ماريكم ببيع سيارتي اكورد 2009 وشراء كابرس LTZ م 2008 او 2009

لا تفكر تبيع أبد

اذا انت مرتاح في الهوندا وماأنت شايف فيه عيب والله حرام الهوندا سياره ماينقصها شي سيبك من الامريكي بلادنا الحاره اثبتت ان السيارات اليابانيه افضل من جميع النواحي

انت تقول استشرت كثير وقالوا لك الاكورد افضل .... والحين ماراح يتغير رايهم ^^"

الاكورد من وجهت نظري سياره تتحمل و الهوندا بشكل عام روعه انا اقولك هالكلام بحكم ان عندنا 3 هوندات خخخخخ حلوه هوندات ... اكورد 97 وهذي البدايه صراحه سياره كرفناها كررررف ولا عليها كلام وبعدها اوديسي العائليه و الحين اخوي مطلع اكورد 2008 والسياره الحمد لله تمام التمام بالنسبه لي افضل من الكامري حقتي --.-" <<< مو من المعجبين بالكامري

خاصه المكيف صراحه فررررق الاكورد افضل بالف مره

بالنسبه للكابرس مالي خبره فيه واذا بتقارن في القوه اكيد 6 اقوى من 4 سلندر

من وجهت نظري خلك على مجنونك لا يجيك اللي اجن منه .. خاصه انك ماتشتكي من السياره ! وتبي تغيرها على شانك مو مقتنع بسعرها !!! خلاص اندفع السعر وخلاص !!!!

أحد يبدل ( HONDA ) . . . ( بشفر ) ... اسمح لي

لا أوافقك الرأي أبدا

لا و بتاخذ مستعمل بعد , مو جديد ...

لا أنصحك و بقوة

البعض يقول كلام من تجارب والبعض الاخر يقول ما يسمع من الناس

الحمدالله انا عندي كابرس 2000 جلس معاي تقريبا 7 سنوات ولله الحمد وما اشتكيت منه

وكلالي يخرب فيه اشياء استهلاكيه

وبعدها شريت كابرس 2005 له سنتين والحمدالله بدون ملاحظات

الي يعدم الكابرس هو التزويد والعبث في الكهرباء زي انوار زنن وغيرها

خلي السيارة على شد البلد وما رح يجيها شي

وغيرها المفتاح مو كل من هب ودب اخذها المحافظه فوق كل شي

وان بغيته في خط قال ابشر

وان بغيته في سرعه حط رجلك

بغيته في قومه يبسطك

بغيت في مطاراحات اسعدك وتحمل ما يجيه

ونصيحتي لك اذا تبي كابرس لا تاخذ غير 8 سلندر معليك الي يقول 6 ماعنده سالفه يبي يوفر بنزين

بالعكس8 صرفيته معقوله وقطع غيارة خاصه المكينة ارخص من 6 السلندر بواجد

زي طربمة المويه 8 سلندر سعره 350 ريال

و6 سلندر 750 ريال

بلف الحرارة 8 سلندر 75 ريال

بلف الحراره 6 سلندر480 ريال

وغيرها من القطع ولكن8 سلندر قطعه متوفره عكس 6 سلندر وارخص

واذا بتحافظ عليه رح يعيش

اما اذا تفكرتاخذ 6 سلندر لا والله خلك على الهوند اصرف

غير 8 سلندر ما في زيه


واي ستفسار عن الكابرس الله يحيك اما هنا او برسائل

والله الموفق

واستخرالله قبل كل شي

خلك على الاكورد

الكابرس موهق بسعر البيع

ويبي واحد يدفع عليه

الاكورد افضل من الكابريس

نصيحتي خلك على الاكورد والله يعطيك من خيرها ويكفيك شرها

الكابرس ماعليه كلام هذا هو عندي وصار له 6 سنين ومافيه اي مشاكل
بس بيني وبينك انا ما ادعس له واقاوم كثير محافظ عليه واللهم لك الحمد

بانسبه لي الكابرس افضل من الاكورد ولو تاخذ اس اس احلى وواحلى
وكل شخص له ذوقه
والاكورد ترى حلوه

