ماركيز موديل 97 اذا شغلت المكيف ترتفع الحرارة

اخوي نفس المشكله حصلت بسيارتي وبالاخير طلع من المروحه الكهربائيه اللي
ما كنت ادري عن وجودها بالسياره لانها شبه مخفيه وانصحك تشيك عليها ومحلها بين المروحه
اللي راكبه بالمكينه والرديتر

نفس مشكلتي لي سنه ترتفع تقريبا على راس رسمة الترمومتر (في القراند ماركيز العادي)تقريبا بالالكتروني خمس شرطات وتثبت هذا بالصيف في النهار ومن بعدالمغرب بشويه وباقي الليل النصف وترجع اذا طلعت طلعه بخط سفر مثل طلعة الغاط ترتفع ويفطس عزم السياره
والسياره ماركيز 97 وملاحظها عند واحد من اخوياي
هل تعتقدون انها من تلاجة المكينه؟

شيك على طرمبة الماء

وعليكم السلام ورحمة الله وبركاته

وسع صدرك يا اخوي المنطلق12

وهذه هي حالات معظم سائقي السيارات طبعاً في هذه الأجواء الحارة.

ما ذكرت لنا ما نوع الموية التي تستخدمها لتعبئة الرديتر؟؟

لربما تكون منها ؟؟

اهم شي تشوف السيارة المشابهه لسيارتك هل ارتفاع الحرارة طبيعي او لا

اعتقد انه طبيعي

واي انتفاخ للخراطيش لايعني شي البعض يقول ان الراس مشعر او يقول ان كذا و كذا ولكن الانتفاخ من الحرارة شي طبيعي
الا درجة انه القربه الماء الي فيها يغلي بعد ماتطفي السيارة عادي
اهم شي ان الحرارة ماتطوف النصف او بحسب نوع السيارة

و الله اعلم

المنطلق كيف الحال
الموتر امريكي يعني صنع في امريكا وجو امريكا من10 الى 17مئويه
شف الشكمان ممكن الدخان ما يطلع صح


وصنعو السيارات وخلو حرارتها نص

فيه وحدمن جماعتنا شراء دينه امريكيه ثلاجه ودايم حرارتها نص واكثر سوء يشغل الثلاجه او يطفيها
فحص عليها في كل الورش ما لقى نتيجه
جاء عند واحد مك****ي وقاله الحراره عاليه وش المشكله شيك عليها كلها وقال ابي افك الشكمان كله من القزوز وافق الرجال وفك المكانيكي الشكمان وبرد الموتر على طول

قص الكنداسه بلا كسجين ولقى ((((خشبه مروبعه)))) تمنع خروج الدخان الاقليل عشان الموتر يحتر الربع في امريكيا والنص في السعوديه

غير الاتوماتيك تبع المروحه

وتوكل على الله

لاني سويت مثلك حتى جاني الهوس ( بغيت اسوي توضيب للماكينه )

اخر شي غيرتها وارتحت

السلام عليكم ما اقصد المروحة الرئيسية اللي فيها التماتيك اقصد الكهربائية اللي قدامها تراها مخفية ما تشوفها صايرة لاصقة بالراديتر اذا عرفتها او كلمني على الجوال 0507040452 ارسل رسالة اذا ما رديت و شكرا

ممكن تكون حضرتك محتاج أعاده ظبط خلوص تاكيهات المحرك ( يعنى الصبابات قافله شويه وعاوزه أعادة ضبط )...............مع ملاحظة أن التاكيهات المحمله بتجعل صوت المحرك غير واضح + عملية السحب والتسارع بتقل + قدرة المحرك بتقل + حرارة المحرك حتزيد .........[COLOR=darkred]لأن زمن فتح وقفل الصبابات بيقل فى الحاله دى وبيحصل فقد بعض الشىء فى قدرة المكنه نفسها...........................[/COLOR]

الأخ دسمان666

جربت الطريقه قبل شوي بس مافيه فايده المروحه كويسه والكلتش حقها كويس


وش تنصحوني


اغير انا قلت ابدا اغير الأشياء الرخيصه ثم الأغلى


وراح ابداء بها وحده وحده


واشوف وش النتيجه


وش رايكم

اخي العزيز المشكلة عندك في المروحة الكبيرة الكهربائية وهذي مشكلة انا متأكد منها غيرها وتشوف الفرق لانها تفصل وتشبك على كيفها اذا كان فيها عطل وللتأكد شغل المكيف و اذا ارتفت الحرارة حرك سلك المروحة او دق على المروحة من الوسط(الدينمو )وراح تشتغل وتطفا و شكرا

الأخ فيصل بن محمد الف شكر لك على الرد


رحت اليوم ورجعت البلف حق الحراره وسويت تنظيف للديتر


المراوح يقولون كويسه ومافيها شي

راح اجرب السياره بكره في الظهر واشوف وش بيصير


عارف اني ازعجتكم لاكن والله وما باليد حيله



لكم كل الشكر

اول شي تاكد من اتوماتيك المروحه احيانا يكون ضعيف وتاكد كذلك من مروحة المكيف احيانا تكون ضعيفه او عند تشغيل المكيف تعمل

ولكن بعد فتره تتعطل او تفصل حيث ان بعض الاحيان يكون الفيش تالف وعند اشتغال المروحه يسبب حراره للفيش فيفصل الكهرباء عن المروحه


وعند برودته يعمل مرة اخرى .


عموما يجب الكشف على المروحتين جيدا والكشف على الاوتوماتيك ولا تنسى غطاء الرديتر احيانا يكون به تنسيم

ولا يحافظ على الضغط والنصيحه الاخيرة يجب عدم فك بلف الحراره نهائيا فهو يقوم بتنظيم الحراره ويجعل دورة الماء منظمة

ويجعل الماء في الرديتر فترة حتى تخف حرارته من مواجهته للهواء ومن ثم يدخل مرةاخرى للمحرك كي يخفف من حرارة المحرك

والله الموفق

رحت قبل شوي يا اخوان عند اكثر من خمسة كهربائيين وكلهم قالو

المراوح مافيها شي

واحد منهم يقول شف دورة موية اللديتر او المكينه

وش السالفه

الراجاء الرد

تسلم اخوي فني سيارات


ترتفع الحراره خمس خوطوط الطبلون اكتروني

راح ارجع البلف الحين وافحص المراوح واقول لكم وش صار

كم ترتفع درجة الحرارة ؟؟

ثم فصل اللبلف مش هو الحل ارجع البلف وحاول تحل المشكله سواء بتركيب مراوح او فحص المراوح ومضخة الماء

تسلم يالذيب

راح اشيك بكره واعطيكم الخبر الأكيد