السلام عليكم ورحمة الله وبركاته
كيف الحال اخوياني حبيت اعرض مشكلتي بسيارتي
قبل فتره كنت مسافر على اللومينا وكدت ان اتعرض لحادث بسبب واحد غشيم دخل علي بالخط
باختصار حاصت علي السياره وانا بسرعه 140 كيلو خصوصا على الجانب الايسر ولمسافه طويله
على قولت المفحطين نطلت يسار كثير بعدين لفت حولين نفسها مرتين
بعدها يوم جيت امشي الي اليوم فيه صوت قلق ازعجني خصوصا اذا عديت سرعة 60 ويزيد مع السرعه
الصوت اقرب ماله ضجيج مثل ماتقولون كأنك ماشي بنفق او مثلا زي (هنهنهنهنهنهنهنهنهنهن)
وماني عارف ليش غيرت كفرات وزنت اذرعه مافي فايده
وديتها لاكثر من مهندس ماحد عارف
واحد من الشباب قال رمان بلي حق الكفر داخل هو خربان ويطلع الصوت المزعج
رحت عند مهندس قلتله شيك على الرمان قال مااقدر احدد هو خربان او لا
لكن انت جيب جديد وانا اركبه لك عشان نقطع الشك باليقين
سألت عن سعره طلع قيمة الواحد يعني للكفر الواحد ب 800 ريال
بصراااحه مبلغ خرافي تخيل تغير اللي بالجهتين ب 1600 من غير حق التركيب وممكن مايطلع الخراب منه
لا وبعد طلع فيه اثنين برضو ورا يعني ممكن تغير الاربعه بسعر 3200 ريال كارثه اعتبرها
شرايكم والمشكله ماحد من المهندسين قادر يفصل ويقول وشهو الخراب بالضبط
وانا تعبت وانزعجت من الصوت
بعد ماكانت اول تمشي السياره وكأنها على مرايه وبدون اي ازعاجات وصوت يجيب القلق
على فكره الصوت ليس واضح ممكن اي واحد يركب مايحس بس انا اعرف سيارتي وحسيت بالفرق
صوت الضجيج خفيف لكن مقلق
الحل تكفون والا والله ابيعها بكره ويصير اللي يصير
وسلامتكم
