الاثنين 20 أبريل 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
شاهدوا الشكل المتوقع لهيونداي إلنترا 2027 الجديدة المرتقبة | كيا تعلن عن طرح سيارة SUV كهربائية رائدة من الفئة C في عام 2029 | تعرف علي 10 بين أفضل السيارات الأمريكية التي صنعت علي الإطلاق | نيسان ترسم ملامح توجهها المستقبلي عبر رؤية "تنقّل ذكي للحياة اليومية" | اطلاق سيارات الاس يوفي الفاخرة ام هيرو 1 وام هيرو 2 في السوق السعودي بتقنيتي REEV وPHEV عبر صالات شركة عربيان فورنتير
الرئيسية المنتديات العامة ارشيف الاستفسارات استشاره في القراند ماركيز "دعوه للخبراء"

استشاره في القراند ماركيز "دعوه للخبراء"

ارشيف الاستفسارات
16 رد 1,308 مشاهدة 9 مشارك الأقدم أولاً
ا
اهلكني الشوق @user_131814 · 13-11-2008
السلام عليكم

صبحكم الله بالخير

يالربع رحت شفت الماركيز ولقيت نوعين Gs و Ls

طبعا الـ Ls هي الافخم عكس السيارات الثانيه وهي 8 سلندر

اما الـ Gs ( سياحيه ) بس 6 سلندر

فمدري وش الافضل ياجماعه ادري انها اقوي بالعزم وكذا بس هل تصرف بنزين بزياده لان الامريكي يقولون يصرف والا ماتفرق كثير بين الثمانيه والسته سلندر ؟؟

وياليت احد يساعدني بالاختيار وابي عن اقناع بجد محتار والا بين النوعين طبعا 2008 مريتهم وخلص فيه كم سياره بس ماهو اللون اللي ابي وبتحرى موديل 2009

فمدري اللي عنده خبره بالماركيز يفتينا

وفيه سبب بسيط صراحه مضيق صدري في الـ LS الكشافات اللي تحت صايره على الماركيز ماتصلح قلبوها كامري برايي وهذا مقلقني هالشئ وافكر لو اخذه اطلب منهم غطيان لها او كيف والا من ناحية الداخليه نفس بعض اللهم المكيف في هذي اتوماتيك والثانيه يدوي وبعض اللمسات الداخليه ياليت احد اهل الخبر يفتي في هالموتر لانه براسي

وفيه للملعوميه 4 انواع قريتها في موضوع

كود:
http://www.jeddahbikers.com/vb/t11827.html
انتظر مشورتكم
ا
اهلكني الشوق @user_131814 صاحب الموضوع · 14-11-2008
ا
الرديني
مشكورين ياشباب

طيب اللي أفهمه إني لو كنت أبي آخذ وكالة تنصحوني ls ولكن مقاعد مخمل ؟ ولييش ؟
وبعدين في شباب يقولون لي خذها بدون هيدروليك ، ماني عارف السبب ؟

هل بدون هيدروليك تقل عليك راحة السيارة في الطريق ؟


هلابك مو القصد ليش مو مخمل ناس ترغب الجلد وناس مخمل بس اسئل مجرب الجلد ماينفع

بالنسبه للهيدروليك مدري وش القصد فيه بس اتوقع حق راحه والا؟؟
ا
الرديني @user_118432 · 14-11-2008
مشكورين ياشباب

طيب اللي أفهمه إني لو كنت أبي آخذ وكالة تنصحوني ls ولكن مقاعد مخمل ؟ ولييش ؟
وبعدين في شباب يقولون لي خذها بدون هيدروليك ، ماني عارف السبب ؟

هل بدون هيدروليك تقل عليك راحة السيارة في الطريق ؟
ا
اهلكني الشوق @user_131814 صاحب الموضوع · 14-11-2008
الله يعافيكم ياشباب

بصراحه ماقصرتو وانشاءالله نبحث عن النص فل يعني LS بس مو مراتب جلد وعسى الله يعطينا فيها خير ويعطيكم العافيه

