هذي السالفه اللي صارت معي
اول ما شريت سيارتي الالنترا2005
الا والشباب في بريللي قالو تعال ركبلك طقم عندنا
سألت عن التسعيره كانت 1380 للطقم
[CENTER]قلتلهم وين احط هالسعر في كفرات
[CENTER]قلتلهم وين احط هالسعر في كفرات
ورحت جبت طقم كفرات من البنشري نوع ماكسيس من احلى ما يكون وعليه ضمان سنه
الطقم كله ب800 ريال
والله مالكم علي يمين
ان الكفرات ما كملت عندي الى الان 8 شهور
والسياره فيها رجه مو صاحيه
ترصيص وقاعد ارصصها مرتين في الشهر
وما زالت الرجه موجوده
رحت لورشه بريللي قلتلهم شيكو الوضع
قالولي الكفرات الاربع منتهيه
كيف منتهيه يا بشر ؟؟؟؟؟
الكفر صارله اقل من سنه على السياره !!
ودعسته اوضح منها مافي !!
ولا جته ولا ضربه !
قالولي ان الكفر نفسه مو متوازن
واثبتلي بالدليل القاطع ان الكفر مو متوازن من كل الجهات
حطه على مكينه الترصيص
وحط على طرف الكفر حديده مثبتها بيده
تشوف الكفر لما يدور شوي يلمس الحديده وشوي ما يلمسها
فرق بسييييط جدا
لكنه مع السرعه يصير واضح
قلتلهم طيب والحل ؟
قالو طقم كفرات جديد
(والله تفشلت يوم قالولي الشباب :هذا وانت الخبير رايح مركبلي كفرات خايسه ؟!)
رحت للبنشري اليماني اللي باعها لي على اساس انه قالي عليها ضمان سنه
قلتله غيرها لي!
والله انه عطاني 100 تصيرفه
1/ الكفر ما فيه مشكله المشكله من العكوس عندك
2/ الضمان من عند الوكيل مو من عندي
س: طيب يا ابن الناس وين وكيله
ج: اول ما تمسك خط ابو حدريه ديور قبل الخفجي ب 50 كيلو وامسك خط ترابي....الخ
عطاني توصيف لو اروح له يبغالي اودع الاهل قبل لا اروح
3/ هذا سوء استعمال انت شكلك ضارب فرامل جامده بالكفر
س: يبن الناس انت شايف الكفر قدامك دعسته سليمه ما فيها شي من جميع الجهات
كيف سوء استخدام ؟ جوال هو ؟!
الزبده وخلاصه الحديث
ان حقي ضاع
وعلشان اوفر لي 500 ريال من قيمه الكفرات خسرت قيمتها كلها وطلعت تكلفتها علي كالتالي
طقم كفرات محترم ومعروف كان معروض بـ1350 ريال
الماكسس
800 الكفرات
9 مرات ترصيص * 40 ريال = 360 ريال
تصليح عكوس داخليه وخارجيه كامله = 600 ريال (على الفاضي)
(لان قالي البنشري ان المشكله من العكوس ورحت لميكانيكي ما يخاف ربه هو الثاني )
يعني طلعت علي الماكسس بـ1760 ريال
كلها راحت في الهوى
وبارجع الحين اركب طقم بريللي وامري لله
[COLOR=blue]خلاصه الموضوع ان يا تشتري كفرات محترمه حتى لو كانت غاليه او لا تشتري[/COLOR]
[COLOR=red]لان فلوسك بتروح على الفاضي[/COLOR]
[COLOR=blue]انصح بالتالي[/COLOR]
[COLOR=red]1/بريللي[/COLOR]
[COLOR=red]2/ بريجستون[/COLOR]
[COLOR=red]3/ ميشلان[/COLOR]
والله يعوض علي :c0038:
[/CENTER]
