باركولي شريت تاهو 2009 وعندي استفسارات

هل ركبت الشاشة عند محل العمران

كم حجم الشاشة وبكم سعرها

وكيف شغلهم

السلام عليكم
تثبيت السرعة 1- السرعة لازم تكون اكثر من خمسين أو أربعين 2- أضغط على الزر الموجود في الوسط إلي موجود عليه عداد 3- أضغط على زر السالب ضغطة وحده ورا يثبت وأذا بتفك التثبيت أضغط فرمل أو الزر إلي عليه دأرة وعليها اكس
أما الكتلوج تلقاه في الدرج أو إذا أنت بين السايق والراكب مقعد فكو وراح تلاقي درج
امكن يكون هناك وبنسبة لتكيس السيارة كيس الأرضية
والفرق بين ال تي و ال تي زد هو
1-مقاعد جلد
2-مكيف أوتو
3-باب الشنطة كهرب
4-المكيف الخلفي مفصول
5- تندة
6-المقاعد إلي في الصف الثاني تنسك باكهرب
7-المراية تنطوي كهرب
:wink:

الف الف مبرووك يالذيب

وصراحه التاهو من السيارات الي مستحوذه على اعجابي
الله يعطيك ويكرمك بخييرها ويبعد عنك شرها


تحيااااااااااااااااتي

[COLOR=black]وعليكم السلام ورحمة الله وبركاته

ماشاء الله وربي يباركلك فيها ويعطيك خيرها ويكفيك شرها[/COLOR]
اخي العزيز بالنسبة للازريز آلي في عصا القير هذه للقيار العايدي كيف تضع القير على العلامة M يكون في هذه الحالة الغيار عايدي وفيه ست سرعات 1+2+3+4+5+6وبالعكس 6-5-4-3-2-1 في حال الطلعات والنزلات اخف للمكينة والقير

ماشاء الله تبارك الله ..

ما زال أفضل سعر سمعت به ..

مريت العيسى قالي بــ 120000

ومريت التوكيلات بــ 119000

وباقي الجميح ما مريتهم وأتوقع هم الأفضل سعر ..

شكرا لك مرة أخرى وألف مبروووووووووووووووك ..

الله يبارك فيك وعقبالك

بارك الله فيك السيارة على الزيرو

الف الف مبرووووك الموتر
وتراه سيارة ماراح تندم عليها بأذن الله

وانا كلامي من كلام اخووووووي
ابوهذال



مع تحياتي لك
اخوووووووك
ابونورة الشهري

أخي الكريم هل ممكن التوضيح هل السيارة جديدة أم مستعملة ؟؟

وإذا كانت مستعملة كم العداد عند الشراء ؟

لأني سألت العيسى أمس وقالي سعر التاهو LT بدون دبل بـ 120000

وسعر شرائك جدا ممتاز إذا كانت السيارة جديدة ..

والله يعطيك خيرها ويكفيك شرها ..

تاهو LT2 يجي مراتب جلد وفتحه وشاشه نفيقيشن وDVD جنوط 17 كاميرا خلفيه سعره في الجميح جده 137800 ريال قبل ثلاث أسابيع يعني أيام النخفيض
وعلى فكره الLTZ كان عندهم مراتب جلد فتحه شاشة DVD فقط بدون نفيقيشن يعني بدون خريطة JBS وبدون كاميرا خلفيه جنوط 20 سعره كان 142000 ريال
طبعا حاليا الأسعار تغيرت
يعطيكم العافيه

ألف مبروك يالغالي يعطيك خيره ويكفيك شره

بارك الله فيكم جميعا اخواني على المباركة لي ومشكورين على الردود الجميلة

السلام عليكم

مبروك عليك الموتر اخوي والله يعطيك خيره ويكفيك شره وشر الحساد :)

وابشرك يالذيب اختيارك موفق 1000% باغتناءك للسيارة الوحش :)

اما عن تساؤلاتك فراح اجاوبك حسب ماهو موجود في سيارتي تاهو 2009:


