احذر خلط البانزين 91مع95

عبي واخلط اذا كانت سيارتك 91 اما 95 لا تخلط وخلك على نفس النوع
انما اذا سيارتك 98 الله يعينك

في امريكا درجة الأوكتان 87 وهي الدرجه الموصى عليها من الشركه الصانعه انا اتكلم عن الجمس لأن عندي واحد وحصلته مكتوب بدليل المستخدم

السلام عليكم
في النهاية انه خلط البنزين في رائيي مضر لاني جربت هذا في بلد اوربي طبعا هم ما عندهم 91 عندهم 95 وعنهم ايضا 98 واسمه باور محسن وهو اغلى وعندما خلطتها مرتيين حسيت بالسيارة ثقلت وفي صوت في المحرك غير عادي وعندي الان مشاكل في السيارة اخرى والله ما اعرف هل هو سبب الخلط ام البرد الي عندنا تحياتي.

هاذا افضل رد

وكلامك عين العقل

شفط بلي من التانكي لين يفضا وعب البانزين اللي تبي اي نوع اهم شيء لاتصير كل يوم لك نوع.....

اعتقد لعب عليك صاحب الورشة

خلط 91 مع 95 يؤدي ال انتاج بنزين اعلى من 91 بحسب نسبة الخلط و لا يوجد ضرر على المكينة الا في حالة انه المكينة مصممة للعمل باوكتان 95 و خلطت 91 مع 95 لانه الناتج سيكون اقل من 95 و تأثيره يكون بتآكل راس السلندر على مدي بعيد

لون البنزين احمر او اخضر الوان تضاف الى البنزين للتفرقة فقط

الظاهر انه المحطة التي صبيت منها بنزينها مغشوش

و هذه المعلومات متأكد منها لتخصصي كمهندس كيميائي و عملي لمدة سنة و نصف في مصفاة بترول

و شكراً

يا أخوان يمكن المشكله مو في الخلط (91-95)...يمكن تكون المشكله في محطة البنزين نفسها ....
وكذا مره كتبوو في الجرايد عن سيارات جديده انعدمت بسبب المحطات وخلطهم لمواد ثانيه مع البنزين
...وانا شخصياً انصح انك تعبي من محطات( الدريس) ..لاأن الحكومه تعبي من عندهم
او نفط - التسهيلات .. الشركات الكبيره ....الا اذا كنت في خط ومجبور تعبي من اي محطه

وممكن تتأكد من موضوع خلط البنزين في كل الجرايد المحليه
وحصلت اكثر من مره ..تعرف العماله السائبه ماخلوووو شيء

تقبل تحياتي ..
والله يكون في عونك

والله أنا يكـثر ماخلـطت والحمدلله

لكـن أتوقع المشكله من المحطه اللي عبيت منهـا

اخواني انا انصح ب95 في النهايه الراي رايك والبنزين صار رخيص

كلامك صحيح الله يعطيك العافية

وعادي لو مرة مالقيت البنزين الي تبغاه تعبي الثاني مابيأثر

لكن انا حسيت بالفرق بين الإثنين : 91 - خفيف على المكينة - يطير بسرعة - المكيةة تسحب بسرعة ( السرعة ) - صوت المكينة أقل من 95
95 - يعطي عزم أكثر ويطول في التانكي مايخلص بسرعة
هذا من راي وجربته في الكابرس مادري عن بقية السيارات

ما اتوقع فيه مشكله من الخلط اذا كانت السيارة اصلا تقبل 91

و حتي السيارة الي ما تقبل 91 مثل المرسيدس مسجل في كتلوجها انه عند الضرورة كأن تكون في طريق سريع و لا يتوفر الا وقود بوكتان اقل من الموصي به فيمكنك استخدامه مع مراعة ان تتجنب التسارع الشديد و عدم تجاوز سرعة 120 وقم بملى التانكي اول ما يتوفر الوقود المطلوب ( من الذاكر لكن احول اجيب النص من الكتالوج ) فلم يذكرو فك التانكي و تغيير الصفاية

مع احترامي للجميع لكن اظن ابدا ما فيه داعي لكل هذا الكلام من فك تانكي و تغيير صفايه و تفريغ مواصير و لا اظن له اساس علمي و لا منطقي

