بسم الله والصلاه والسلام على اشرف الأنبياء والمرسلين نبينا محمد وعلى اله وصحبه اجعين
ابدأ بكلمات شكر وامتنان لكل من شكرني وهنئني على موضوعي السابق (نصائح لمن سيشتري الفورد) واشكر الجميع على التقييم مابغا اطول عليكم اخواني في هذا الموضوع تكمله للموضوع
السابق لكن من جهه اخرى بحيث الأشياء الخفيه التي تكون مبهمه (غير مفهومه) للمشنري او للمتفرج على سيارات فورد في توكيلات الجزيره والتي لا يدري عنها الا اذا (ضاق صدره ) او شكك بمصداقيه البائع الذي باعه السياره اذا : بسم الله
تنويه للجميع ((((( انا موضف عادي في التوكيلات بمعنى لست بمدير اعرف اسرار الشركه او بذاك الموضف الهائل لا انا موضف عادي جدا وشاب مثلي مثلكم اشتغل في قسم المبيعات في قطع الغيار ولكن لدي معلومات الحمدلله هائله عن الشركه وسياراته الكامله بدرجه اقل الميركوري بحكم اختلاف
الوكيل في المملكه يعني المعلومات اللي عندي بقولها والله الموفق )))).
خفايا الزبون او المشتري من قبل البائع والعميل اللي يبيعه السياره كثيره جدا ولا تحصى وسبب ذلك ان الموظف الي يبعه السياره يبي يمشي بضاعته عشان يحصل على نسبه
من بيع السياره وفائده له شخصيا له بحيث ان السياره الي تنباع بتسعين الف يكون له حصه من الشركه والبعض ما يدري ليش فورد منعت التقسيط .البعض يقول غريب هو بالفعل غريب لكن هذه الحركه لتفعيل مبيعات الشركه بالكم الهائل وانتم تشوفون الكم الهائل من فورد مبيعات فورد الان والحاصله على الرقم القياسي على خلاف المتوقع .
بأبدا بالخفيه الاولى (انا كتبت عنها سابقا لكن واحد رد علي قالي ما فيه زي كذا لكن روحوا الوكاله وشوفوا) الستاندرد الاصدار الاساسي للكراون فكتوريا ان فيه منه طلبيه
تكون شبك نفس لون السياره مرفقه بارقام على الابواب تأتي باللون الاسود فقط لا الوان اخرى منها والشبك الرياضي يعني ماهو حق lx s حق سبيشل ايدشن مرشوش اسود
والشبك الثاني شبك رياضي حق 2002 المربهات اللي لونه اسون فقط هذي تطلبه من البائع وهو جالس على مكتبه قله يهز طوله ويطقطق في جهازه ويطلعلك لسيارات الموجوده عنده كلها من طقطق لسلام عليكم وعلى فكره نفس سعر الستاندرد لا وبريموت كنترول هذي مخفينها البائعين عشان مالهم نسبه مبيعات فيها لانها اصدارات تجربه وماله ولا ريال فيها .
خفيه ثانيه ان للكراون فكتوريا lx s لها نص فل وربع فل وستادرد من الداخل يعني الوكاله يعسلون كلامهم بأنها full options في الواقع تأتي بدون فتحه وهذا افظل برأيي تاتي بدون مانع انزلاق تأتي بدون تحكم للمسجل من الدركسون ووووو غيرها الكثير من الاشياء
وحتى تأتي بدون خطوط على جنب السياره مثلا اذا كانت السياره لونها ازرق نفطي يكون لها خطين بيج وهكذا وهذي ما انصح فيها اللي بيشتري كراون فكتوريا الا القير الارضي بدون جناح وتجي بدون 6 سيديات سيدي واحد بس معلمه اضافيه .
