السلام عليكم
رحت هذا الأسبوع وكالة ليبيرتي في الشارقة أسأل عن ترافرس 2009 ..
السيارة حلوة جداً ومواصفاتها رائعة .. بس المشكلة ان السيارة مش مرتفعة ولا فيها دبل ..
رقم واحد: فيه جهاز ملاحة وفتحة في السقف والمقاعد جلد و الرنقات 20 انش.. وسعره 156000 هذا إذا بدفع كاش طبعاً ..
رقم 2 مافيه جهاز ملاحة والمقاعد مش جلد لكن فيه دي في دي ورا.. سعره 140000 درهم
رقم 3 : الظاهر مافيه شي هههه لأن سعره 116000 درهم
طبعاً الحين الوكالة مسوية عرووض على سيارات الشفروليه والجمس والهمر وغيره ..
اللي خلاني أغير رايي عن شراء الترافرس هو انها السيارة منخفضة شوي ومافيها دبل ..
قالي مسؤول الوكالة تعال شوف التاهو ..
الصراحة أخذ عقلي ولهذا السبب سميت عمري تاهوو هههه
رقم واحد قبل هالشهر كان ينباع 180000 درهم ..
الحين عليه عرض .. طبعا بالكاش 165000 درهم وكل شي فيه ..
الصراحة ماشاءالله سيارة ماعليها كلام .. المقاعد فيها نظام تبريد وتدفئة .. دي في دي .. وجهاز ملاحة وكاميرا ترصد البقعة العمياء وحساسات .. والمرايا الجانبية اوتوماتيكية .. والمداس كروم اوتوماتيكي والرنقات نوعين .. ألمنيوم مصقول أو كروم 20 انش طبعاً .. شو اقول وشو ما اقول .. وفيها دبل طبعاً والمقاعد جلد كشميري .. وقير اوتوماتيك وعادي في نفس الوقت ..
المهم . رقم اثنين مافيه فتحة فوق ولا جهاز ملاحة والمقاعد مش جلد والسعر 147000 درهم !!!
والله حرامية فرق كبير بين سعر رقم واحد ورقم 2 ..
قالي رقم 3 ما عندنا ما ادري ليش ..
الحين شو تنصحوني ؟؟ أتوكل على الله وآخذ التاهو ولا الترافرس؟؟
