فورد ماركيز فل كامل ب 42000الف ريال؟

مغرمFORD2007 @user_135826 · 19-12-2008

السلام عليكم ورحمة الله وبركاته
كيف حالكم ياعضاء منتدي المواتر
لقيت في صالة في المدينة المنورة
فورد 2003 ب 45000الف ريال
وبعد المكاسرة معه نزل لي الفين صارت ب 42000الف ريال
والسيارة نظيفة ما عليها والله
بس مدري مع هالازمة كل شي جايز ؟؟؟؟؟؟؟؟؟؟؟؟؟؟؟؟؟؟؟؟؟؟؟
وش رايكم اشتري
او اصبر شوي
صراحه صبري بداء ينفذ لان المازدا اللي معي بدأت تحس إني مخبي فلوس عنها كل يوم طالعه لي بش
مرة صوت عند الكفر مرة صوت عن المكينة مرة صوت خلف السيارة
مرة يطيح العزم
وانا ساكت
تدرون السيارة مثل الحرمة( ماهو كل الحريم ) إذا شافت الرجال عنده فلوس تبداء حيلها لتفليسه
وجعله علي الصفر
؟؟؟؟؟؟
هاه اشتري او اصبر
عطوني كلام يقنعني مرة وحدة

المارودر 2004 @user_47732 · 25-04-2009

بناء على طلب الكاتب

يــغــلـــق

barca1899 @user_68667 · 25-04-2009

انا لقيت بالكويت ماركيز فل كامل ماشي 50 الف بــ 56 الف ريال والسياره موديل 2007

مغرمFORD2007 @user_135826 صاحب الموضوع · 24-04-2009

الحمد لله لقينا لنا سيارة من ثلاثة أشهر
وياليت الادارة تقفل الموضوع؟؟؟

ابوبسام 2009 @user_135424 · 26-12-2008

هلا اخوي الغالي انا عندي ماركيز 2005 على الفحص عند اي ورشة اوكمبيوتر
ماشي حدود 52000 ميل
فل كامل لون فضي
استعمال امريكي
الموتر ممتاز اذا لك نظر ارسلي على الخاص

كيااان @user_128655 · 21-12-2008

حبيبي اسمع مني
اذا انت تبغى تستخدم ولا انت ناوي تبيع خلال 5 سنوات

اشتره بس بشرط يكون نظيف
يعني افحص مكينة وقير اهم شي
ويكون نسبة نجاحها في الفحص لا يقل عن 90%

ثاني شي السعر غالي ياخوك ومن رأيي انك تصبر لحد شهر محرم او صفر
نشوف وش آخرة هالنصابين رعيان المعارض والوكالات الجشعين

اعانك الله ووفقك

أنـــــس @user_34305 · 21-12-2008

ينقل للاستفسارات

مغرمFORD2007 @user_135826 صاحب الموضوع · 20-12-2008

لم تقراء الرد اخوي
الله يعطيك العافيه

MARQUIS LS 2005 @user_119392 · 19-12-2008

هلا فيك أخوي

إذا شفت السياره ونظافتها عجبتك (أكشف عليها كومبيوتر) في ورشة ممتازة وأهم شي المكينة والجيربوكس والدفرنس وكهرب السياره وأسئلهم عن الضمان

مغرمFORD2007 @user_135826 صاحب الموضوع · 19-12-2008

الله يجزاكم خير جميع
وابشركم إن ابو رحم شاف السيارة وطلعت العدادت جميعها مخبطه واحد يتشغل والثاني واصل النص والثالث ماتحرك ابن اللذين
والسيارة خاف منها ابو رحم وقالي لا تشتريها مرة وحدة
وانا معه
واكرر لكم جميعا
تقدير واحترامي لكم

& ســـاري & @user_25066 · 19-12-2008

والجمارك الان مانعين استيراد السيارات اللي يزيد عمرها عن 5 سنوات

يا شباب .. الجمارك ما راح تطبق النظام إلا بعد .. 6 شهور ..

هذا إذا طبقوه .

المارودر 2004 @user_47732 · 19-12-2008

اكيد ان الرجال تشتت واحتار

والناس يقولون بتنزل الاسعار طيب لو نزلت هل الفورد 2003 بيوصل سعرها 35 الف ريال مستحيييييييل باستثناء سيارات الحراج والميكروفون والمضروووبه او المواصفات gs اما النظيف الفل كامل لايقل عن 40 الف ريال
اخوي عاشق الفورد

اذا السياره نظيفه جدا وممشاها قليل توكل على واشتر سعرها زين بس حاول تكاسر شوي

قبل كم شهر 2003 ماتشتريها بأقل من 50 الف ريال

والجمارك الان مانعين استيراد السيارات اللي يزيد عمرها عن 5 سنوات

http://www.assayyarat.com/forums/showthread.php?t=152087

يعني 2003 وتحت ماعاد يسمحون بدخولها الموجودهـ الان بتكون اخر الدفعات اللي وصلت لنا
الله يستر لايرفعون اسعار السيارات الموجودهـ

