واللي شرا سيارة 2009 وكالة ومسك فيها خط و عجت الواجهية وش يسوي..؟؟

السلام عليكم ورحمة الله وبركاته

يا شباب انا عندي mazda 6 2009 لون أسود شاريها جديدة وكالة

يوم وصل العداد 1500 مسكت فيها خط..وكان الخط كله غبار بشكل غير طبيعي
كنت أسمع التراب يضرب بالسيارة ضرب..لين يوم وصلت قلبت واجهية سيارتي
صارت مليانه بقع رمادية وغير كذا ان لمعة الواجهية راحت..ومثل ما انتو عارفين ان السيارة السوداء
تتميز باللمعة القوية لكن الحين زي ما تقولون ان الواجهية اندمرت اللمعة راحت وصارت مليانه بقع..بعدها قلت ليش ما المع السيارة..
رحت لمحل وقال انا أستخدم مواد تلميع غير كل المحلات وما ادري ايش وقام يتفلسف..هو من جد يستخدم في التلميع سائل لونه
ازرق وسائل لونه برتقالي لا هو واكس ولا هو اللي يسمونه بوليش..وزي ما تقولون ياليتني ما لمعت عنده..
هو صح بعد التلميع خفت البقع بشكل كبير اقدر اقول بنسبة 80% وحسيت ان لون السيارة رجع بس المشكلة باللمعة..
صارت غير متناسقة زي ما تقولون معفطة..الصورة تشرح أكثر طبعا الصورة للكبوت بس تخيلو مع ان الكبوت
ما تضرر من العجة بس قلت لراعي المحل يلمعة وياليته ما لمعة لأنه خرب علي لمعة الوكاله شوفو كيف صار
الكبوت مع انه كان سليييم

طبعا كان في غبار في الكبوت ومسحت جهه منه عشان اقدر اصور لكم ولاحظو عكسة الشمس على الكبوت

ياليت تفتحون الصورة في صفحة لحالها لأن مقاس الصورة كبير

http://up.arab-x.com/July09/FLQ56176.jpg

واللي أبيه الحين أن لون السيارة يرجع مثل الوكالة بالضبط..يعني ما أدري وش رايكم
تنصحوني اني صبغ الواجهية وكاله مع انها مكلفة..أو تنصحوني أني ألمعها نوع معين من التلميع
أو اني اصبغها في ورشة معينة تكون صبغتها متقنه مثل صبغة الوكالة..تكفون يا شباب قولولي
مع العلم اني ساكن بالرياض وتكفون يا شباب لا أحد ينصح إلا وهو فاهم الدعوه لأني قبل عن
أمسك الخط فتحت موضوع في المنتدى سألت فيه وش احط على واجيه السيارة وانصحوني برشة اسمها رش وامش...
وحطيتها على الواجهيةه لكنها ما حمت السيارة من العجه للأسف فتكفون يا شباب ابي نصايح من ناس عندها خبرة..و مشكورين مقدما.