السيارة تطفي فجأه عند أي توقف .. ما الحل ؟

مبروك , وشكرا لطرحك للحل ...

شلونكم حبايبي عساكم بخير

والله نفس ماصار باليوكن عندي

وبدلت الين دخت حتي انها وصلت لسنسر الي بدبه الشكمان

ونفس ماقال اخوي الي فوق قال حطيت علبتين مصفي مع البانزين سويتها ولا في فايده بعد فتره كذا ابو اسبوعين رجعت المشكله

وتدرون اخر شئ وش طلع منه؟؟

من طرمبه البانزين نفسها

وبدلتها وصار احلا مايكون مع العلم قبل والله وانا امشي 60 او احيان 130 يطفي بروحه ههههههه

الين بدلتها وارتحت

والله يعينكم ويقويكم وجعلها اخر مصيبه بهالسياره

شوف يمكن من حساس البخاخات والله اعلم يبي له تغيير او تصليح ؟

أخوي أنا وديت السيارة للوكالة وتذكر حسب مشاركتي السابقة قالوا إن في تهريب في الكهرباء بسبب تماس كهربائي سبب عدم وصول الكهرباء بشكل منتظم للإنجكترات مما يسبب هذه الحالة وحالياً قاعدين يدورون محل التماس على قولتهم ، ،،، إذا خبروني بشي جديد ومفيد وسويته وضبطت السيارة بخبرك إنت وش صار معك بشرنا
مع تحياتي

انا جتني نفس المشكلة وطلع حساس الحرارة
السيارة افلون 2000

حصلت معاي اخوي في ماكسيما 2002 واثنين نفس مشكلتك بالضبط
ماعملته كان توفيق من الله لانه هو الاول والاخير المنعم علي بعد جهد مني لعدم ثقتي في الورش حيث انني احب ان اقيم المشكلة واجدها وبذلك يكون الخيار لي اما بالتوجه للورشة واكون انا الذي اتحكم بالسعر لاني اعرف المشكلة وحتى لايتم اللعب علي .
ماحصل معي
نفس المشكلة بالضبظ
الحل
قمت بالوقوف عند احد البناشر وقمت بإطفاء السيارة ونزع فلتر الهواء وتنظيفه واذا احتاج تغيير غيره وتنظيف نفس القربة وبعدين حطيت الليل في الشخال الذي يقوم بإدخال الهواء لنفس البخاخ .
ثانيا قمت بتعبة بنزين 95 كذلك اضفت علبتين مصطفي اللي لونه اسود حق بخاخات وقمت كمت على السيارة حتى وصلت سرعة قصوى وتركتها لمدة تجازت الخمس دقائق . المهم تتجاوز 150
ولله الحمد والشكر والمنة ان المشكلة اتنهت نهائيا وذلك فضل من الله تعالى وليس مني انا لاني قمت بالاسباب فقط .


هذا توضيح مني اتمنى ان تنحل مشكلتك لان مافعلته لم يتجاوز 60 مع العلب والبنزين .

حصلت معاي المشكله في احدى السيارات
.
.
كان اغلب الضن ان المحرك مايوصله البترول بشكل جيد والمشكله قد تكون من فلتر البترول او الفيول بم .
.
.
بدلته للاسف بسبب جهل اصحاب الورش بـ 1800 درهم وبقت المشكله
.
.
قلت ليش اعور راسي .. رحت وفحصتها فحص كمبيوتر بـ 200 درهم وتبين ان (سنسر الريس ) محترق..

شريت واحد جديد وهو على شكل قطعة بلاستيكية صغيره فيها اربعة فتحات (سعره 450 درهم) وبعدها السياره رجعت مثل اول واحسن

نصيحة : تتعدد الاعتقادات ولكن السبب صعب انك تحدده وانصح بانك تعمل لها فحص كمبيوتر

اضافة لما تفضل به الاخوه بارك الله فيهم , تفضل هذا الموضوع :

http://www.assayyarat.com/forums/showthread.php?t=131668

انا تقريبا نفس المشكله بس لما تكون السياره بادره اعاني من مشكله

ان السياره ماتشتغل غير ادوس بنزين

واقترح علي ميكانيكي انها منظم الكهرباء والله اعلم

أخوى أنا أعاني من نفس المشكلة في سيارتي الفورد وأعتقد إن المشكلة كهربائية وطبعاً أن مثلك للحين مو لاقي حل وأضطر أوزن الريس عشان ما تطفي وطبعاً أنرفز في الزحمة وعند الإشارات لأني أضغط بريك و ريس في نفس الوقت، قالوا لي حساس الهواء والحقيقة فصلته والسيارة طفت وقالوا إن السيارة لما تطفي معناه إن الحساس شغال والخلل مو منه،، وقالوا يمكن حساس الريس أو طرمبة البنزين والخيارات وايد وبصراحة ما أقدر أسويها كلها ومو عارف شلحل،،، قاعد أجمع سلمك الله بوديها الوكالة حق فحص الكمبيوتر لأن عندنا وايد مكلف وإذا عطوني حل وضبطت إنشالله بخبرك عن طريق المنتدي ،،، و الله يصبرك،، حاول إفحص كمبيوتر إنت ما قالوا لك شنو الأسباب أو إحتمالية مواطن الخلل.