والله محتااار يا ناس..>>على وشك شراء مازدا6 2009..او سيارة منافسه لها..ابغى ارائكم

][فارس الليل][ @user_129492 · 02-11-2008

السلام عليكم ورحمة الله وبركاته

اول شي احب اشكر المقيمين على هذا المنتدى الرائع واللي بإذن الله اعضائة بيساعدوني في اقتناء افضل سياره مناسبه لي

عمري 18..>> أسمع الشباب يتكلمون عن المازدا 2009 وانها تغير شكلها

فتحت النت وشفت صور لها وعجبتني ومواصفاتها خطيره

رحت اليوم المعرض مع الوالد ولقيتها بـ 68500 سياحية وعجبتني صراحه وفي احتمال اني اشتري جنوط لها لاحقا ان شاء الله..طبعا حجزت السياره باللون الأسود

بعدها رجعت البيت ودقيت على اخوي طبعا هو يشتغل في الشرقية وانا ادرس في الرياض

قلتله وش رايك فيها..قالي مالها داعي هذي السياره ما تستاهل ذا السعر..وش تبي في المازدا خذ تويوتا افضل..وان المازدا اصلا بايخه...قلت له انت اصلا شفت 2009..؟؟ قالي ماشفتها ولا ابي اشوفها..!!؟!؟!؟!!!..بعدين قالي خذلك كوريلا 2009 احسنلك وهذي سياره لك وللزمن وسعرها 49000 ..!!!..>>طبعا انا مو عاجبتني الكوريلا نهاااائيا...

والحين اخوي شككني صراحه..ابغى آرائكم في السياره وفي سعرها..طبعا ما ابغاكم تقارنونها بالكوريلا ابدا ...بس ابيكم تشوفون اذا في سيارات منافسه للمازدا وتكون قريبه من ذا السعر..اخوي يقولي اذا بتدفع هذا المبلغ يقول ادفعه على اكورد افضل..طيب انا شفت في النت ان سعرها 78000 اقل درجه
وموديل 2008 كمان..!!!..>>وانا اشوفها غاليه يعني الصراحه محتااااار وابيكم تفيدوني..عندكم بعد السوناتا 2009 في ناس يمدحونها لكن انا من ناحيتي اشوف الشكل الخارجي للمازدا افضل والمازدا اكبر من داخل...بس والله ما ادري أتكل على الله واشتري المازدا..؟؟ ولا في سيارات افضل..!!؟؟

ومشكورين مقدما

بلا حدود @user_24628 · 04-11-2008

انصحك أكد على حجزك والف مبرووك

المازدا روعه

خبير سيارات _ 92 @user_92401 · 04-11-2008

المازدا خيار جيد ..

مبروك اخوي و الله يحفظلك اياها و يحفظك منها .

تحياتي

سهيل الغامدي @user_125309 · 04-11-2008

لا تنسى تشاركنا في الرابطه

نسيم الريح @user_113720 · 04-11-2008

أتوكل على الله تراهي من أحسن السيارات
:emot154:

][فارس الليل][ @user_129492 صاحب الموضوع · 04-11-2008

تم بحمد الله شراء السيارة ويوم الأحد بإذن الله تكون جاهزة

][فارس الليل][ @user_129492 صاحب الموضوع · 04-11-2008

تسلمون لي والله والله يبارك فيكم...اليوم بروح ادفع المبلغ بإذن الله واستلمها ان شاء الله بعد اجرائات المرور..>> والله ما ادري وشي هي الاجراءات بس قالي المندوب تاخذ منك يومين بالكثير..

عالعموم انتو شباب ما تقصروت والله وتستاهلون كل خير وبعدها ان شاء الله اذا في احد بيسأل عن السياره ان شاء الله انا اللي بأجاوبه..وادعولي ان الله يباركلي فيها واني أتهنى فيها

mazda62005 @user_98759 · 04-11-2008

اتوكل على الله وما عليك من كلام الناس عن ان المازدا ما تنفع
او اقل تحمل من غيرها
والف مبروك مقدما

ZooM 3 @user_68616 · 04-11-2008

الله يهنيك فيها وخلاص اتوكل على الله وخذ الياباني لا يطير عليك العربون

لانه الامريكي ماراح يجي غير فل على ماعتقد فا اتوكل على الله ماتفرق اصلا غير في الحجم وشكل الخلفية

سعودو @user_129751 · 04-11-2008

حبيبي انا معي مازدا 6 وموديل 2006 فل كامل الاقمشه من يوم ما اشتريتها ماغيرتها حتى الان اطلع ابها واسافر وعادي وكانها جديده خذ المازدا وما عليك من الكلام الثاني الاصلي اصلي ما يبيله مدح ومازدا اصلي مو تقليد تويوتا توكل على الله وخذ مازدا

سهيل الغامدي @user_125309 · 04-11-2008

:emot154: الله يهنيك فيها :emot154:

