السلام عليكم ورحمه الله وبركاته
ياجماعه الخير اليوم صارت لي سالفه ما اعتقد انها مرت علىاحد او نادر ما تصير
بس هذا اللي مكتوب
انا كنت مسافر ورجعت اليوم قرابه الساعه الرابعه عصراً المهم مالكم بطوالها طبعا عادتي
اذا جيت من اي مشوار طويل وخاصه السفر ما اطفي السياره على طول اتركها ما بين عشره دقايق لربع ساعه واطفيها وهالمره ما طفيت السياره جيت من السفرر تعبان ومواصل طبعا طلعت البيت
ولقيت اخوي وقلت له وانت نازل طف سيارتي معاك وقال اوكي
ورحت نمت وصحيت قرابه الساعه 12 ليلاً وكنت بروح لي مشوار وانا نازل للسياره اتفاجئت انها شغاله وما طفت طبعا بغيت انجن فوق 8 ساعات وهي شغاله وهي واقفه من غير مشوار السفر
ولقيت البنزين على الزيرو يعني لو تركتها شوي طفت من حالها من كثر ماهي شغاله
والله يا جماعه الخير ما تتخيلو القهر اللي انا فيه يوم لقيت السياره شغاله
طبعا شفت عداد السياره والا كل شي اوكي الحراره النص ماعدا البنزين مثل ماقلت لكم على الزيرو طفيت السياره وكرهت المشوار اللي كنت بروحله وانا الحين خايف ان المكينه صار لها شي
وطبعا يوم دعست دعسه قويه على السياره طلع دخان عاد مدري هل راحت علي جلد البلوف او
بتخبط المكينه والله انها شاغلتني وشايل هم هالشغله
علماً بأن السياره فورد ومريحتني ولا عمري شفت منها شي
اللي بسأله يا جماعه الخير هل انه ممكن تأثرت المكينه بهالشي
وكيف اقدر اشيك عليها يعني وش الاشياء اللي اقدر الاحضها بوقتها اذا صارت مثل ماصار لي
مع انه ما توقع انها مرت على احد والله حتى خفت اروح عليها مشوار واجربها من خوفي انه صار لها شي اعذروني على الاطاله بس والله من القهر اللي فيني وليلي كله قلق بسبب هالحركه اللي صارت يعني لو قدر الله تعطلت عليك وانت ماشي او لا قدر الله صار حادث قضاء الله وقدره والحديد
يتعوض بس الواحد يكون قنوع وراضي بالقضاء والحمد لله بس لما تصير حركه مثل هالشي حاجه تقهر يا جماعه وقلت مالي الا الله ثم انتم انكم تفيدوني بهالموضوع علماً انه انا قاعد هالموضوع ولها قرابه ساعه ونص مطفي السياره مو قادر اصبر
وشاكر لكم .
