اشتر سيارة والثـــــــــــانية مجانا !!!!،،،،، وعندنا رفع أسعار

نعم انه الاجانب محضوضين في كل شي
السيارات معهم برخص التراب
واحنا وين الاسعار
والغم انه اذا اشتريت سيارة تحصل على وحده مجان والله انه شي عجيب وحماسي
وعلى فكرة هم تنقص معهم الاسعار واحنا ترتفع الاسعار
يخلصني اسير اصدر سيارة من معهم ^_^
واشكرك عالجهد

النتيرويا ب48605
التشارجر ب 60000 وعندنا ب 80
كلام الوكلاء فاضي
السعودية بس تشكل نسبة 55 % من جنرال موتور وفورد
قطعوهم 6 اشهر إلى سنة ورح يفلسون

مشكورين على الردود
وفعلا لو انتظر كل واحد يبي يشتري سيارة كم شهر،،، بنشوف الأسعار الحقيقية لها
وبنكسر "الترند" على قولة أهل البورصة :smilie332:

مفروض كل شخص منى يعرف شخص يبي يشتري انه ينصح بتريث والصبر

اللهم أجعل كيدهم في نحورهم وأشغلهم بأنفسهم

مشكور على الموضوع

وكلاء السيارات مايبينون لزبائن المشاكل الي حاصلة لموكليهم(سياسة أو استرتيجية البيع لديهم)
-على سبيل المثال- يعني اذا جيت الى أي وكالة بالمملكة لازم يكون عندهم سيارات مخزنة من موديل السنة الي قبل حنا ألان في عام 2008 تحصل في كثير من الوكالات موديل 2007
(إما لسبب اللون غير مرغوب أو المواصفات تكون ستاندر) فتحصل الوكيل يضع فرق كبير
بالسعر بينها وبين الموديل الي نازل بعده فإذا سألته عن فرق السعر مع أن الموصافات نفسها هذه الـأسعار!!
مع أن الوكلاء في الدول الأجنبية يسوون خصم على الموديل القديم مهو مثلنا يرفعون سعر الجديد.
الوكلاء الحين في مشكلة أشنع من المشكلة السابقة (تكدس السيارات لدى الوكيل) وهي أنهم اشتروا السيارات بسعر معين + دفعوا تكاليف النقل+ الجمركة, وفوق هذا يبي فائدة , فالوكالات عموما على علم بالتأثيرات الي راح تصير لموكليهم فيحاولون ألان أنهم يمشون السيارات الي عندهم قدر الإمكان فتجد من الشي الطبيعي اذا جيت لأي وكالة يقول لك:((راح ترتفع الأسعار اشتر بسرعة!!))
ماراح يقول لك ((لا تشتري الحين الأسعار راح تنزل))
شكرا وآسف على الإطالة (( من حر ما بقلبي على أبو جميل))!!!

اخوي عندنا عالم مع احترامي لهم مخفات او ماتنزل السياره او حتى قبل ما تنزل بثلاث شهور قاموا
يطاقون عليها ويدفع عربون على سياره مابعد نزلت في السوق ولابعد شافها
على شان كذا يدلعون ويامرون علينا الوكالات وانت جاي بالكاش معك وكنك قاعد تشحذ منهم
ولما تدفع كاش يشوفون انهم تفضلو عليك
والا لو فيه عالم عندنا تفهم زي الناس يتركون السيارة الجديده اقل شي 6 شهور
والله ليندمون الوكالات ويجون يحبون راسك علشان تشتري سياره جديده من عندهم

وإذا رحنا نشتري جديد من برا يا يضربونك جمرك جامد يا يقولن تخالف المواصفات والمقاييس المحلية ..
أجل نيترو ب13000 ألف ... هههه ... بس صراحة أسعار الدودج معقولة من زمان .. كسرو بخاطري

التجار أيام الغلا يتعذرون بالغلاء العالمي والحين يوم طاحت الأسعار على مستوى العالم الحين نطالبهم أنهم يسوون مثل العالم ويرخصون ولا بس جيدين في الغلا أنهم يتعذرون بأي شيء . التاجر هنا عنده قاعده (اللي يرتفع وش يحدنا نخفضة مدام الناس تشتري!) يعني إذا رفع سعر سلعه احلم ترجع زي أول حتى و لو تطلع تكلفة السلعه اللي يشتريها صفر . لازم الناس تصحى من هاللعب اللي مدري وش بينتهي عليه خصوصا ان هالتجار مسوين عصابات عشان يلعبون على الناس لازم نتحد مثلهم ونصير عصابة وحدة عشان يعرفون قدر الناس ويحترمون عقولهم .