تغيب الشمس
اذا غبتي عن عيوني
واحس الكون جليد وبرد
ضياع وهم
وحسره مالها آخر
ودمعه تحرق اوراقي
وتذبل كل شموع الحب
وبعدك وش بقى باقي
غير حروف وموج ويم
وجسد محموم
لايضحك ولا يبكي
ولا يشعر ولاهو يحس
ويمر اليوم
مثل باكر ومثل هالامس
وحزني غطى جفوني
يارحله انتهت بدري
حسافه خطوتي تاهت
وفكري شح من قهري
وحيد النفس وحولي كثار
ولا لي شيء من امري
انا بسالك ياعمري
شفتي الفرق
بين اليوم وبين الامس
جحود النفس
ماله حل
لا ينشاف ولا يلمس
ولما نفسك تخونك
تعذبها !!
لا صعبه
تقتلها !!
بعد اصعب
وش تسوي ؟؟
وانت الظالم والمظلوم
تبين الحل
لا تهتم ولا تيأس
بكرى تموت مثل غيرك
وياما نسمع عن عشاق
هواهم زلزل خطاهم
ولجل الحب
باعوا عمرهم كله
وقالوا اجمل الاشعار
ومع الايام
ظاعت كل ملامحهم
وبكرى اكيد ننساهم
وانا مثلي مثل غيري
بكرى انساك
واغلط باسمك وذكراك
وتبين اكثر
؟؟
انا اقدر اقول اكثر
واعيد اللي كتبته فوق
واكتب اسفله عاليه
وارسم صورته مقلوب
واغيركل ملامحنا
وحب ما نضج توّه
لارسم صورته محروق
لكن ؟؟
من يصدقني
لوقلت انني اقدر
بنص الليل اشوف الشمس
