مقارنه جريئة بين الارمادا واليوكن

مشالله عليك على وصف السيارتين
والله ان وصفك اروع من الرائع
مشالله عليك ما بقيت شي الا وقلته
يعطيك الف الف عاااافية

(وتبقى الافضلية لليوكن)

فعلا موضوع شيق و مرتب شكلك يا حبة الخال صحفي مخضرم :a120(30):

واحد من أجمل المواضيع اللي تقارن بين سيارتين بالمنتدى

تجربة السيارتين في ظروف متاشبهه يعطي المقارنه وضوح اكثر

الله لا يهينك ياخوي والله يطعم اصحاب المواتر من خيرها ويكفيهم شرها

موضوع يستحق التقييم خمس نجوم

انا عندي الرمادا احسن من اليوكن لنو الرمدا حقت الملوك زي الناس اما اليوكن حقت تفحيط:c0214:

fhad2007
بعد السكيويويويا (تصدق الى بكرى ما اعرف انطق اسمها عدل :bigggrin:) .... وابشرك عندي حبة خال في وسط خشمي:c0038:



ابوتركي النيسان
يحق لك لان هالسياره مثل الاسد المفترس والمتعطش للدعس (هالاسد شكله داج :bigggrin:)



one1way
للاسف ما حصل لي تجربة الاسبديشن ... لاكن انا امتلك اكسبلورر



ymz
كلامك عين العقل .. وانا اعتبر السيارتين مكملين لبعض مع ان كل وحدة تختلف عن الثانيه في الاداء



عاشق البيك اب
كيف حكمت بهالشيء (إذا انك مجربهم ثنتينهم وهذي وجهه نظرك فأنا اقول اوكي) اما اذا ما جربتهم ثنتينهم فأسمح لي
والتجربه في نظري معناها انك تسوق السيارة لمدة لا تقل عن 3 ساعات متواصلة في ضروف مناخية صعبه شوي :wavey:



بوغاتي فيرون
تحياتي لك

مشكور وماقصرت على التقرير يعطيك العافية




تحياتي

اليوكن افضل وشكرا

يعطيك العافيه اخوي حبة خال على المقارنه الحياديه

وياليت كل الاعضاء مثلك في طرحهم

سيارتين لاغبار عليهم من ناحيه العملانيه ولكن مواصفات وبعض العيوب تختلف مابين الاثنتين وهنا تعتمد على ماذا يريد المستهلك من السياره فلذلك ناس يعشقون هذه واخرون تلك

اخوي الغالي ابداع جميل في وصف السيارتين من جميع النواحي ما قصرت بس ان متحيز للاارمادا لانه ياباني وشكرا علا المضوع الاكثر من رائع

والله كان ودي اكتب بالاضافه مع الاكسبيدشن ...قارن معهم السكويا حقت تويوتا .. بس استحيت:smilie16:



بالنسبه لحبات الخال ... انت ما فهمت ليش ابو الخل يضحك ... بس ما ودي اقولها .........

عموماً انا اكثر منك ... صاير وجهي كنه تلفزيون مشوش:bigggrin:

الحمد لله والشكر له سبحانه .. الله لا يغير علينا بس

تحياتي :xyxwave:

حبة خال موضعك جدا حلو والاحلى الصراحه فيه وعدم الانحياز

abo sirag
تسلم يا حبيبي على الرد وعلى التقييم



fhad2007
من جد انك طماااع:smilie16: ... حتى الاكسبيديشن بعد بتدخلة بالسالفة خخخخخخخ علشان تقبع الدنيا :bigggrin:
بصراحة صعب الاختيار بينهم جداً جداً لان كل وحده منهم لها شخصيتها وملامح خاصة بها
بس بما اني كثير السفر وعندي عائلة كبيره وتحب الوسع داخل السياره فأتوقع اني اختار الارمادا

بس والله لو اني عزابي او توني متزوج .. فمراح اتردد في امتلاك اليوكن



$$ أبو يحيى $$
وفعلاً انا اقتنعت اني ما راح اسوي اي مقارنه بين اي سيارتين من غير تجربه عينيه وحسيه وسواقيه :smilie16:


Gmc Yukon 2009
امممم .. انصحك لا تحكم من غير ما تجرب بنفسك وتسوق السيارتين لفترة طويلة :xyxwave:


أبوهذال
دفرنش ومادفرنش وفريويل والله هالاشياء ماافهم فيها شيء ابد :bigggrin: ... بس اللي افهم فيه اني جربت السيارتين ودخلت فيهم منعطفات بسرعة وعلشان جذي انا حكمت على الثبات وهذا مو معناه ان اليوكن سيء .. لا بالعكس هو كويس بس لمااقارنه مع الارمادا فإن الارمادا اثبت منه :xyxwave:


