السلام عليكم ورحمة الله وبركاته
سويت بحث على نقص الزيت من قوقل على الماركيز والفورد عموما وجدت الكثير يعاني من نقص في الزيت والكل يوجد عنده نفس المشكلة تقريبا نفسي اسوي استفتاء للي عنده ماركيز وفكتوريا الامريكي على اي موديل هل يوجد نقص في الزيت وعند كم كيلو يبدأ النقص مثلا
انا عندي ماركيز موديل 99 يبدأ النقص عند 1400 كلم السيارة ماشية 200000 كلم علما اني وديت السيارة عند الوكيل المعتمد علي رضا وسويت فحص شامل وقالولي بالحرف الواحد ان المكينة بحالة ممتازة وطبعا سويت لها صيانة كاملة من الدرجة الاولى ووضعوا للسيارة تم فحص الجودة .
قلت لهم السيارة تنقص زيت قالوا لي فتح المكينة بيكلفك كثير اذا النقص قليل زيد ومشي حالك ولا شوف لك مكينة مستعملة نظيفة وغيرها اصرف لك وارخص طبعا الكلام كان نصيحة شخصية من موظف الاستقبال (طيحت الميانة) انا ماني مقتنع انه زيد ومشي حالك اكيد في سبب مقنع خصوصا انا اخوي عنده فورد سعودي وما ينقص الزيت عنده
في البحث الي سويتة البعض يقول 1. ضعف شنابر الزيت في البستن.2. والبعض يقول الصوفة الي بين المكينة والقير.3. والبعض يقول ساعة الزيت .4. والبعض يقول زيد زيت ومشي حالك.5.والوكالة تقول تم فحص الجودة على سيارتك ومركبين لها استيكر على السيارة
سؤالي للخوان اذا كان يوجد لديك فورد ماركيز او كراون فكتوريا او حتى لينكون امريكي هل ينقص زيت نعم او لا وياريت تكتب موديل سيارتك كم كلم ماشية سيارتك وكل كم ينقص الزيت ونوع الزيت المستخدم وهل استطعت ان تحل المشكلة لان البعض غير صوف المكينة ومازالت المشكلة مستمرة ولا احد يقول لي في تهريب الوكالة تقول ما في تهريب عن طريق الشكمان او الاقزوز لا يوجد دخان ازرق او غيره عزم السيارة ممتاز رغم انة شكمان واحد لكن احس انة طبيعي صوت المكينة هادئ ولا يوجد صوت غير طبيعي ياريت نستفيد من بعض ونفيد بعض شاكرين لكم تعاونكم انا اعلم ان بعض الاخوان تكلموا في الموضوع لكن ليس عن طريق الاستفتاء.