مع اني بنتظر لي بعد العيد وعسى تنزل الاسعار مثل مانسمع ونشوف بالمواضيع اللي بالمنتدى
ط
طاوي الخطوط @user_44551 · 14-11-2008
الفل الكامل ممتاز في اي سيارة
ا
ابــو ســعــد @user_108772 · 14-11-2008
انصحك بـــ LS اذا كنت تبي المواصفات جلد مكيف الكتروني فتحه سقف مرايه الكترونيه المراتب متحركه الدواسات متحركه عداد الكتروني يعني انا بصراحه لو خيروني بماركيز 2006 لمتد وماركيز 2008 ستاندر GSاكيد باخذ ال2006 لان المميزات فيه اكثر من 2008 وبعدين وش الفايده موديل جديد ومافيه مواصفات انا اخوي معه ماركيز موديل97 فل كامل وعمي معه ماركيز 2005 ستاندر GS الي مع اخوي السبعه وتسعين فيه مواصفات مو في الماركيز الي مع عمي يعني قهر موديل جديد ويجي واحد اقدم منك بالموديل وفيه مواصفات ماهي عندك
ط
طاوي الخطوط @user_44551 · 14-11-2008
LS هي الافضل

GSL أطول ب 15 سم من الابواب الخلفية
يعني الراكب الخلفي رح يرتاح اكثر بهالنوع
a
arabicizing @user_44793 · 13-11-2008
اخوي اذا اشور عليك بالنص فل كما الذي معي 2001

روعة ياخوي

اما GSL هذا اوسع من الداخل ساشية طويل مختلف عن العادي

اما المواصفات ماعتقدد تفرق كثير
ا
اهلكني الشوق @user_131814 صاحب الموضوع · 13-11-2008
ج
جــــذاب
لو أنا مكانك بآخذ النص فل .

وفيها جميع المواصفات ماعدا مقاعد الجلد.

بالتوفيق


تسلم ياجذاب على الرد ولايهون الجميع

اصلا انا مافكر بالجلد لانه غثيث جربته قبل

يعني ضنك هذا يسمى نص فل اللي اتوماتيك مكيفه ؟؟ وفيه كل المواصفات

اذا كذا بتوكل على الله لانه برضو بيني وبينك ماودي اتحسف بعدين على كلام واحد خذ الفل الكامل ولاتتحسف بعدين

مع اني ودي اعرف نوعية GSL وش يفرق عن النص فل مشكلة المواصفات مو مره موضحه مجرد لمسات داخليه للسياره وليست موضحه أو فروقات شاسعه وهذا اللي محيرني ويخلني اسئل كثير
أ
أنـــــس @user_34305 · 13-11-2008
لو أنا مكانك بآخذ النص فل .

وفيها جميع المواصفات ماعدا مقاعد الجلد.

بالتوفيق
ا
اهلكني الشوق @user_131814 صاحب الموضوع · 13-11-2008
ايه صح اتكلم عن الماركيز

بس وش رايكم يالربع ابي الافضل الصراحه لانها سيارة العمر هههههه

يعني بتطول معي ان الله كتب لي فيها خير

ولا ودي اتحسف
f
fahad4876 @user_91268 · 13-11-2008
a
arabicizing
اخوي اذا ميزانيتك تسمح خد LS او اقل منها بدرجة فيها ريموت وازار على الباب وهالحركات

اذا ماسمح خد GS بدون ريموت بدون ارقام سرية على الباب يعني راح تفتح الباب بالمفتاح<<ماحب دا النوع



عفواً اخوي هو يتكلم عن الماركيز
والماركيز اقل درجه يجي ريموت وارقام سرية
a
arabicizing @user_44793 · 13-11-2008
اخوي اذا ميزانيتك تسمح خد LS او اقل منها بدرجة فيها ريموت وازار على الباب وهالحركات

اذا ماسمح خد GS بدون ريموت بدون ارقام سرية على الباب يعني راح تفتح الباب بالمفتاح<<ماحب دا النوع
ا
اهلكني الشوق @user_131814 صاحب الموضوع · 13-11-2008
السلام عليكم

غريبه مكتوب بالكتالوج اذا ماكنت واهم !!

طيب يالربع شرايكم في النوعيه اخذ LS أو GS

والا اذا بغيت اكشخ اكشخ من الاخر ولا اخذ GS

افتونا يالربع
أ
أنـــــس @user_34305 · 13-11-2008
الجراند ماركيز بجميع فئاته 8 سلندر فقط.
سواء كانت LS أو GS
وتفرق بالمواصفات الكمالية مثل مقاعد الجلد ومكيف اللمس والمقاعد الكهربائية فقط

ينقل لقسم الاستفسارات
M
MooNLiNE @user_18638 · 13-11-2008
الماركيز من يوم يومه وهو 8 سلندر لكل انواعه !!
M
M~أمير بكلمتي~M @user_58367 · 13-11-2008
اخوي الفوردات وخاصة الفيكتوريا والماركيز عمرها ماجات 6 سليندر

كلهم 8 سليندر ياليت تتاكد اكثر

أخوكـ
سجّل دخول للرد...