السلام عليكم,,,
قبل شهر ونص فقط شريت كراون فكتوريا 2008 (standard) من الوكالة وطبعاً السيارة جديدة ومدلعها ويوم الجمعة الماضي طلعت من الاستراحة والقى المثلث خلف السائق مكسوووور:a120(89):
واحصل الاستبنة مسروووقه :a120(24): .
انا من شدة الموقف اتصلت بالشرطة (999) وجوني بسرعة بعد ساعة ونص!! (قد الحرامي باعها)
وفي الاخير قالولي تتهم احد؟؟ قلت لأ, قالو اذا انت حاب ترفع بصمات الحقنا القسم!! (وش فايدة اني اركب السيارة واسوقها وتصير بصماتي,اخاف بعدين يقولون انت اللي سارقها :a234: .
وقمت سحبت عليهم كلمت كل الشباب اهل الفورد وانصدمت بصراحه!! واحد من الشباب منزل استبنته وحاط استبنة سوداء مع كفر مستعمل بـ70 ريال ويوم قلت له ليه؟ قال ثلاث مرات انسرقت قلت ليش ما قفلت زر الشنطة! ضحك قال حتى هذا كسروه :emot171: .
المهم رحت للغرابي قلت ابي قفل استبنة قالو ما فيه رح الصناعية وفصل لك!
وانا يا الربع عندي بطاقة فيزا ومستعد اشتري هالقفل ولو كان بامريكا بس احد يدلني ويعلمني
تكفون يا شباب والله اني منغبن..........