والله انا لو مكانك ماراح افرط في الاكورد وخصوصا مقابل الكابرس
يعني لو قلت بتاخذ التيما او لكزس اقول معك حق
بس تفرط في اكورد علشان كابرس حرااام والله حراااام
والله يدلك وويوفقك

الكابرس جيده لكن انصحك خلك على سيارتك الاكورد قويه جدا
واذا تبي تغيرها اخذ كامري ترى حلو
وتقبل مروري

شوف بدك سياره سريعه وبعد خمس نسين تهرتك معك اشتري كابرس
اما اذا بدك سياره فخمه وتجلس معاك مدى الدهر طبعا اكوورد
بس انا بالنسبه لي ولا احب اي وحده احب الالماني وبس

يعطيكم الف عافيه جميعا.. وانا مو مخليني امشي هالممشى خلال هالمده البسيطه الا الخطوط..انا رجال راعي خطوط اهلي في ديره وانا في ديره واسبوعيا خطوط <<صار مدمن..حتى اي سفره تجي ببالي ما اتردد لو نجران خخخخ..شغل الهنادي وخل العالم تنادي..
الله يكتب اللي فيه الخير وبخليها لين اتقول تكفى فكني منك..
تحياتي

شف اعرضه للبيع ,, اذا جاب لك سعر لا تتردد وبعه ..
انصحك اذا منت راضي عن السيارة بعها .. مهب لازم تكبت على عمرك ,,
العمر واحد ,, عش حياتك ,, صحيح بتخسر عما لا يقل عن 10 الاف .. لكن بيكون ضميرك مرتاح ..
ونصيحة ابعد عن الكابريس .. يصبر للي محافظ عليه بس .. اما راعي دعس مهب قاعد عندك 3 سنوات ,,

عموما الله يوفقك ,,
ونصيحة .. اذا تبي تشتري سيارة .. اسأل عنها لكن لا تطلب من الواحد انه يعطيك رايه في السيارة ..
انا ولله الحمد شاري الاف جي قبل شهر تقريبا .. هو كان براسي من مدة .. لكن اللي يقول لي خذ اكورد خذ لومينا خذ فورد ايدج ... الخ
سيارات واجد مرت علي لكن شريت اللي ابيه .. ولله الحمد مرتاح ,, عموما شف الاف جي << بدا يسوي دعايه لسيارته ..
ترا قوي عملي وياباني :) واسعار المستعمل منه على 80 الي 90 الف ,, 2008 ,, وتلقى على الـ 100 مستعمل 2009 ,,
داري طولت عليك .. العذر و السموحه ,,

اخوي والله انا ناصح لك انت واضح عليك انك رجال رجلك على البنزين
وانا اقولك كان معي موتر عزم بس مافيه مواصفات << فكتوريا ههههههه
المهم الله من علي وشريت اكورد 2009 والحين معي فل كامل مع اني شريتها مصدومه الا والله انها معي من 4 شهور تقريبا وعسل على عسل مافيها شي ولا دخلت ورشه طبعا باستثناء الحادث وعملي ويخليك تحافظ على الموتر غصب يعني موتري الحمدلله معي من 4 شهور ومامشيت عليه الا 10000
والكابرس وانا اخوك موتر خرابات وقطع نار ومايعيش مع شايب عاد وشلون مع واحد مهتم بالعزم زيك يعني بيمشي معك كم سنه ثم يبدا التأليف
اسف على الاطاله بس حبيت انصح

الاكورد افضل لاتغيير تحياتي

السلام
من خلال معدل ممشاك الحالي اللي هو 35الف خلال 6 اشهر يعني المعدل الشهري 5800كم تقريبا
السنوي =70000كم اي معدل عالي اذا استمريت على الحال ونفسه
والكابريس لا تتحمل الكرف و القطع الاستهلاكية غالية وعمرها قصير نوعا ما
والاكورد اظن من ناحية الثبات افضل من الكابريس والكابريس افضل عزما
راي ان تنتظر على الاقل سنة لانك سوق تستهلك السيارة بسرعة وباتالي لك ان تغيرها

الكابرس سيارة مريحة وسريعة ولكن الياباني (الاكورد) افضل