أبي الحرارة ما تعدي الربع

عندي واحد من العيال عنده كابرس ماشالله دايم الربع مااحد قالي انا سقت السياره والمكيف شغال دايم الربع اذا طلعت طلعت القديه وصلت الثلث.
هو طبعا ماسوا شي غير انه شال البلف والرديتر المينيوم اربع طبقات قيمته حول 750 وبرضو ركب رديتر صغير للقير قيمته 200 وبس .
اذا سويت هذا كله يبقالك زي ماتفضلوا الشباب تنتبه للمراوح اذا سير شده وشيك على الكلتش واذا كهرب انتبه للحساس .
هذا والله اعلم.

حياك الله أخوي فيه موضوع عن نفس تساؤلك أتمنى يفيدك .

http://www.assayyarat.com/forums/showthread.php?t=165305

اخوي جابر ممكن تعطيني الفروقات بين الكابريس 90 بين مكينة 305 و350 تعرف تفرق بينهم وتعطيني الفروقات ؟
وبالتوفيق

305 والحجم 5.0 لتر .

اخوي كيف سيارتك مكينه 305 كم سعتها يعني وكيف اعرف التسعاوي ال305 من غيره الله يباركلك فيه

راف مشكور ولا هنت يالغالي وضحت الفكرة .

حياك الله يا ولد نجران .

مشكور ياأخ رافا على الفوائد الطيبه

والشكر موصول لخوي جابر على إثارة الموضوع

وحياك الله اخي وفي رعاية الله دوما.

اعتقد في لهجتكم الثرموستات هو البلف وانضر صورته في مدونتي سيارة+ في موضوع ارتفاع درجة الحرارى للسيارات وطرق علاجها.
والردياتو المزدوج هو 4 رصات .
http://autoplus-rafa.blogspot.com/

ماعلاك جزاك الله خير ع التنبيه .

ياشباب انتبهوا من الراديتر المصنوع من النحاس لان النحاس يحتفظ بالحراره والافضل الالمنيوم

حيا الله أهل ليبيا الشقيقة العزيزة .

تم تركيب أبو أربع رصات الحمدلله .

الشنابر تمام والبلوف وجلودها الحمد لله ما شاء الله تمام .

جزاك الله خير .

نعم اخي احاول الابتعاد عن اللهجة الليبية حتى يكون الموضع اسهل , ردياتر مزدوج اعتق بلهجتكم 4 رصات والثرموستات زر مدونتي سوف تجد صورته في موضوع ارتفاع الحرارة في السيارات ومعالجتها الرابط
http://autoplus-rafa.blogspot.com/

يالله هم حيه يا دحمي ,,

غيرت الراديتر أربع رصات صناعة ممتازة ولا حظت الفرق بينه وبين حق الوكالة .

أخذ 550 الله يعوض ع الوالد .

حق الوكالة رصتين وصغير وهذاك كبير وعريض ما شاء الله .

الموية حطيت موية خضراء .^^

المروحة بستفسر عن الموضوع مع ان المروحة أشوفها شغالة تمام .

لكن البلف مافهمته والديلكوا تقصد البلوف حق المكينة لاني وازنها قريب قبل فترة .

لاهنت يالغالي ومشكووور .

السلام عليكم

اخوي جابر

الكابرس 89م عندي الحل لمشكلتك

اول شي غير الاديتر وركب 4 رصات وحاول ان الاديتر تكون صناعة جيدة
الثاني تماتيك مروحة المكينه غيرها فيه نوعية ممتازه اتوقع انها اصلية لما تكون الحرارة مرتفعة تكون ماسكة وفي الشتاء على طول تفصل تأكد من كم محل بيع القطع فيه نوعين او ثلاثة ,,
الثالث اذا ودك تثبتها على الربع ركب بلف يفتح على الربع او بدون بلف تكون اقل من الربع
رابعاً الموية تكون اصلي وانصحك اذا ودك تريح راسك موية تويوتا وبس لا يغرك الـ اي سي دلكو تعبان مرة حتى لو غيرت الشركة شكل الجالون سكر على الاديتر مرتين ولما استعملت تويوتا الحمد لله ارتحت مرة ,,,
كذلك تأكد من غطى الاديتر والمروحة علشان يكون تركيز الهواء على الماكينة
واخيراً الديلكو يكون موزون صح
نصيحة لا تغير كل شي تأكد من صلاحية القطعة قبل التغيير

والله الحرارة يعني مدري شقولك متعبة شوي معي .

أبي أريح راااسي لانها بتمسك معي خطوط طويلة السنين الجاية إن شاء الله .

رديتر 4 رصات

مروحه مرسيدس 500 أو 300 الكبيره مارايح تصل الربع باذن الله بالاضافه لبلف حراره 71

لكن دام انك ماتشتكي من الحراره لاتخسر نفسك

الفارس الملثم حياك الله ومشكوور بس أحس ما في مكان للمروحة .


يا راف اشرح بالبلدي الله يوفقك يالغالي ما فهمت عليك .

عندي الراديتر رصتين علماً أنه ما شاء الله شد بلد وكالة من أيامه لكن قالولي لو نركبلك جديد يجي أربع رصات . قصدك على هذا انت .؟

والثرموستات وش هي .؟

الله يوفقك ويرزقك .