بعد بسم الله الرحمن الرحيم .. حبيت أشارك بهذا الموضوع .
عندما تشارف كفرات سيارتك على الأنتهاء تفكر في شراء كفرات جديدة
ولكن ماهي الظوابط التي تتبعها ؟؟ لشراء الطقم الجديد
هناك من يبحث عن القوه وهناك من يبحث على قوة التحمل وطول العمر الافتراضي وهناك من يبحث عن النعومه والراحه وهناك من يبحث في مجال معين مثل التطعيس والمقاومات
طبعا في عده انواع للكفرات وهي بشكل عام
كفر عادي
كفر رياضي
كفر سرعه
كفر خطوط
كفر رمال
كفر حجار وصخور
كفر هادي وناعم
اغلب اهل المدن لا يهمه الا شيء واحد وهو الراااااااااااااااااحه داخل لمدينه والعزل الصوتي
انا بعرض لكم تجربتي
سيارة اخوي ايكو موديل 2000 فاكها وكاله بسم الله عليها
ومن عام 2000 الى عام 2007 وهي على كفرات شد بلدها تخيل هذه السنيين واقسم بالله لم تذهب نقشتها لان اخوي محافط عليها ولا قد طلع برا الرياض
خلال السبع سنوات حفظت برمجه معينه تجاه كفراتها وهي يوكوهاما
آن الآوان للتغيير
رحنا الغرابي .. رغم ان الكفرات نقشتها جديده وتاريخها عام 99 شهر 6 .. حتى كل من شافها استغرب ! .
المهم
جلسنا ندور على كفرات هاديه وناعمه على السياره
لان الكفر القديم الله لا يوريكم يابس جدا جدا كنك معبي الكفرات سمنت مو هوا
كل ما سالنا بنشري قال انعم كفر وانصحكم فيه الدنلوب
والله يا اخوان ما اقتنعت ابدا .. ولفيت يشهد الله اكثر من خمس بناشر وكلهم نفس الكلام يقولون دنلوب
بالاخير مسكت اول محل جيته وهو قال من البدايه براعيك وبشتري منك الكفر القديم وبسوي لك خصم محترم والطقم الجديد تاريخه قريب جدا .. يعني توه طالع من المصنع بشحمه
حقيقه ما قصر البنشري وراعنا ,, انا قلت له اقنعني ان الدنلوب انعم كفر وش يثبت لي ؟؟؟
أخاف أركبه وارجع اتمشكل معك
قال تعال
وطلع لي مشلان ويوكوهاما وفالكون وكم كفر معها ,, قام الرجال وصفها جنب بعض وقال لي اضغط عليها من فوق !! والكفر المرن راح يبان معك .. فعلا ياشباب لما ضغطت على الدنلوب لقيته ناعم بزياده كنه مطاط يشهد الله ما كذبت عليكم ... اعجبتني الفكره وحبيت اشاركم فيها..
طلعنا من المحل والا السياره متغيره 100% 100 شي عجيب والله شي عجيب ؟
وأنا ماكنت متوقع ان نوع الكفر يمكن يأثر بهذا الشكل في راحة السيارة والراكب أولا..
هذا مالدي والحمد لله رب العالمين .
