انت آخذ سياره اجار منتهي بالتمليك .. تعال ابيك

نصيحة أخوية لا تورط نفسك بالتأجير

اخوي الحاوي الداوي

الله يعينك على هذه الماشكل

انا والله متردد كثير ولكن شكل السياره بصراحه يعجب الجميع
فيه من استخدم السياره وما لقى شئ وبالنهاية ترجع الامور بعد توفيق لله الى الاستخدام

مشكور مره اخرى على هذه النصيحه

وفقك البارئ

السلام عليكم ورحمة الله وبركاته


كيف حالك يا أخي

شوف قصتي طال عمرك في الخير

كل من يعرفني يعلم أنني مولع بالأمريكي وخاصة اليوكن والتاهو

في عام 2006 بعت سيارتي تاهو 2002 للحاجة لتكملة ترميم المنزل

وقلت حتى تتحسن الظروف واشتري جديد

وما قدرت أصبر يوم شفت التاهو الجديد 2007

على طول رحت للجميح وقدمت طلب ايجار منتهي بالتمليك للتاهو 2007

وكان في عرض عليه يدفع الجميح عني 10000 وانت تدفع أول قسط

المهم طلعت علي قسط شهري 2700 لمدة 4 سنوات ودفعة أخيرة 26000

ويبقى من راتبي بعد القسط وخلافة 3500 ريال

صراحة تووووووووووووووهقت فيه

بسبب المشاكل وسوء الصيانة والزحام في الصيانة

أول المشاكل صوت يطلع في الهوب كأن القماش منتهي على الآخر

وتم خرط الهوب مرتين في الشركة أول مرة مجانية والثانية بتدفع

ولا زالت المشكلة !!

في هزة خفيفة في السيارة وما كأنها جديده

القير خبط علي بعد ما مشيت السيارة 85000 كلم ( وهذه أهم مشكلة في اليوكن والتاهو بشكل عام )

وصلحتها على حسابي 6000 ريال

زميلي يو شاف سيارتي التاهو شراله وحده

ونفس المشاكل

ما عدا القير


لأنه خبط عليه عند 40000 كلم

هههههههههههه والشركة صلحته بعد ما دفع 3500 قيمة صيانة 40 ألف كيلو

الحمد لله تخلصت منه وتنازلت به لواحد آخر .

وأفكر أدور على تاهو 2006 أو 2005 Z71 استخدام

وان شاء الله أحصل عليه


للمعلومية مشكلة القير في 2007 و 2008 ما انحلت لكن ما ادري عن 2009 اسأل الخبراء

وفقك الله

توضيح جميل منك ابو رائد

مشكور وما قصرت

تلقيت الرسالة

الصراحه ما ينحد على التاجير المنتهي بالتملك الا الي متورط باقساط في البنك

وما لك طريقه ثانيه الا هالطريقه في هذه الحاله

وانا من رايي التاجير المنتهي بالتملك ممتاز في حالة انك تبي تستخدم الى اكثر من خمس سنوات
وبسياره مقتنع فيها حتى ما تطفش منها وتتورط
وسياره واثق منها حتى ما تتفاجئ باعطال مصنعيه او غيرها وتتورط

وثاني شي يسلمك ربي من الحوادث لانها هي الي تعكر عليك الموضوع كله

واحرص كل الحرص على انهاء الدفعه الاخيره مع الاقساط
وحط في بالك انك ما راح تدفعها كاش لان هذا الحرام في الموضوع
وهم بيني وبينك لو تخليها لاخر شي بيقولون لك قسطها عادي
لانهم قالو لي تقدر تقسط الدفعه الاخيره سواء مع الاقساط او بعد الانتهاء من الاقساط

هو وانا اخوووك اذا كان الفئة الي راح تاخذها LT1 او LT2
فهذي راح تكون مثل ماتفضلت 2500 ريال او اكثر
لكن مهما كان انصحك انك توخر عن الراجحي او المتاجرة او اليسر
لكن اذا كان راتبك اكثر من 6000 ريال راح ينزل قيمة التقسيط
لكن اذا كان من 4000 الى 5900 فابيعطونك سعر اكثر من ناحية التقسيط
والسبب انا ما اعرفة :c0214:
وافضل انك تاخذ لك تاهو Z71 من واقع التجربة وان شاء الله راح يعجبك
مع تحياتي لك
اخووك
ابونورة الشهري
وبالتوفيق
ولا تنسى الاستخارة
:xyxwave:

