السلام عليكم
انا ناوي على السيراتو سياره جذبتني بعد ماجذبتني الالنترا حقت اخوي طبعا زي ماتعرفون لكل سياره في هيونداي سياره مرادفه لها في كيا ( اكسنت = ريو - سوناتا = اوبتيما - توسان = سبورتاج ..الخ ) يعني نقدر نقول فرت ( فورد على قولة واحد من الربع :) ) وميركوري ...المهم
قلت خلني اشوف السياره المرادفه للألنترا والقى سيراتو ...والله واروح للوكاله واسال عنها انا كنت صاامل ومتحمس على المكينه 2.0 زي الالنترا حقت اخوي بس ....... الموظف احبطني احباط :( قالي مافيه 2.0 الا قير عادي :@ ( عشان التكاسي ) وانا اعرف للقير العادي لكن مشكلته متعب لا ومع هالزحمه قلت يارجال وش لك بالطلايب خذلك 1.6 وش تسوي اهم شي ترتاح ...
قالي سعرها 40 الف 2008 1.6 فل اكشن ( القير الااوتو والقزاز الاوتو يسمونه فل اوبشن هنا :s) مع تامين السياره تطلع بالاخير 41الف و700 ( ال 700 قبل ال 40 -_- ) ...
سالته عن ال2009 قالي نفس الشكل ( مع اني متاكد 100% انه تغير بس يبي يمشي ال 2008) قلت له طيب بكم ال 2009 قالي 47 الف ( مدري الفل كامل ولا الاندرستاند ) اتوقعه الي بالنص لان ال 2009 تشغيل بزر وحركات بس المشكله هال 8000 الزياده الي بدفعها ماشوف لها داعي وبما ان شكلها تغير دائما يكون في اغلب الاحيان الموديل الاول فيه مشاكل اما ال 2008 هي اخر موديل من الشكل القديم اكيد بتكون صافيه من المشاكل الي تواجهت بالاشكال السابقه ( وخاصه ان الاحصنه كانت بـ 2006 105 حصان والان في 2008 اصبحت 124 حصان ال 1.6 ) فـ شكلي باخذ ال 2008 ولا مانع من القاء نظره على ال 2009 والتحسر << طيب وش الله حادك خخخخخخخ
فـ بغيت استشيركم ( لحد يقولي خذ النترا ودي اغير مو انا واخوي كلنا النترات مطقمين :) )
وحبيت اشكر الاخ r32 hpa على مساعدته لي وتزويدي بالمعلومات التي اردت ...لكني قلت زياده الخير خيرين بما ان الموظف كرشني وقالي اتصل عليك الارربعاء ( يبون ينقلون للفرع الجديد الكبيير بخريص :) )
...........................والسلام ختااااام