خفيه ثالثه ان الكراون فكتوريا s الستاندرد مطور تأتي بقير ارضي وهذا ما تكلمنا بصدده قبل قليل انها من السيارات التجربه_تأتي بلون واحد فقط وهو عنابي اي توريدو احمر
لكن انا يالسعوديين نسميه كذا ماتكون للبائع ولا هلله عشان كذا ما تلقاها عندنا كثير والاصدارات هذي تنعد على اصابع اليد يعني تكون خمسه مسوينها في الوكاله يعني تصني المملكه هنا عندن (شبابنا السعودي هم اللي مركبين القير ) وتكون سيارتين بكل فرع من فروع المملكه الرئيسيه الدمام الرياض جده نصيحه الحقو عليه مع نزول الفين وتسعه لا تفوتكم اذا تحبون الارضي.(معلومه مهمه جدا ان مافيه اي قير ارضي للكراون فكتوريا اصلي يعني جاي شد بلد هو تجميع سعودي واصلا مافيه قير ارضي اصلي الا قير السبورت الحقيقي مارودر فقط اما الفتحه هذه الاشياء ما تاتي من usa لان السيارات الامريكيه 95 بالمئه كلاسيكيه الطبع الا اللنكون هو الاصلي )
خفيه رابعه لمحبين spicial edition هي سياره تمانتاجها بسنه 2007 ليست 2008
مثل ما تقول التوكيلات وتأتي من الولايات المتحده بلونين فقط وهم الاسود الملكي والعودي
نفس لون كتابتي يعني وتدرون ان الوانها موحده يعني المرايات نفس لون السياره واللون الاسود في الخلف نفس لون السياره وتجي بدون جناح مع الطلب وتجي بزيج رياضي نفس اللي على s وlx s و lx اللي عند الباب بشكلها المستطيل لكن اضافه في السبيشل ايدشن
انه في نيكل نحيف وسط هذا الزيج وشكله روعه كانت معروضه في الموقع الرسمي لشركه فورد (الوكاله صابغين الالوان هذي هشان تربح وانا ما الومها ليش لأنهم خايفين ان السياره تخسر ولكن السياره حققت نجاح هائل عندنا في المملكه والرش لهذه الالوان ب460 ريال تربح الوكاله من وراها وانا اجزم ان كل واحد شرا سبيشل ايدشن قالوله اصبغها عندنا نسيت اقول لكم فيها لون جديد انصح بمشاهدته في الشارعroyal blue لسبيشل ايدشن فقط هو لون مثل لون علبه البيبسي جميل جدا وتم اقتراحه في المملكه عندنا
_ وعلامه التاج كنايه على سياره فورد قديمه جدا وعريقه )
الخفيه الخامسه هي الاخطر والملعوب علينا بعلامه s هي ليست سبورت اصلا حتى القير الارضي والعلاقي علامه s حتى انا شاك فيها لكن لن تخرج ابدا عن هذه الاحتمالات
انها علامه سيدان sedan وهي الارجح _ او علامه سعوديه لأن تقارير اسبوعيه تذهب لامريكا من عام 2001 تقريبا ان الشباب يطلق عليها مسمى سبورت فوضعو لها مواصفات خليجيه شكمانين ونصحو بتقليد المارودر من حيث هيدروليك الهوا القاسي مرفقه بالقير الارضي دبات خليجيه وفتحه سقف و toutch up على البويه الخارجيه لحراره الجو.
الخفيه السادسه سبب توقيف سياره مارودر من 2004 انها باختصار عقدت كل صانعي السيارات الرياضيه من حيث توافق القير والمكينه مع بعض عشان يالعربي الشرطه يخافون منها ان راعيه يسوي شي ويحط رجله _مثلا caprice ss المكينه اقوى من القير وفي التسارع ماتقارن بالمرودر من حيث الثواني للطبلون .
على العموم نصيحه لوجه الله اذا جيت تشتري سياره هد وتعوذ من بليس واستخر ربك وبعدين طلع ريحه اللي بيبيعك السياره من الوكاله ولا تخليه يكسب من وراك واسئل عن السيارت اللي عنده في الجهاز والstock cars اللي تحت في القبو قله ابي اشوف السيارات اللي تحت وابغا اجرب تشغيله ويا حبذا اذا تجربها مره وحده انا اقول لكم كذا اخواني من واقع تجربتي و مشاكل الناس اللي اكلمهم . طرح هذا الموضوع كان واحد من زملائي جزاه الله الخير طلب بأني اطرحه لكم هذي اسرار مهمه جدا جدا جدا شكرا
لي عوده انشاء الله
