هل الدينالي ."أوكي" للتطعيس"؟؟

بس في الأوف رود الكروزر فيه تقنيات اكثر للطرق الوعرة من ال تي زد...
لا تنسى الكروزر مجربينه خمس سنوات في اصعب الأماكن
يعني في المطامر والمقناص تبي تقولي التاهو ال تي زد احسن؟
بس الكروزر فل اوبشن مواصفاته اكثر من اليوكن

نعم في الراحه انا اشهد لليوكون الدينالي الي رنقاته ٢٠ انش مريح فما بالك لو كانوا ١٧ ولا ١٨
والمكينة اقوى صحيح لكن اللي يضايق بعض الناس يقارنون السيارتين ترا اليوكون مايتقارن مع الكروزر
يتقارن مع السكويا....

^

اريح بالطعوس ( المطبات ) .. ومكينه اقوى .. وهذا وهو غير مخصص للطرق الوعره

بس لاجاء z71 ابعد عنننننننننه

وترى مب القصد انه احسن وننقص من مستوى الكروز .. بس لو نقارن بينهم الدينالي يتفوق عليه بالراحه هذا المقصد

يالغالي...
في شنو الدينالي يتفوق عن الكروزر قولي في شنو مواصفته احسن غير المكينة؟

صباح الخير

ظهور الإيرباج عند بعض الناس بالبر ما هو إلا نتيجة تهور كبير منهم
بحيث يقوم بمناورات قوية تجعل السيارة تميل بشكل كبير
وبجرد أن تميل السيارة بشكل زيادة عن الطبيعي تقوم مجسات الإيرباج الجانبية بفتح الإيرباج لأنه يعتقد أن السيارة بدأت بالإنقلاب ...........!!!
وأما الإيراباجات الأمامية ما تفتح غلا إذا صدمت في طعس كان مرتفع وبسرعه معينه

خلاصة القول :
طعس الموتر ماشاء الله يحمل ما يقارب 400 حصان يعني جبار جدا
وبإذن الله ماراح يغرز لو كنت حريص شوي وذو خبره
ولكن تمهل بالتطعيس شوي وحاذر من الطلعات القوية وغيرها
وهذا مو بس بالدينالي ولكن بجميع الجيوب التي تحمل إيرباقات جانبية
حدثت هذه المشكلة عند قريبي وهو يملك إنفينيتي

---------

وتأكد أنك تملك واحده من أفضل الSUV الكبيره قوة وفخامة وراحه
ومن رأي شخصي هي تتفوق بكثير عن VX-R وغيرها كثير

تحياتي للجميع
أبو عبدالعزيز

الموتر كقوة محرك فظيع ولا يقارن

لكن المشكلة انه غير مخصص للطرقات الوعره ولا هو مثله مثل الجمس العادي الفرق بالاسم والمحرك والتشطيبات و الدبل رباعي مستمر

و انا اضمن لو جا مع سواق راح يطرب طرب

ما أتوقع أنه يصلح للتطعيس القوي .. يعني خفايف بس

ارتفاع كفراته بسيط جدآ + الموتر ثقيل + الوجه نازل .. ..

:rolleyes1:

من تجربة ..

صحيح راح تقدر تدخل اذا شوي دعست , ونسمّت على التواير .. (الكفر)

وبعيوني شايف الدينالي يطعّس على أعلى عرق عندنا بـ البداير اذا حد سامع فيها بمنطقة حتا بدبي

لكن جرب توقف مثلا في البر .. حالك حال اي واحد رايح للبر يبي ينزل ويتمشى .. وبعدين تبي تتحرك وترجع بيتكم ..

هنيه شوف لك حد يطلعك وترحّم على الصدام الامامي .. يمكن يخترب نظام الهيدروليك الخلفي بعد ..

الدينالي انظمة الثبات فيه كثيرة ومايتحمل .. اليوكون العادي أكثر صبر بفضل الدبل لكنه ليس أفضل من أي سيارة اخرى مثل النيسان باترول او ال vxr

Z71

...............

يالغالي انا مجرب اليوكون لكن ماكذب عليك مجربه على رمله لكن مب تطعيس
مقارنة بالفي اكس ار اللي عندي اليوكون بنظري اريح ( لا اقصد المطب بل الكراسي) وهذا شي معروف بالياباني لكنه غير شبابي هذا عيبه لكنه عجبني واليوكون قوي ومكينته جباره ورجلك على الريس ان شاءالله ماراح تغرس لكن حاسب على المطامر ترى الموتر صدداديمه نازله ورنقاته كبار ماانصحك يالغالي...
هذا عيب الدبنالي لكن موتر واشهد له...
لكن طبعا انا افضل الفي اكس ار لأنه عملي اكثر
تحياتي

شكرا لكل معارض ومؤيد ^_^
وننتظر المجربين





f i ne

اخوي الدينالي مب موتر بر ولا تطعيس ماتشوف صدامه الأمامي شلون نازل....

الدينالي مو مخصص للطعوس
عكس z71
بطل في الطعوووووووس

اخي العزيز

دينالي صممت للدشاديش والجماغ الملكي , يعني فخامة مو حقت تطعيس , الا اذا مصمم , افصل التراكشن (الثبات ) وادخل لان التراكشن يثقل على السيارة

نقص الهواء وروح ادعس ماعليك بس لاتهور لان السيارة ثقيله وقوية
الدبل يشتغل اذا السيارة ثقلت بالغراز دوس بقوة وشوف وش يصير
بيعجبك
زي الهمر ومحركه طيارة اسال مجرب

مثل ما قالو الشباب الدينالي مخصص للثبات لأن مافيه دبل ثقيل (LOW)

يعني أن غرزت تبلش بالموتر ما يقدر يطلع نفسه

مشكورين عالأفاده جميعا






f i n e

حبيب قلبي واجد طعسو فيه و ما طلعت الايرباقات

و فيه كذا حاله طلعت الايرباق طبعا انا اتكلم عن 2007 و 2008 و 2009

و فيه طريقه طالع عمرك تروح عند كهربائي محترم و فنان يفصل لك الايرباق
و يحط لك مفتاح وقت ما بغيت تتطعس تفصله و قت ما طاح الي في راسك
اشبكه
و سلامتك

( صح لساني )