الله يعطيك خيرها و يكفيك شرها
آآآمين يارب العالمين

][فارس الليل][ @user_129492 صاحب الموضوع · 03-11-2008

آمين يا رب العالمين بأتكل على الله ثم على آرائكم الحلوه

تسلمون والله وان شاء الله العصر تكون عندي بس تكفون ادعولي اني اتهنا فيها

Mo0o0oda @user_124947 · 03-11-2008

مازدا وارفع يدك

لا تترد ماشاء الله السياره شكل من جوه ومن برره حلوو
وشبابي
والله يعطيك خيرها ويكفيك شرها

قل امين ؟؟
تحياتي

ZooM 3 @user_68616 · 03-11-2008

حبيبي شوف انا احترم كلام اخوك بس يريت تقله انه الكرولا الان سارت تايواني يعني مو زي زمان ياباني هوه اكيد مايعرف المعلومه دي

وانا اايد لك المازدا في كل شي حتى لو اخذت مازدا 3 هيه افضل اقل فئة فيها افضل من القل فئة في الكامري اما يقلك تويوتا التويوتا ماسارت زي زمان حبيب قلبي الان المازدا ياباني ميه في الميه ولو تقدر انتظر شوية الين يوم الاربعاء او يوم السبت انشاء الله وشوف المازدا 6 الامريكي الي نزل منها 6 وي 4 سلندر وفيها مواصفات اعلى من الحالية

فانا اقلك اتوكل على الله ولا يهمك بس لا تنسى الاستخارة

][فارس الليل][ @user_129492 صاحب الموضوع · 03-11-2008

^^^^^..استخرت ولله الحمد...غدا ان شاء الله العصر بروح ادفع المبلغ..وفي احتمال اني اشتري الجنوط معها مقاس 17 لأن اللي بشتريها سياحية..سعر الجنط الواحد 1300..والوالد يقولي لو تروح للغرابي وتطق جنوط من هناك راح تلقى ارخص وافضل...>> الوالد مخربها..بس أحلى شي شغل الوكالة..!!

zoom_833 @user_85677 Banned · 03-11-2008

والله انا من زمان داخل موضوعك ..

لكن السياره ما لي تجربه فيها ..

ولا اعرف احد جربها من اقاربي ..

ما ودي امدحها لك ولا اذمها وانا ما اعرفها ..

يعني بالعربي ما ابي اتفلسف عليك ..

لكن اكثر اللي جربوها واقتنوها يمدحونها ..

ما عدا احد الاعضاء صارت له مشكله وصلحها بالوكاله على الضمان ..

بالتوفيق ..

انت استخر ..

والباقي على ربك ..

][فارس الليل][ @user_129492 صاحب الموضوع · 03-11-2008

UP
UP
UP
UP
UP
UP

][فارس الليل][ @user_129492 صاحب الموضوع · 02-11-2008

يعطيكم الف عافي اخواني على الردود والصراحه انا تحمست ..السياره محجوزه والوالد موافق

وبالنسبه للأخ اللي تكلم عن الطرق..طبعا اكيد اذا سيارتي جديده ما راح امشيها الا في طرق زي الناس

وبالنسبه للاخ اللي ذكر انها افضل من الكامري والالتيما والاكورد السياحيه اقوله صادق

للمعلوميه ان الكامري السياحيه النواذف الخلفيه تفتح يدوي..!!!

وبالنسبه للاخ سهيل الغامدي ااااااااخ بس لو يطلع كلامك اكيييد ان المسجل يكون فيه بلوتوث...

ياشيخ لو شريت السياره ما عد بطالع السيارات اللي تمشي في الشارع واقعد اتحسر..لأن بيكون عندي سياره مميزه...أبنتظر آراء الشباب الباقين..وان شاء الله خير

هاي كوالتي @user_129450 · 02-11-2008

مشكلة السيارات مو في المحافظة
شوارعنا الله بالخير حفريات وظروف القيادة الصعبه في الشوارع ومشاءالله من كل الجنسيات يستعملون الطريق اللي يعرف يسوق واللي مايعرف

كلام اخوك صحيح 100% الكورولا لك وللزمن

اما السوناتا من التجربه موديل 2005 و 2006 خرابات الهيئة الامامية قبل الـ50 االف كيلو
عموما السيارات الكورية جودتها في بداية الاستعمال فقط

والله يوفقك باللي تختاره

سهيل الغامدي @user_125309 · 02-11-2008

توكل على الله وإشتريها ومبروك مقدماً
والسعر مناسب جداًوالمازدا 6 الجديده ماتتقارن مع الكامري أو الأكورد أو ألتيما (طبعاً كلها سياحي ) لأن فيها مواصفات ماهي موجوده في كل
السيارات اليابانيه المنافسه مثل شنطه شفط ودخول ببصمه ومفتاح ذكي وإضاءه خلفيه LED
وتشغيل بلمسة زر وطاسات مقاس 16 و CD مع MP3 وبلوتوث , المواصفات بالنسبه السياحيه .
أما الفل فيها مواصفات كثيره جداً , أنا أنصحك وبقوه لأنها أفضل سياره بأفضل سعر .