

والحقيقة أفادتني كثيراً ولفتت انتباهي لأشياء لم أكن أدركها

جزيل الشكر والتقدير

الشباب ماقصروا الله يعطيهم العافيه ....

اخوي بالنسبه للأوتوا والخفيف لا عادي تشغلهم والسياره تمشي لكن الخفيف ماتشغله وانت على سرعه عاليه .

اما اخوي السؤال الثاني طلوع الطلعه طويله ....فيه كذا شي لازم تنتبه لها اول شي هواء الكفرات نصيحه اخوي كل ماقل هواء الكفرات كل مكان ممشى السياره افضل وتطلع الطعوس الطويله بسهوله يعني اذا كان الهواء 10 ان شاء الله ماراح يوقف بوجهك شي مع الدبل الخفيف لا طعس طويل ولا قصير مع العلم ان مكينة الانفوي والتريل قويه جدا .

واذا اخي الكريم حاولت تطلع طلعه طويله رجع القير على 2 لانه في هذي الحاله راح يشد معك الموتر وماراح يفقد عزمه .

وفيه شي ثالث اخوي ماادري اذا سيارك موجود فيها وهو فيه زر بالقير حق الثيات اذا موجود فا قبل ماتدخل اي منطقه رمليه اضغط الزر لمدة 5 ثواني تقريبا او 6 راح يفصل التراكشن والسترابك سيستم حق الثبات وراح يكون ممشى السياره ممتاز جدا ان شاء الله

بالتوفيق اخوي ورحلات موفقه

إذا تبي ترقى طعس زي الخشم مرتفع
نزل القير وحطه N ثم إشبك الدبل الثقيل 4LO ثم إرجع وأنقل القير من N إلى 2 ثم إدعس للموتر ولاتزيد سرعتك عن 50كلم/ساعه،
وإذا خلصت رجع القير على N ثم رجع الدبل على 4HI ثم إنقل القير على 3 وتمشى بالطعوس

طبعاً هناك ملاحظتين في الطرق الرملية:
1- لازم تقوده والكفرات ضغطها مابين 10 و 15
2- لاتحط القير نهائيا على نمرة D مادامك في طعوس ورمل وسرعتك أقل من 70 كلم

وتأكد لايوجد فرق ملموس بين التريل البليزر والإنفوي

HI يعني خفيف... و المقصود عالي اي أنه القير عالي و ليس واطي

LO يعني واطي... أي القير واطي و يصير ثقيل و بطئ في نفس الوقت

زي جنزير السيكل اذا تذكر..... اذا حطيته على الواطي يصير اقوى بس أبطا.... و اذا حطيته على العالي يصير اسرع بس أضعف

بعبارة اخرى... 4HI للتطعيس الخفيف العادي

4LO لحالات الطوارئ مثل التغريز الشديد

السلام عليكم أخوي just chevro اخوي انت تقول الوضعية الثالثة دبل خفيف ومكتوب في الصورة 4HI يعني عالي والرابعة 4LO يعني خفيف الا اذا كان غير كذا الله اعلم
والسلام

هذي صورة الدبل إذا لم تظهر ، فوق في الموضوع !

الأخ الكريم just chevro .. ما شاء الله واضح الخبرة من ردك اللي استفدت منه كثير

بس عندي نقطتين باستفسر منك فيها

أولا : قلت في ردك السابق (واذا بغيت تضعه على الوضعيه هذي لازم يكون القير على N بعدين تضعه بالثقيل ) في حديثك عن الدبل الثقيل ، يعني في الدبل الخفيف والاوتو ممكن أبدل له بدون ما أفضي السيارة يعني ممكن التبديل لهما أثناء سير السيارة على الـ D ؟

ثانياً : إذا كنت أبغى أطلع طعس طويل نوعاً ( يعني منطقة رملية مرتفعة للأمام ، فالسيارة تحتاج إلى السرعة ( القومة ) هل أضع الدبل الخفيف أو الثقيل ، وإذا بدا عزم السيارة يضعف في الرمال فماذا فهل ممكن أبدل للثقيل ؟

لأني عانيت من هذي المشكلة في هذه الصورة ، حيث توقفت السيارة تماما باستخدام جميع الطرق .......>> طبعا أخوك غشيم في استخدام الدبل



استفسار أخير كمقارنة بين الانفوي والبليزر .. لأني صراحة راعي خطوط وسفر وبر أحيانا ، ونفسي في البليزر لأنه مريح في الخط ، ايش الفروق بينه وبين الانفوي ؟

أخوي راعي النيترو ، قوة الانفوي أعتقد الماكينة 294 حصان ، 6 سلندر


مع الشكر والتقدير

ماقصر اخوي just chevro
وفادك بكل المعلومات
بس كم قوة الانفوي؟؟؟
والصورة مو شغالة