استفسار حول الافضلية بين كامري 2008 وسوناتا 2008

اخوي اذا بغيت سيارة العمر انصحك بالكامري
قطع متوفره حتي عند البقال
كرف لابعد الحدود
الرساوه تمشي 240 زي الحلاوه
لا تنسيم ولا خرطي
علي الاقل اذا طفشت منها بعتها بسعر زين مو زي الكوري يطيح سعره

يا حبيبي سوناتا وبس

ياخي الكريم يكفيك موضوع احد الاعضاء في الامنتدى عن الكامري في السودان انها ياباني والكامري في السعودية استرالي يعني الكوري في اعتقادي ليس من تجربه بيكون ابرك والله اعلم

السوناتا بدون تفكير وعن تجربه انا معاي سوناتا كنت اروح عليه الدوام طبلونها يوميا وماقلت شي والوكاله قل ماشاء الله قمه مايحتاج تحطهم على الجرح يبرى

والله انا معي كامري 2007 واداوم في الدمااام وانا من الرياااض والله مافيه احلى منها في الخط وبالنسبه لقطع الغيار اسعارها حلوه

واتمنى لك التوفيق

الاخ jhbhh و Rosr
شاكر لكم مروركم والمعلومة اللتي افدتوني بها

خلك على السوناتا افضل من الكامري بواجد بس يفرق السعر

لم اجرب اي واحده
بس السوناتا تكسر راس منافسيها بالمواصفات والسعر و الجوده وبالاداء +2009 شكل حلو لالسوناتا
بس قطع غيار معرف عنها شي

لمن الافضلية بين الكامري 2008 ( او 2007 ) و سوناتا 2008من ناحية :-
- الرساوة ( في الخطوط و اخذ اللفات على سرعه )
- قطع الغيار ( من حيث الغلاء )
- تحمل السيارة بشكل عام ( ابي اكدها وخرابها قليل )
والله يالسوناتا انها ابرك وافضل وتري الكوري بيغطي الياباني بالراحة .واهم شي كل القطع
وكالة ما هوب مثل التويوتا الجميل كلها تجميع.واحد من عيالنا عنده واحده وشاريها بعد مستعمله
موديل 2006 .واول ما ركبتها وسقتها .وانا اصلا ما اعرف الا الامريكي وخصوصا الكاديلاك.والله
يانا انذهلت من هدوها ومن رساوتها ونشاطها.لكن تري قريبي ما يعرف التفحيط ولا اي خبال من
خبال السقيط اللي اذوا الناس.والسفر والتكيف والهدوءومثبت السرعة.خذ موتر.توكل ولاتفوت السوناتا.واختر الموديل ورح اشتره من اي معرض.والفرق في السعر كمل به اللي تبي من الاضافات.

هلا اخوي ( معي النترا ) على مرورك
اسعدني ردك ، وقللت من حيرتي شاكر لك.

هلا اخوي
احب اذكرك ان السوناتا 2009 موجوده وانها اجمل وافخم من 2008 وانصحك فيها ..
..
بالنسبه للاسئلة/
الرساوه انا جربت كامري وسوناتا كلها 2007 و وجدت ان السوناتا ارسى على السرعات العاليه ..
قطع الغيار واسعارها اعتقد انها متقاربه وبشكل كبير .. وهي عموما مناسبه وفي متناول اليد ..
الكرف والتحمل كلهم توب والكامري معروفه بالشيء هذا .. والدليل التكاسي اغلبها سوناتا وكامري ..
..
في الاخير انا افضل لك سوناتا 2009 وترى سعر النص فل حسب اخر الاخبار 63.000 والفل 79.000 4 سلندر .. وعموما السياره مهما كان نوعها اذا اهتميت فيها تعيش معك مده اكبر حتى لو كرفتها ..

,,بالتوفيق

هلا اخي ST220
مشكور على مرورك
وصراحة انا ودي بالسوناتا لانها ارخص بكثير لكن ما ادري هل هي سيارة تستحمل ( والا تطقطق وانواع الاصوات - لاني باكرفها ) وبالنسبة لاسعار قطع الغيار فيها ، ورساوتها واخذ اللفات بسرعه ( ماني مفحط ولا شي لكن العمل اللي انا فيه دائما اكون مستعجل ) .

تكفون يا شباب ارائكم الله لا يهينكم

ينقل الى القسم المختص