مشكلة نقص ماء الرديتر ماركيز1998

اخوي يمكن يكون الاهوزة ويمكن يكون الثلاجة والفورد كله حرارته مرتفعة فوق النص بشوي يعني الكيد راح ينقص وانت اكيد تمشي عليها خط طويل واتشغل المكيف يعني السيارة ما فيها شي لانه اذا كلامي صح اكيد راح ينقص الماء

فيه علبة دائرية بلاستيك شفافة أصغر من علبة اللبن الصغيرة بوسطها حبيبات صغيرة رمادية تباع في محلات قطع الغيار صناعة أمريكية وسعرها غالي على حجمها، تكبها في الراديتر مباشرةً وتلحم أي تنسيم فيه وفي خراطيش الموية...
أنا جربتها على الكورلا موديل 1993 لكن لا تسألوني عن النتيجة لأن الكلام هذه من سبع سنوات تقريباً وما أتذكر النتيجة

نفس كلام اخوي ابو دانه

حبيبي لا تستعجل وتغير ثلاجة
شوف تحت الثلاجة فية خرطوش صغير ماتشوفة غير تفك الثلاجة ويروح للمكيف الحار ودايما يخرب ويهرب ماء وعشان مكانة فوق المحرك الماء يتبخر بسرعة جداً ما تلاحظة وغالباً يخرب وهذا الخرطوش يوصل ما بين طرمبة الماء والمكيف الحار
انا حصلت معي فكتوريا 99
وجلس فترة طويلة يهرب ولا لاحظت شي يهرب وتنقص الموية كل اسبوعين ازيدها وعلى هالحال حوالي سنة لحد ما اكتشفتة صدفة

يعني فك الثلاجة فيك فيك بكل الحالات وراح تبين المشكلة

زي ماقلت لك جزء منها المنيوم موفق انشاء الله

هذي الصور لثلاجتي الجديدة
وبالمناسبة تاكدت من الورشة قال انها مو كلها بلاستيك نصها بلاستيك ونصها الومنيوم
لكني حقتي الي فكيتها كانت بالكامل بلاتسيك

انا افيدك بدون قصور في الاخوان
السلام عليكم
الثلاجه الالمنيوم المقصوده هي نفس البلاستيكيه لكن يوجد قطعه بسيطهمن الالمنيوم في جزء من الثلاجه البلاستيكيه لهذا سميت المنيوم والثلاجه الالمنيوم تجي في موديلات 96 97 واللي بعدها تجي كامله بلاستك
خذها من التشليح احسن لك وارخص (650ريال) ويعطيك عليها ضمان بعد ويركبها حوالي (100ريال)


وقبل كل الكلام هذا ووجع الراس فيه حاجه لازم تتأكد منها هي (غطا الرديتر)ممكن يكون التهريب او التنسيم منه مفق انشاء الله

عطنا خبر ايش راح تسوي

ياخي انا العداد حقي اكتروني
كانت الحراره ثلاث شرطات لين غيرت البلف من القراده صارت اربع شرطات .. يعني نص
ولا تطلع ولا تنزل ..
وماني مرتاح ..
ابيها مثل الفكتوريا حقي السابق اللي يبارك فيه لصاحبه .. كان على السي بشرطه
سنتين قضاها معاي
اجلس بالشهور ما اشيك ماء الرديتر واجي اشيك يخيب ظن قوارير المقطر في النزول لرديتره ما شاء الله تبارك الله
يعني من شريته لين بعته سنتين ما عبيت رديتره إلا وقت تغيير الخراطيش وبس
فسبحان الله ..
لكن اوعدكم إذا نزلت حرارة موتري بطريقة الوكيل والأشياء الأساسية بدون نقص ولا زياده اخبركم
لأن نص ما تدخل مزاجي ولا في قاموس سياراتي ..
والله يقويني قولوا امين

تسلم لي اخوي على النصائح .. بس لقيت ثلاجة المونيوم عند الملحم
وانا ناوي اغيرها حتى لو البلاستك فكها ومافيها شيء بس القازقيت خربان بغيرها المونيوم إن شاء الله
وابشرك والله من كم شهر جيت ابي اشتري خرطوش فوق .. من نفس الملحم .. قال لي اصبر بجيب لك واحد سبشل مع قفيز الوكالة .. اللي شكله على شكل يو ( اللي ما يسوى ريال يخرب الأكواع يحبس الماء بين الكوع والخرطوش لين ياكل الكوع . ودخل وجاب لي خرطوش وشريته منه بـ 60 ريال
وبعد ما رحت اليوم فك لي كرتون الثلاجه لقيت مافيه الخرطوش اللي يجي معها من الوكالة مثل اللي لقيته في المحل اللي قبله ..
جالسين ياخذون القطع من الكراتين ويبيعونها قطاعي ويضحكون على العالم
لأن الثلاجه يوم تشتريها في كرتونها هالأشياء
1- خرطوش موية علوي مع القفيز اللي يعدم الدنيا ( لأن القفيز اللي بالمفك الأصلي احسن منه ولا يحبس ماء بين الخرطوش والكوع .
2- كوع ماء علوي مع الوجه حقه الجلد .
3- وجيه ثلاجه سفلية .
4- الأستاند اللي يجي فوق الدينمو الحديد اللي يركب فيه غطاء الثلاجة .
5- غطاء الثلاجه 4.6.
والمسامير اللازمه للتركيب .
يعني تستاهل 930ريال
لكن هذول حسبي الله عليهم يبيعونها قطاعي ويضحكون على العالم .
لكن اتمنى اي احد يشتري ثلاجه يستفيد من هالمعلومات .
والشكر الجزيل لك اللي استثرت فيني هالمعلومات وسامحوني لو اطلت الشرح

