شباب بغيت أشتري ماكسيما 98 نوع j
حصلت واحد قالي خوي مكينة قير صحة توني مسويله سيرفس يعني مايحتاي تبدل مكينة ايل ولا شي والشوزات مايبلهم تبديل الموتر مايبيله صيانة بس عندي الانجكترات يبيلهم تنظيف.
ماشي 290 الف
مافيه مشكلة كهربا توني مبدل الكويلات الستة حق السيارة
زين شباب شرايكم فيها وهل يحتاج أغير سير المكينه ولا ما يحتاج وصيانتها غاليه ولا لا وفيها مشاكل الماكسيما موديل 98؟
لأني بقابل الشخص يوم الأحد لأفحص السيارة فما أريد أن أتورط في تصليحات مع إنه قالي ما فيها مشاكل
وقالي حزام الماكينه الداخلي يأتي حديد ولا داعي لتغييرة ولكن أقول إن السيارة ماشيه 290 ألف كيلو
يعني ألا يحتاج الحزام الداخلي للمكينه وهو يأتي سلسله حديد في هذا الموديل وليس جلد وقال لي إنه إذا
صرت تسمع أصوات ساعتها يحتاج تبديل
فأبي شورتكم كلامه صحيح ؟
وطالب في السيارة 1400 ريال
والجير أوتوماتيك
وهل السيارة من هذا النوع فيها مشاكل كثيرة؟
اخوي تفضل من اي ناحية..انا جاهز.
للإضافة
قبل مدة زميل اعرفه شرا ماكسيما 2004 قير عادي وفتحة وزينون ومسجل ب CD هي فئة GV -2 بـ 34 ألف
والسيارة نظيفة واستخدامها جيد.. لونها فيراني بالمنطقة الجنوبية..
للمعلومية سيارتي الآن ولله الحمد داخلة بـ 300 ألف كيلو (العداد 299700 ) ومحركات نيسان معروفة بقوتها وتحملها لكن تختلف من شخص لآخر ومن استخدام شخص لآخر
.. مثلا اذا بتغير شي لاتفكر في غير الأصلي .. صحيح الآن الاسعار ارتفعت بشكل ملحوظ لكن القطعة الأصلية تغيرها وتنساها
انا سيارتي قبل كانت التيما واخذت الماكسيما من اخوي وهي ببداية 220 ألف تقريبا قبل اكثر من سنتين..
