سوناتا 2008 أربعه سلندر vs فورد 2004 سبورت قير ارضي

^
^

عشاق الفورد هنا بالمنتدى لهم كلمه ثانيه وهي ان الفورد يطلع على الازيرا 3.3 و على السوناتا V6

للأسف الشديد هذا الشي ماشفته بالواقع ومن شريت الازيرا وانا اعطي الفرود نص دعسه بس

اخرتها قبل امس واحد من الشباب معه ماركيز 2007 ويمدح لي في عزم موتره وحضرت له قوميتن وحده مع فكتوريا 2004 والثانيه مع ماركيز 2002 وعطاهم من سيارتين الى عمود

وكان متحمس للأزيرا وتقاومت معه دحدره 40 ( حسب طلبه ) الى ما يفصل الفورد وصكيته عمود ونص الين ما كبس لي ( بمعنى انه فصل عنده )


وكانت لي قومه ثانيه مع ماكسيما 2004 قير عادي وراعيها يقول بيطلع علي اقل شي 5 عواميد الى 200 وصار فيها كلام بين شباب وانا مبرد اعصابي واشهد الشباب على كلامه

طلعنا وتقاومنا طبعاً قام علي بس مسافة سياره فقط يعني الى 200 وانا ملحم في صدامه الخلفي شوي وادفه وبعد الـ 200 بدا يسحب عني خفيف جداً

قومه اخرى

كانت مع التيما 4 سلندر قير عادي عليها انتيك سستم وكت باك

الى 90 او 100 كان ماسك معي وصدامه الامامي عند باب سيارتي الخلفي

الى 140 عطيته سيارتين تقريباً ومن بعدها ماله مستوى معي سحبت عنه تقريباً عمود وخفف هو

طبعاً مستواها كان رائع بس ماقدر يطلع علي مثل ماكان يقول

يعني الكلام غير والواقع غير