خلي التانكي يفضي و عبي فل 95 و الزمن كفيل يزيل كل اثر لبنزين 91 كلها تعبئة اخرى فل و انسى انك استخدمت 91

بعدين لو اضفت اوكتان بوست الى بنزين 91 ممكن يصير اوكتانه حتى اعلى من 95

ليه هو انا معبي بنزين في سيارة ديزل حتى اسوي الزوبعة هذي كلها


و حقين الورش تراى ماهم مرجع بالعكس يتمنون انتشار اي معلومة ممكن تجيب لهم شغل


تحياتي للجميع

امس رحت للورشة وطريقة ازالة البانزين القديم هي فك لي او ماصورة مدري وش اسمها الطرمبة وخلا البانزين ينزل كله بعدين شغل السيارة السيارة لين تفتف وتطفي وعبيت بانزين95 والحمد لله ماسمعت طق طقه بلعكس هادية .. يقول المهندس لو ماغيرة البانزين بسرعة كان بتجيم المكينة معقولة هذا الكلام ؟؟ أشكر اللكل ابو خضر و اهلا اهلا و ابــو بــدران و كابريس 89 و فني سيارات T ype Rوجميع الاعضاء الاخرين والضيوف واقول ل Type R مايجي منك قصور. ودمــــــتـــــــــــم

السلام عليكم

ممكن تخلط بنزين 91 مع 95 ، وهذا الشيء حصل وقت أول ما نزل البنزين الجديد "91" في ناس كثيرة حولت إلى بنزين 91 مباشرة بدون تفضية خزان البنزين.

وبشكل عام ، إذا محرك السيارة لا يحتاج بنزين 95 فالخيار الأفضل هو أستخدام بنزين 91 لأن ما في زيادة في الأداء لما تستخدم بنزين 95.

مثلاً مكينة الكامري 4 سليندر :2AZ-FE نسبة الأنضغاط فيها 9.6:1 ، ومن هذي النسبة تعرف أن البنزين المناسب هو 91 .

مكينة الأكورد 4 سليندر : نسبة الأنضغاط 10.5:1 ، وعلى حسب موقع هوندا بأمكان أستخدام بنزين 91 ، لكن نسبة الأنضغاط في الهوندا مرتفعة قليلاً فعند أستخدام بنزين 95 بيكون هناك تحسن طفيف في الأداء.

مثال ثالث وبالأرقام: محرك هيونداي جينيسس الجديد "8V" على البنزين العادي "يعادل بنزين 91" يعطي 368 حصان ، على البنزين الممتاز"يعادل بنزين 95" يعطي 375 حصان. المصدر


وعندك بعد أصحاب سيارات المعدلة و خصوصاً التوربو ، على ضغط التوربو العادي هم يستخدمو بنزين المحطات ، لكن وقت المطارحات يستخدمو خلطات معينة "بنزين 95 + C14" والناتج يكون بنزين 104.


أن شاء الله أكون أفدتكم وسامحونا على القصور.

لاياخوى معذور والله ماتوقعت انى برفع ضغطك لننا اخوه يجمعنا هذا المنتدى العظيم 0

زيد عليه البنزين الي تبليه وتنتهي المشكله

وانصح بتغيير البنزين الى 95 لانه الافضل بتاكيد

ياخووووووووي خل البنزين يخلص اخوووووووووي عادي وبعد ذلك عبي البنزين اللي عاجبك وغير بس الصفاية لاتفك ولاتربط شي ليه تفك التانكي خلاص اخوووووووووووووووي اذا وصل البنزين النص زي المرة الاولة عبي البنزين المفضل لك وبس

اخوي , تروح ورشه فاهمه شوي . . وقل لهم يفكون تانكي البنزين ,

وعلى الطريق غير صفاية البنزين(فلتر البنزين) .. (ضروري) .. وخلهم ينظفون التانكي

وقبل كل هذا يكون معك جركل بنزين من النوع اللي تفضل ( 95 - 91 ) . .

وترى الشغله سهله جدآ , وماتكلف . . ولاتنسى صفاية البنزين

ولاتنسى تقول لنا وش صار

وبالتوفيق

اعذرني ابو خضر ترى مارفع ضغطي الى هذي الصورة:emot96: لا تشيل في خاطرك
اخي اهلا اهلا مشكورر. دائماً تشخيصك للمشكلة وألحل لا يخطاء اكرر شكري