عندي صوت بلف في المكينة .. مدري افك الراس ولا اخليه مثل ماهو
وأبشرك اليوم كنت في الملحم وحصلت الثلاجة الألمونيوم يقول لي هذي أصلية مسوينها عشان يتلافون عيوب الثلاجة البلاستك ..
سعر الثلاجة البلاستك 915 ريال
سعر الثلاجة الألمونيم 930 ريال
بس باقي ما شريت .
ننتظر الراتب وندفدف فيها شوي شوي:eh_s1:
ويالفني شكلك خطير بهالأمور
والله يجزاك خير

ياخوان الثلاجة بلاستيك ماتنفع لاجوائنا انا راح اجيب لكم صورة لثلاجتي الالومنيوم

يوم ركبت الالومنيوم
خقت الحرارة بشكل كبيييييييييييييييييييييييييييييييييييييييييييييييييييييييييييييييييييييييير
يعني عشان تاصل الحرارة للمعدل الطبيعي الي هو فوق النص بشوي صارت تاخذ وقت اكبر
وايضا السيارة اول كانت تطلع حرارة اكبر من المكينة الحين لا ماتحس فيها

بالمناسبة موديل الماركيز حقي 2000

الثلاجة ماتجي منها المنيوم اللي يجي المنيوم الرديتير يمكن هو المقصود

واذا تبي نصيحتي لا تغير الثلاجه الا بعد ماتتاكد ياغالي والثلاجة لا تاخذها الا من الوكيل نفسه
لانه في السوق موجود تجاريه طبق الاصل من الوكالة وبعض التجار اللي مايخافون الله يغيرون علبة الكرتون تبع القطع لنفس كرتون الوكالة

موفق اخوي

الصراحة انا سمعت ولم اشاهد الثلاجة الالمنيوم بل وكثير من الاعضاء يقولون ان تم استبدالها بالمنيوم
ياريت الي مجرب يفيدنا اكثر

وان شاء الله يكون الخراب عندك من الثلاجة وليس من كازيكت الماكينه

اما كيف فالماء يدخل ويتسرب للثلاجة وهي في الاصل ليست ثلاجة ولكن نسميها هكذا وهي المان هول
اي المغذي الرئيسي ودخول البنزين مع الهواء الى المكابس تدخل على هيئة بخار قد يدخل الماء من كسر او شئ في الثلاجة

ياخي انا من شوي في محل قطع غيار اسعر الثلاجة .. قال لي 920 ريال
طبعاً الثلاجه معها وجيه وكوع وخرطوش ومجموعة المونيوم العلوية وعطاء بلاستيك حق البخاخ وقاعدة دينمو علوية كلها ب920 ريال .. بس الثلاجة نفسها بلاستك
وسألته فيه ثلاجه المونيوم يقول لي عمري ما شفت لـ الثمان والتسعين ثلاجه المونيوم ...
بصراحة ما زرت محلات ثانية هذا اللي اتعامل معاه
انا لسى ما شريت ابي افك اول واشوف وش الدعوة .. ونفسي في الألمونيوم يقولون تخف الحرارة واكثر خدمه .
افيدني إذا عندك خبر بهالموضوع
ودمت بعافية اخوي

والله للاسف ليتي سامع كلام ملك الماركيز
انا نفسك اخوي ينقص ماء الرديتر (ماركيز2000)
اول شي كان ينقص على خفيف ثم عاد صار ينقص بشكل كبير وحتى من قوة التسرب تشوف الموية على الثلاحة تتسرب
بوم وديتها قالولي انكسرت الثلاجة لازم تغيرها
بس عاد حقتي بلاستيك وغيرتها لالومنيوم ب 1300 ريال وشغل يد ب 400

يالله دفعة بلا:)

تصدق انك فتحت عيوني ..صدق فيه بخار كثيف في الصباح واحيان مع الدوس يبين ابيض ويتلاشى بسرعه ..
بس لو كان فعلاً كيف يتسرب الماء مع وقود الأحتراق ويخرج من الشكمان كيف ما يتفتف او يكتم .. افيدني الله يخليك ..
لأن السيارة عزمها تمام ومابها تفتفه بس لو خليتها يومين ما شغلتها وجيت وشغلت اسمع المكينه تشكل ترفع ريس وتنزل خمس ثواني وتضبط ..

بفك الثلاجه وامري لله ..
بس وش تنصحني اغير إذا فيكت الثلاجه .. يعني الشيء اللي اغيره عشان ما افك الثلاجه مره ثانية
وجزاك الله الف خير ...

مو انها هذي النقطه اللي صار لي احوس وراها شهر وشوي
خلها على ربك واشكر لك تفاعلك حبيبي