rav4 vs kia sportage الأفضل بينهما ؟

السبورتاج V6 وبس ... ارخص في السعر وفي قطع الغيار ومطابق للتوسان من الهونداي ...

عن قريب راح انزل تقرير عن سيارتي بعد ما كملت 20000 كيلو مع مقاطع فيديو عن تجربتي لبعض التلال والمناطق الصحراوية ...

:c0038:


..................................................................................................................................
اعتقد يا اخي كلا مك مو على الراف 2009 لانها 180 حصان والمكينه 2.5 لتر المحرك vvti يعطيك اكثر اضافه الى انها اوسع

اخذ الــــــــــ6 سلندر اذ انت ناوي تروح الطرق الوعرة والتعطيس وتكون فور ويل والى السيارة كشخا والمقصورة روعة رغم ان سيارتي 4 سلندر 2009

عموما في عالم الجيوب نقطه السعر مابعد البيع اهون بكثير منها في عالم السيدان
بس احرص يكون الموتر حجم مكينته كويس ويكون فيه دبل مو مثل بعض السيارات الى يقولك دبل اوتوماتيكي مع ميلان السيارة يشتغل وهو مامنه فايدة

اعتذر ماقدر افيدك في الاختيار وان كنت احب الراف فور اكثر من الكيا لاني ماني من عشاق التطعيس لاكن انت كما يبدو لي تحب التطعيس وطلعات البر فلذلك التزم بالحياد :)

بصراحة لي واحد صديقي معاه سبورتاج بس 4 سلندر موديل سنة 2008

ما أبي أقولك كيف كارف بالموتر وما شاء الله الموتر يعطيه وزيادة

يعني في ثلاث شهور بس سوا 18 ألف كيلو هذا غير الحادث الي سواه فيه وكانت الصدمة قوية جدا لدرجة إن السيارة الي وراه تكنسلت (أكورد الشكل الي قبل الأخير) حتى بالصيانة في الوكالة قالوله يابو الشباب إنت كان باقيلك بعد 10 % أضرار وتتكنسل سيارتك ومع ذلك الموتر ما شاء الله تركبه حتى بعد الحادث ولا كأن صار شي فيه وصوتها مرة هادي والعزل جيد والأمان ممتاز جدا

الصراحة بدون أي تحيز السبورتاج بعد ما شفته مع أكثر من واحد خصوصا موديلات 2006 , 2007 , 2008 موتر عملي جدا وأمان أكثر من ممتاز وسعر رائع بالمقارنة مع منافسيه

الشئ الوحيد الي أعتبره في صالح الراف فور هو الشكل يعني أشوف الراف فور أكشخ من السبورتاج

عموما لو بتاخذ سبورتاج خلك بالـ 6 سلندر

تجربة شخصية: السبورتاج ماهو بذيك القوة في الطرق الوعرة يعني يعطيك بس ما أظن بالقوة الي تبيها وهذا بعد تجربة الـ 4 سلندر أما الـ6 ما أدري عنه شئ لكن واحد من الأصدقاء قالي جربت الـ 6 وممتاز جدا وأفضل من الـ4 سلندر بكثيير

اشكرك على النصيحة

المشكلة ان السبورتج ماادري كم ينسام عند البيع وهل طيحة سعره قوية؟

يعني مثلا موديل 2004 اذا كان نظيف كم تتوقع ينسام فالمعارض ؟