قراند مركيز2001 @user_128005 Banned · 19-12-2008

لا تشتري يخوي

انباع 2005 بـ 34 الف فل كامل وممساه تحت 80 الف

لا تستعجل تورط

موعود الزمان @user_98703 · 19-12-2008

اخوي مغرم كيف حالك ...وكل سنه وانتا طيب

اسمع وانا اخوك

انا دوبي مالي ثلاث ايام راجع من جده

مريت على العواجي بالمعارض بجده لقيت عنده سيارتين

فورد 2006 نظيف فل ماشي 56 الف ميل من الحاويه على المعرض سيدا بخمس وخمسين الف

وفورد ثاني 2004 فل ماشي سته وعشرين الف ميل لونه فيراني ب خمس واربعين الف

واظنك والله العالم تتكلم على الفوردات اللي بصاله البيان عند المستشفى الالماني

وترااها حليوه ماهي بطاله لاني رحت لهم وشفت اسعارهم واعطوني نفس الاسعار اللي قلت عليها

عموما انصحك تروح لجده وانا اخوك وتراها 400 كيلو مرره قريبه

ولا تستعجل

وعموما ربك يوفقك

تحيااااااااااتي

The Glory @user_135571 · 19-12-2008

م

مغرمFORD2007

السلام عليكم ورحمة الله وبركاته
كيف حالكم ياعضاء منتدي المواتر
لقيت في صالة في المدينة المنورة
فورد 2003 ب 45000الف ريال
وبعد المكاسرة معه نزل لي الفين صارت ب 42000الف ريال
والسيارة نظيفة ما عليها والله
بس مدري مع هالازمة كل شي جايز ؟؟؟؟؟؟؟؟؟؟؟؟؟؟؟؟؟؟؟؟؟؟؟
وش رايكم اشتري
او اصبر شوي
صراحه صبري بداء ينفذ لان المازدا اللي معي بدأت تحس إني مخبي فلوس عنها كل يوم طالعه لي بش
مرة صوت عند الكفر مرة صوت عن المكينة مرة صوت خلف السيارة
مرة يطيح العزم
وانا ساكت
تدرون السيارة مثل الحرمة( ماهو كل الحريم ) إذا شافت الرجال عنده فلوس تبداء حيلها لتفليسه
وجعله علي الصفر
؟؟؟؟؟؟
هاه اشتري او اصبر
عطوني كلام يقنعني مرة وحدة

حاول فيه عالأربعين إذا كانت بضمانها توكل على الله وخذها بس اهم شي تفحص وتنتبه من الصدأ ولا تنسى تشيك على رقم الشاصيه على موقع الكارفاكس علشان تشوف السياره إذا تعرض لحوادث لا قدر الله او مشاكل في امريكا انا ماخذ قبل عيد الأضحى 2004 نصف فل ملبس نصف تنده مقاعد جلد ماشي 45 الف ميل مواصفات خاصه من صاحبه مستعمله شهرين ومصينه كامل من الصدام للصدام وكاله ومغير فحمات الفرامل وزيت الجير والصفايات والبواجي يعني اخذت السياره جاهزه ب 44 الف وخمسمائه وضمان سنتين لقدام

The Glory @user_135571 · 19-12-2008

م

متيم بالسيارات

يابوي انا معروض علي ماركيز امريكي بحري 2004 نظيف تتعب وانت قول نظيف
بس GS ب36 الف .... واانا ابيه 32 الف .....

كم ماشي وبأي مدينة هالموتر ؟!

Acoord06 @user_60757 · 19-12-2008

يابوي انا معروض علي ماركيز امريكي بحري 2004 نظيف تتعب وانت قول نظيف
بس GS ب36 الف .... واانا ابيه 32 الف .....

Mr.Town Car @user_131426 · 19-12-2008

اشتر وتوكل على الله
وقفوا الاستيراد يعني بعد كم يوم بترتفع السيارات المستوردة
يعني موديل 2004 خلاص مايقدروا يستوردوه

اذا اخذنا القرار هذا بعين الاعتبار وممشى السياره اقل من 250 الف كيلو

فأتوقع سعره ممتاز جداا
وموديل 2003-2004 يعجبني اكثر من الموديلات الجديده والقديمه
بتعديلات بسيطه يصير شبيه للمارودر

ابوفهد 20000 @user_73362 · 19-12-2008

موديل 2005
سعره بامريكا 10الاف دولار قبل الازمه
ويعتبر غالي بعد
ماشي 54الف ميل وهذي صور له
انصحك بالصبر فلوسك معك انتظر مابتخسر شي

Genius_m @user_33175 · 19-12-2008

الأسعار في انخفاض مستمر

لا تنخدع اخي بالتخفيضات البسيطه هذه , ان شاء الله كلها كم شهر وتنخفض الأسعار أكثر فأكثر

لا تستعجل :)

تحياتي...