تفتفة غريبة في الماركيز ماهو السبب؟!

المبتسم @user_85794 · 15-11-2008

بسم الله الرحمن الرحيم

السلام عليكم و رحمة الله و بركاته إخواني

سيارتي ماركيز 2003 استخدام امريكي
و محافظ عليها ومهتم بها
لكن ظهر لي مشكلة و هي اليوم اول ما شغلت السيارة أحسها تتفتف ما أدري وش المشكلة؟
مع العلم ان عبارة تشك انجن تطلع لي من فترة وتقعد يومين و تروح ، أول اذا عبيت فل تروح في الغالب ...هل يكون هذا السبب ؟

يا اخواني تكفون اللي عنده علم يساعدني
الله يجعلكم من سكان الفردوس.....

فكتر @user_64532 · 26-05-2009

اخواني الاعزاء

اللي عنده تفتفه خفيفة يتأكد قبل كل شي من رقم البواجي هل هو مطابق للسيارة ام لا؟؟؟؟

لان نفس مشكلتك كانت عندي وطلعت من البواجي حتى يوم فكيتها كانت سودا مرررررره

تاكد من الرقم اما عن طريق دليل المستخدم تبع السيارة او تاخذ رقم الشاص وتتأكد من الوكالة

وقولهم ابغى نفس الرقم بالضبط لانهم يقولون تركب عادي وهم نصابين

اخو من طاع الله @user_117867 · 26-05-2009

مشكلتك والعلم عند الله من احد البلوف الي يركب عليها احد البواجي ما يوصل كهرباء او ضعيف

شوفلك كهربائي صاحي خله يكشف على البلوف بشكل يدوي ما هو كمبيوتر

وراح تدعلي لاني عانيت من مشكلتك ثلاث مرات على سيارتين

لا تغير ثلاجه ولا حاجه

طقم البلوف مع وجه المكينه راح تكلفك الف ريال وصلى الله وبارك

12222 @user_144298 · 26-05-2009

حبيبي مبتسم لاتستعجل دام غيرت هذي الاشياء كلها يمكن السالفة شوية كربون

ادعس لها وامش عليها مسافات طويله واذا ماراحت زي ماقلك الزملي تاكد من طرمبة البنزين

المبتسم @user_85794 صاحب الموضوع · 26-05-2009

-غيرت البواجي كلها
-غيرت الكويلات كلها
-نظفت بخاخات
- غيرت صفاية بنزين
و لا راحت المشكلة ،،، واحد من الشباب قال لي يمكن يبغالها وزن بلوف ؟!
هل وزن البلوف بالكمبيوتر و لا كيف ؟؟

arabicizing @user_44793 · 28-11-2008

اخوي انت سيارتك 2003 مافيها عيب في الثلاجة

االسبب اخوي احد الكويلات افحص كمبيوتر اذا لمبة شك انجن تشتغل وراح يطلع اي كويل خربان وبدله

الزملّي @user_75471 · 28-11-2008

بعض أحيان يكون سببها ( طرمبة البنزين) كانت عندي كابريس ss96 ونظفت البخاخات وغيرت البواجي والكويلات ، وصفاية البنزين، وحتى الديلكو غيرته ، ومانفع ، وبعدين طلعت الحكاية كلها ( طرمبة البنزين)

MARQUIS LS 2005 @user_119392 · 27-11-2008

أنا عندي نفس المشكلة وقالي هذه التفتفه طبيعيه من 2003 وأنت طالع
طبعآ تفتفه خفيفه والسياره واقفه
وسويت كشف بالكومبيوتر وطلعلي حساس الجير مايشتغل سوا إعادة ظبط للسيستم وصار ok

سعود بن عبدالله @user_72240 · 24-11-2008

:c020:

ا

المبتسم

صراحة ما تتفتف إلا إذا حميت السيارة ...يعني الثلاجة؟! طيب كم تصليحها...

ياغالي
أنا مسويها مع القطع وشغل إيديهم كلفتني 1400ريال ..

والله أني منهبل من هالسعر لاكن وش أسوي .

والسيارة فكتوريا سعودي2003

الله يعينك .

المبتسم @user_85794 صاحب الموضوع · 22-11-2008

صراحة ما تتفتف إلا إذا حميت السيارة ...يعني الثلاجة؟! طيب كم تصليحها...

microzim @user_17566 · 19-11-2008

اخوي انا زيك كان عندي تفتفه وضعيف العزم
غيرت بواجي وسلك الموتر وعقب بفتره رجعت التفتفه
ورحت لوشه قالي سو تصفيه للمكينه
سويت تصفيه والسياره الحمد لله تمام التمام

المارد الصغير @user_67872 · 19-11-2008

تبغا تريح نفسك ؟؟
انا كان غندي فورد وعارف عواره
اذامشيت ع السيارة وهي باردة وماطلع تفتفه وبعد ماتسخن تطلع التفتفة فهذي الثلاجه
وفي طريقة اخرى عن طريق فك البواجي وتشوف اذا في موية ع البواجي فهذي ثلاجه 100%
واذا حتى وهي باردة تتفتف او وهي واقفة
شوف في فحص كهربا ع الكويلات حقت البواجي ويطلع لك رقم الكويل اللي مايعطي كهرب
وبعض الكهربائيين يكشفونها بس يكون محترف
بطريقة لمس سلك الكويل ويتحسس الكهرباء
والله يعينك بعد شيك ع المصفى حق البنزين قبل كل شي

أبو سعيدان @user_56337 · 19-11-2008

طيب أنا عندي نفس المشكلة ..
إذا عرفت الحل لاتبخل علينا

المبتسم @user_85794 صاحب الموضوع · 16-11-2008

رحت وغيرت البواجي
التفتفة ما راحت إلا شيء بسيط ...
وقال لي اللي سواها امش مسافة باقي فيه كربون لازم يروح

المشكلة لما يغير البواجي يلقى عليها زيت ... هل في هذا مشكلة
الكويلات الله العالم إنها سليمة
والمشكلة ان السيارة كانت ما شاء الله ماشية معي زي الحلاوة
وكل 3000 أغير زيتها جي تي اكس 10/30
آخر مرة غيرته قبل التفتفه بليلة تقريبا قبل اسبوع أو أقل ...
اش قلبها فجأة مدري والله

لكن قدرالله و ما شاء فعل ...

المبتسم @user_85794 صاحب الموضوع · 16-11-2008

الله يكتب اللي فيه الخير

اليوم لما أقعد ظاغط على زر القزاز تزيد الرجه

فكرت اغير بواجي وكويلات و صفاية بنزين

بس كم تكلف القطع من الوكالة؟ و كم اصلاحها ؟

ماجور @user_128356 · 16-11-2008

أنا طلعت لي نفس المشكلة ،،

رحت غيرت بواجي وصفاية البنزين بس مانفع ،،

سويت فحص كومبيوتر وطلع لي كويلات والثلاجة <== الثلاجة لحالها بـ 950 ريال واااااو

2002(ماركــيز) @user_75880 · 15-11-2008

امين الله يسمع منك :
اخي الحبيب 1: الظاهر انك تترك السيارة مدة طويلة بدون بنزين فتترسب البقايا على الطرمبة وتسبب هذه التفتفه
2: او انك ماغيرت البواجي لمدة طويلة
3: ويمكن انك غسلت المكينة وسببتلك التفتفه
4:او عندك احدى الكويلات الي بالسيارة تعبانه

(( اذا ماعرفت الاسباب افحص والباقي على الله ))

تحياتي