بالنسبة لكتيبات دليل المالك كلها تكون عند المسئول في المخزن وليس في السيارة وعندما تقوم باستلام السيارة من المخزن سيقوم المسئول بتسليمك كل الكتيبات والمفاتيح وولاعة الطفاية ووو الخ



اخوي شوف الصورة التالية:


في نفس الطارة على اليسار بتشوف ازرار التحكم في السرعة وفيه زر في النص مضاء في نفس الصورة صح؟
هذا الزر المفروض انك تضغطه مرة وحدة بس (يعتبر زر تشغيل المثبت) وبعدها تضغط على الزر العلوي (اللي فوقه مباشرة وعليه علامة زائد + ) هذا الزر راح يثبت عندك السرعة مباشرة
وعلشان توقف المثبت (توقف التثبيت فقط وليس تعطيل الخاصية) تضغط على الرز الكبير اللي في اقصى اليسار
وعلشان تعطل الخاصية بشكل نهائي اضغط على الزر اللي في النص وبتشوف اللمبة المضاءه انطفت وهذا يعني ان خاصية التثبيت معطلة وحتى لو ضغطت على الزائد او الناقص (الزر العلوي او السفلي) ماراح يستجيب لك لان الخاصية معطلة


الافضل انك تسال الوكالة وشوف بكم يركبونها لك وقارن بسعر الوكالة وسعر المحلات ولاتنسى لو اضطريت لشغل المحلات انه يكون محل ثقة وعالي الجودة لان اي مشكلة في الكهرب راح يفقدك ضمان الموتر اخوي
وانصحك حتى لو كان الوكالة اغلى بالف ريال مثلا خل شغلك عندهم لان شغل الوكالة افضل مهما كان وكذلك تحافظ على الضمان وانت مرتاح :)


بالنسبة للتلبيس ما انصحك اذا كان فيه فك للاسيات؟؟
اعرف اثنين هنا في المنتدى فكو اسياتهم علشان تلبيس الاسيات والارضية وطلعت عندهم مشاكل في الكهرب من اضواء ومنبهات تطفي وتشتغل وايرباغ مايشتغل ووو الخ


هذي في الحقيقة لا اعرفها وان شاء الله الاخوان افادوك فيها

وعليكم السلام ورحمةالله وبركاته

ماشاء الله وربي يباركلك فيها ويعطيك خيرها ويكفيك شرها...

اضافة على كلام اخوي ابو هذال

هنا صورة المقود لكاديلاك ونفس التاهو واليوكن بالضبط والداخلية تختلف طبعا
(واسف الصورة كبيرة للتوضيح :)



اوامر تثبيت السرعة على السيار
+ لزيادة سرعة السيارة بدون الحاجة لدواسة البنزين
- لخفض السرعة بتدرج بدون الحاجة للفرامل

بالتوفيق

بالنسبة للمثبت

عندك زر على الطارة على اليسار عليه رسم لعداد و عليه سهم (في النص تلاقيه)

اذا ضغطته من فوق الـ 40 يثبت السرعه و اذا بغيت تفكه المس الفرامل لمسة خفيفه

و افضل لك راجع الوكالة يطلعون معك يعلمونك عليه و طالبهم بالكاتلوج العربي

و الله يعطيك خيره و يكفيك شره

طبعا السياره دفع ثنائي و الا انا غلطان

و عموما افضل عرض عرض بنك الرياض

مسآك الله بالخيـر يالغالي .. , ’

ألف ألف مبروووك ع ـالسياره .. ويعطيك خيرهآ ويكفيـك شرهآ .. سيآرهـ تستآهل الواحد يقتنيهآ .. , ’

بودي أفيدك .. لكن إن شاء الله أصحآب التآهو يفيدوك .. , ’

محبك

ماشاء الله عليكم ردودكم سريعة
الله يبارك فيكم ومشكورين على التوضيحات
السيارة محدودة ب118000ومن هنا وهناك ياالله اخذته ب115500شاملة نقل الملكية والتأمين من الرياض