هلا اخوي الولهان

والله ان كلامك صحيح وانا مؤيد له ولكن اخوي الواحد الى متى وهو من قرنبع في قرنبع وكل يوم وهو بورشه .. بعدين يخوي الواحد يبي يركب سياره مثل الناس ولو مره بعمره
التجار ماهم مخلينا على كيفنا ورافعين السيارات مثل ما تشوف .. لو تموت ما تلقى سياره عائليه على مزاجك باقل من 130 الف ريال
والله ما حدنا على الاقساط الى ندور الخيره .. ومثل ماقلت لك نبي نركب سياره لك وللزمن

هلا وغلاء فيك اخوي ابو نوره


اشكرك على تجاوبك للاستفسار ولكن
انا فعلاً رحت للجميح وقالو لي نفس الكلام اللي قلته
وخيروني بين الراجحي وبين الاهلي وبعد الحساب طلع الاهلي انسب من الراجحي لان الراجحي يولع بالعالم كعادته حفظه الله خخخخخ
المهم لقيت الطريقه وطلع قسطه حوالي 2500 ريال .. ريال ينطح ريال لمدة 60 شهر يعني خمس سنوات ولا اخفيكم انا خفت من كثر الكلام عن التأجير وقلت بسأل الشباب المجربين ومثل ما تشوف الجميع يحذر من التأجير لانهم يملكونك بطرق غريبه ويعذبون فيك إلين تخلص السياره ..

الله يكتب اللي فيه الخيير لي ولكم

نصيحتي لك


لاتتطيح بالاقسااط حتى لو تشتري كرسيدا احسن من التاهو..

اخوي كاتب الموضوع
انا افضل انك تاخذ السيارة من البنك الاهلي
وبدون تحويل راتب وبدون كفيل
لان واحد من اخوياي شرا له سوبربان LS
عن طريق شركة المتاجرة او اليسر المهم طلع علية
178 الف ريال وسعرة كاش 122000 ريال
يعني فرق كبيييييييييييييييييييييييييير جدا
لكن انت روح الجميح وقلهم انا بغيت السيارة الفلانية
وفئة كذا وهم بيقولون لك كاش او اقساط
قولهم تقسيط او ايجار منتهي بالتمليك
وبيقولون لك كم الراتب ومن الكلام هذا
وبيقولون بتاخذها عن طريق البنك الاهلي بدون تحويل راتب وبدون كفيل
قولهم ايه
وبيرسلون الرد خلال 24 ساعة وان شاء الله يوافقون عليك

اعذرني على الاطاله لانة كان ودي افهمك الطريقة
اخوووووووك
ابونورة الشهري

اساتذتي الكرام

lumi2008na vbmenu_register("postmenu_1642147", true);
عز الاسلام
Type R vbmenu_register("postmenu_1642504", true);
ابو رائد

اشكر الجميع على تجاوبهم الطيبة
واشكرهم على تدوين تجاربهم ومعرفتهم التامه من ناحية التأجير المنتهي بالتمليك

ننتظر باقي الاخوه ليشاركوننا ما اكتسبوه من خبره

انا اخذت اكورد 2007 فل كامل 4 سلندر من الوكالة عن طريق البنك الاهلي
دفعه اولى 12000 شامله مصاريف اداريه + قسط 1528 لمدة 60 شهر + دفعه اخيره 20000
المهم البنك ما قصر لما اعطاني السياره لاني كنت متورط
كان معي سياره واحترقت وعلي قرض وما معي كاش فما كان لي حل الا هم

المهم تفويض قياده يتجدد كل 3 شهور لمدة سنه وبعدين يصير التجديد كل 6 شهور
اذا تاخرت في تسديد احد الاشهر يتصلون عليك الين ما تسدد اذا وصلت بالتاخير الى 3 شهور
يتصلون عليك ويقلون لك هذا اخر اتصال سدد والا نعمم على السياره وهم صادقين

المهم تسديدهم سهل من الصراف او من التلفون سواء راتبك عندهم او عند غيرهم

خلال السنه الاولى اذا كنت تبي ترجع السياره يطلبون عليك تسديد 4اقساط
زود على الي انت دافع
في السنه الثانيه ترجعها وتدفع 3 اقساط
في الثالثة قسطين
والسنه الرابعه قسط واحد وفي كل الاحوال هم ما يرجعون لك شي

