BMW 320i 2007 شرايكم

الحمد لله رب العالمين

تم الشراء ، و نتيجة الفحص ،،، حالة المكينة 85 % حسب الكمبيوتر ، قالوا لي هالنسبة يعني ممتازة المكينة


لكن في مشكلة وحدة

أن الدريشة الخلفية اللي عاليسار تنزل و مو راضية تصعد ... إلا بالرفع اليدوي

شكلي بوديها الوكالة

الله يطرحلك البركة

ممتاز

آنا بعد شوي بروح أفحصها مع صاحبها ، و إذا مافيها شي ان شاء الله نحولها

الله يطرح فيها البركة

اذا مصبوغ من الزلوغ فهي جيده و مشيتها قليله
لـكن نزل السـعر شـوي عشـان الصبغه فقط
و تأكد اذا مسمكره او لا

تحــياتي

حصلت واحدة ثانية لونها رمادي على أخضر ،

بس الميزة عن الأولى أن فيها فتحة و كراسيها كهربائية

و سعرها تقريبا نفس الشي

لكن ماشية شوي أكثر

و الباب مالها مصبوغ ، يقول صاحبها مصبوغ تجميلي من الزلوغ

ماشية 44 ألف

و موديل 2007

مادري ... شرايكم ... أتوكل على الله ...

هلا عزيزي
الفئـه الثالثه بشـكل عام عمليـة جدا جدا و تختلف عن البقيـة في هالنقطه بالذات
ال 320 من اكـثر السـيارات الاقتصاديه و ادائها ليس قوي لكن مناسب

من ناحيـة اعطـال كهربائيه فلا اعتقد انها موجوده و الصراحه انا عندي موديل 2003 ماشية 300 ألف حاليا و يعلم الله ما وجهة اي عطـل كهربائي لحد الان و الحمد لله .
و اعتقد ان ال 320 الكهرباء فيها اقل عن سيارات البي ام الاخرى فنسبة الاعطال الكهربائيه اقل بكثير ان وجدت .

القطع اكيد اغلى من الياباني لـكن الفئه الثالثه ارخص سيارات البي ام من ناحية قطع الغيـار
يعني سـعرها مناسب نوعا ما على سيارة اوروبيه
يعني راح تحصـل السفايف الاماميه بسعر 390 درهم فالوكـاله و 270 درهم تقريبا خارج الوكاله و الخلفيه 320 فالوكاله و عند الموزعيـن ب 180 درهم تقريبا و اعتقد ان هالاسـعار جيده لسيارة من بي ام دبليـو .

و حبيت اضيف انك تستطيع شـراء عقد صيانة من الوكيل دام السيارة ماشيه اقل من 100 ألف كيلو و طبعا العقد يشمل كل قطعه فالسـيارة و اعتقد راح يكون هالشـي مريح مع العلم ان اي قطعه تتبدل فالوكاله او تصلح يسري عليها ضمـان لمدة عامين من غير تحديد كيلومترات و هالخدمه من المصنع و تشمل جميع وكلاء البي ام .

ان شــاء الله اكون فدتك و لو بالبسيط

تحـياتي لك

توكل على الله وخذها ماراح تندم سيارة روعة.. مااعتقد هالخرابات تواجهك بما انها لسه على الضمان بالنسبة لقطع الغيار شوي غالية بس سعرها فيها .

تــحـياتـي

والله السعر معقول جدا
اني مجرب ال bmw و اكولك اتوكل على الله واشترية و فكرك صافي

يعني تقريبا 16000 دولار

بس بالنسبة لخراباتها و كهربتها شلون ؟؟؟ و قطع الغيار

يا ريت اللي يستعملون البي أم خصوصا هالسيارة يعطونا فكرة عن الموضوع

يشرفني اكون اول من ارد عليك
و الله السيارة روعة و السعر ما ادري بصراحة اشكد يسوي بالدولار
بس اكولك فد شي bmw والسيارات الالمانية اذا حافضت عليه و صرفت عليه كل دينار في مكانة والله يدوم وياك مو 5 سنوات و انما 10 _ 15 سنة و مبروك الك مقدما