ابو إياس
والله انا اول ما حطيت الموضوع توقعت ان السالفة بيصير فيها بقس وطراقات وكفوف وكراتيه :smilie16:
بس انا ظلمت الشباب وما شاء الله كلهم ماخيبو ظني واخذو الموضوع بصدر رحب:smile:


الخل الوفي
ايه شعليك إضحك :smilie16: ... تصدق عاد ان راسي كله فيه تقريبأ 12 حبة خال وما شاء الله مسويين خريطة في وجهي:a120(115):
على طاري الارمادا ما شاء الله الوسع فيه غير طبيعي وبعدين الاسيات الخلفيه كلها اذا سكرتها تستوي مع الارضيه ... اما اليوكن فإن السيت الثالث تقدر تفكه وتطلعة برى السياره
:xyxwave:

حقيقة مقارنة رائعة جداً ومنصفة إلى أبعد الحدود أشكرك عليه بشدة يا حبة خال :) الصراحة الإسم يجبرني على الابتسام.

فيه فارق آخر، وهو أن الأرمادا سعته الداخلية رائعة وكبيرة أكبر بكثير من اليوكون، خصوصاً عند إقفال الصف الثالث يختفي مقعد الأرمادا تماماً، أما اليوكون فيبقى كالشوكة في الحلق متعلقاً خلف مقاعد الصف الثاني.

أشكرك أخي حبة الخال على هذا التقرير الواضح ولو أن محبي اليوكن لا يعجبهم كلامك
ولكن لاتهتم وأبق على هذه الطريقة وفقنا الله وإياك لما يحب ويرضى.
لك التقييم.

مقارنة حيادية و بارك الله فيك

لكن حبيت اوضح نقطه

بالنسبة للرساوة فهي ثمن الراحة و هما ضدان لا يجتمعان مهما كان

ولا تنسى الدفرس الصلب مقابل الفريول لصالح الفريول طبعا لا من ناحية الراحة ولا الرساوة لكن الاعتمادية للدفرنس

و اليوكن على ارسى مما تتخيل لسببين:
1- عمرك شفت فيها سيارة 2 عمود توازن على الدفرنس الخلفي ! اغلب السيارات واحد فقط
2- السيارة بها نظام ستابلتي تراك و هالنظام فعال بدرجه كبيرة و المقطع التالي يوضح كثر

طبعا السيارة شفر اكسبريس وهي اثقل و اطول من اليوكن(و لاحظ ارتجاج السيارة وهي لحظة تدخل النظام)

[YOUTUBE]j2Lbltrxg0E[/YOUTUBE]

و بالنسبة لتأخر الدعسة نوعا ما فهذا صحيح و لكن تمنيت انك جربت 2009 لانه تم تجهيزه بقير الدينالي 6 سرعات و اريح و انعم بمراحل من قير الـ 4 سرعات و زادت قوة السيارة معه (التسارع من 0 الى 100 صار في 7,5 ثانيه بدل 8,3 ثانيه) وقلت طبعا صرفية البنزين عن 2008

و فعلا اصوات الديكور مزعجة لكن مع الوقت تصير آخر ما تفكر فيه و عزل الهوا صحيح الارمادا افضل لكن اليوكن انا اشوف انه عادي على سيارة بهالحجم والارتفاع ولا يسبب الازعاج الا في حالة وجود هوا قوي مقابل للسيارة (مع اني مستغرب كيف صار اسواء في 2007 وطالع لان عزل اللي عندي 2006 لا مشاكل حتى 160 ما عدا الهدير اذا زعلت المكينة :xyxthumbs: و بعدها تسمع صوت الهوا)

و في الاخير لولا اختلاف الاذواق لبارت السلع

طبعا لا تضنوا انني اتحيز لليوكن لانني احب السيارات الامريكي
والارمادا ان من اشد المعجبين فيها هيه واختها النفارا
لاكن لا مقارنه بين اليوكن والارمادا لان الامريكي شبـــــــــــــح الطريق

واليوكن (يفرض هيبته)

الله يعطيك العافية يا أخوي على هالمقارنة الموضوعية و المحايدة ..
و لكل سيارة مميزات و عيوب و لكنها تبقى من أفضل الخيارات المطروحة حالياً في السوق ..

لك شكري و تقديري + تقييمي ..:ch19:

تحياتي