ايضا عندهم نظام التنازل لو حبيت تتنازل بالسياره لشخص ثاني اهم شي
شروطهم تنطبق عليه ومعروفه الشروط هي نفسها الي طبقوها عليك اول ما اخذت السياره
وعند التنازل تتفاهم انت والشخص الثاني بكيفكم المهم انهم ياخذون رسوم 1000 ريال تقريبا

واي استفسار انا بالخدمه

تحياتي لكم

السلام عليكم

أنا عندي سيارة ماخذها بنظام التأمين المنتهي بالتمليك عن طريق البنك الأهلي التجاري ، نظامهم وقت ما أخذت السيارة كان :

- دفعة أولى 10% من قيمة السيارة
- 3600 ريال مصاريف إدارية.
- والأقساط كانت مقسومة على المبلغ المتبقي بنسبة 9% لكل سنة.

طبعاً تجديد التفويض يكون كل 3 أشهر "طبعاً أنا أطنش ما أجدد إلا كل 4 أو 5 أشهر على حسب المزاج لكني ملتزم في سداد الأقساط.

عيوبهم:
- نسبة الفائدة مرتفعة 9% + المصاريف الإدارية ، لو تروح أقرب بنك راح يعطيك نسبة أقل "5 ~3.5%" وبدون مصاريف إدارية وأهم شيء ما راح تصادفك النقاط اللي تحت vvvvvv
- السيارة ليست بأسمك ، لذلك ما تقدر تتصرف فيها وهذا طبيعة نظام التأجير.
- كل سنة راح تتغير شركة التأمين ، وما تقدر تضيف خدمة إضافية مثل سيارة بديلة وغيره.
- تصريح السفر يعطى لك على عدد الأقساط "المقدمة" إللي بتدفعها ، مثلاُ : تبي تصريح لمدة 3 أشهر ، فأنت حتدفع 3 أقساط مقدمة ، غير أنك أنت بتخلص إجرائات المرور بنفسك. وأن صادف أن على البنك مخالفات ، فلازم تدور لك على واسطة علشان تمشي أمورك أو تكلم البنك يروح يسدد مخالفاته.
- لو بغيت ترجع السيارة ، فهم راح يقيموا السيارة وراح يحسبوا عدد الكيلو مترات "لكل عدد معين من الكيلومترات في الشهر" فإذا تعديت الحد المسموح فأنت راح تدفع عن كل كيلو متر إضافي "ببساط كأنك ماخذ سيارة إيجار".

وأنا لا أنصح أي شخص يشتري سيارة بنظام التأجير ، والبديل هو تمويل شرعي عن طريق أي بنك وتشتري السيارة وتكون بأسمك تبيعها وقت ما تبي وتعطيها إللي تبي.

لا تدفع الا الي يطلبونه منك
لانه حتى الي بيطلبونه منك ما تقدر تسترجعه
واضرب لك مثل زميل اخذ باجيرو من احدى هذه الشركات واعطاهم قرابة 18000 الف وبعدها وقسط 2400 وبعدها ب6 اشهر انزنق الرجال وراح للشركة بيرجع السيارة وطلبوا منه تقييم سعرها الحالي عند شيخ المعارض والسعر الي اشتروها له به ويدفع الفرق عشان بس يرجع لهم السيارة !!!!!!!!!!!!!!!!وما يطالبونه في المحاكم
لما شاف المر سرق راح جاب قريبه على انه يكمل باقي الاقساط
فأتمنى لوكان لك حل اخر احسن ك
والسلام عليكم:xyxwave:

مثل ماال أخوي عاشق الترحال
خذ لك على قد فلوسك أريح لبالك وأفر لجيبك والراي الأول والأخير لك انت

هلا فيك اخوي مكروسوفت

كلامك جميل ولكن البنك ما يعطيني قرض لانه سبق واخذت منه لمدة 10 سنوات وسرقوها حقين الاسهم كلها حسبي الله عليهم والطريقة هذي حلوه بالمره بس مشكلة ان البنك ما يعطيني الآن
وانا بصرحه ابي اركب تاهو جديد ولك وللزمن

اشكرك مره اخرى