رابطة عشاق وملاك الأوبيروس ، نقاشات ، تجمعات ، كل ما هو متعلق بالأوبيروس KIA OPIRUS

قاهر الطعوس · 2009-09-02T12:57:13+03:00

السلام عليكم حطيت موضوع أمس أختفى :confused1: لكن ما يهم احطه مره ثانية :c0214: نبغا لنا رابطة يا شباب للأوبيروس ، عن مشاكلها ، استخدامات أمكانياتها ، عن التعديلات ، التزويد ، الأكسسوارات ، ... إلخ أنا وأعوذ بالله من كلمة أنا اكون أول واحد السيارة : أوبيروس 2009 أقساط طبعا :bigggrin: مواصفات :

ramza44 @user_106183 · 08-07-2010

ايه يا أخوان نريد شاشة أصلية وكاميرا خلفية للأوبيروس أنا لقيتها في موقع اي باي بس كيف نطلبها

خالد الورد @user_63581 · 08-07-2010

مساء الورد

شباب وين القى شاشة ملاحة في الرياض للاوبيروس 2009

احد يعرف محل يدلنا

وشكرا

jehad31 @user_175048 · 07-07-2010

السلام عليكم
انا عندي اوبيرس 2005 ماشيه 70 الف والحمد لله بدون مشاكل

بالنسبه لموضوع الشاشه والكاميرا الخلفيه قمت بمراسلة شركه بالصين وان شاء الله خلال فتره شهر او اقل اعمل طلبيه للشاشه والكامير الخلفيه

vip2007 @user_55873 · 06-07-2010

شو شباب نغلق الرابطة مافي اي تفاعل

AMJ @user_213169 · 28-06-2010

سلام شباب ..

عندي كيا اوبيروس 2009 فل اوبشن ..

بس والله قاهرتني حكاية انه مافيها شاشة ملاحة وكاميرا خلفية مثل باقي السيارات الفخمة المقارنة بها النوع ..

ياليت اللي عنده علم باي مكان يركب الشاشة والكاميرا ولكن بدون مايعدم اي حاجة في الديكور .. يعني تركب نفس المكان حق شاشة المعلومات الموجودة في السيارة .. وكذلك لازم الازرار اللي في الدركسون تشتغل .. علما انه هذا الشيئ موجود في الابيروس اللي برا السعودية اللي اسمها أمانتي ..

وشكرا ,,

خالد الورد @user_63581 · 27-06-2010

مساء الورد

شباب سيارتي اوبيروس 2009 ستاندر لون الدركسون تغييير من فوق........

وش الحل معه

ويعطيكم العافية

AL-Quanass @user_10415 · 27-06-2010

أنا عندي لمبة البريك و ABS و ESP تعلق أحياناً كثيرة ورحت الوكالة وقالوا ان طرمبة الهدروليك تبع الفرامل خربانة وقيمتها طلبية من كوريا غير موجودة 11000 ريال
وش رايكم

osamaalheeh @user_140775 · 27-06-2010

شباب وين التفاعل ؟؟؟

VIP 111 @user_111992 · 25-06-2010

اخواني الاعزاء

السلام عليكم ورحمة الله وبركاته

نحب ان نحيطكم علما بانه تم اعادة الرابطة الى القسم الرئيسي التابعة له .

ولكم جزيل الشكر

اخوكم محمد الحربي
VIP 111

vip2007 @user_55873 · 03-06-2010

ارجوا ان تقبلوني عضو جديد في رابطتكم

كيا اوبيروس
2009
فل اوبشن عادي بدون بصمة وتبريد مراتب
ماشية 1400كم صارلي اقل من شهر مشتريها
السيارة الحمد لله ماعليها كلام بس شوي المكيف ماعاجبني احسه مو بارد يعني كان عندي اوبتيما 2008 مكيفها ابرد ماادري كل الابيروس نفس الشي ام الي عندي بس واحسها تصرف بنزين وغير هذا السيارة من اروع ماتكون

تحية لكم

a7la.harbi @user_222439 · 31-05-2010

الله يبـآرك فيك آخوي
ويجزآك الخير

آنـآ آنشـآء الله نـآوي آروحلهم عند صيـآنـة الـ 5000
وآقولهم غيروآ الكفرآت
لانهـآ مع الترصيص مـآ رآح تظبط
يعني العطل بالكفرآآت

وآبشركم السيـآره مـآشيه 2850 بآسبوع ونص
خخخخخخخ

إكس تريل @user_61708 · 31-05-2010

مبروك اخوى a7la.harbi على السيارة والله يعطيك خيرها ويكفيك شرها
الأوبيروس موتر متميز
بالنسبة للرجة تراها كانت عندي وجلست عليها شهرين تقريبا لأنها كانت تظهر فوق 120 وبعدها مريت الوكالة وأخذت ورقة لوكيل الكفرات وتم تغيير الأربع كفرات لأنها طلعت من خلال الفحص تالفة ـ وهذا بسبب سوء تخزين الوكالة ـ
فالأولى إنك تأكدت من صلاحيتها قبل ترصيصها على العموم لو استمرت المشكلة اطلب منهم تغيير الكفرات وراح يغيرونها لك مباشرة عن طريق الوكيل لأنه أمر معتاد عندهم.
وبالنسبة للسرعة الأفضل إنك تاخذها بالتدريج وحاول ما تتعدى 160.
ولا تنسى إننا في فصل الصيف والحرارة العالية بتأثر على المحرك خاصة مع ضغط المكينة المرتفع .

a7la.harbi @user_222439 · 25-05-2010

بسم الله الرحمـن الرحيـم

كيف الحـآل يـآ آوبريسيوون << مـآ عرفت كيف آكتبهـآ
هع هع هع هع

آبشركم ولله الحمد قبل 6 آيـآم طلعت سيـآرتي

آوبريس
2009
فل كـآمل من دون بصمـة وتبريد مرآتـب
لؤلؤي
العدآد 1728
وكل شي فيهـآ

الصرآحـة آول مـآ طلعتهـآ تحسفت شويـآت
قلت ليتني مـآخذ آوم بصمه
وبعدين قلت يـآ آبن الحلال اللي آخذتهـآ زين

الشي الثـآنـي
آني من آول مـآ طلعتهـآ
كـآن فيهـآ رجه
يوووووووووووووهـ
الله لا يوريكم
كـآن رآكب قلابي
هع هع هع
رحت الوكـآلة ثالث يوم
وقالو خلهـآ عندنـآ كم سـآعه ومدري كيف
قلت وش تبون تسوون فيهـآ
قالي نظبط الهوآء ونرصصهـآ
قلت آجل فمـآن الله
ورحتلكم ذيك المحطه اللي على كيفكم
ورصصوهـآ آلمـآنـي
وظبطت الحمد لله
بس برضو فيه رجه خفيييييييييييفه بالحيـل
بس يالله ننتظر صيـآنـة الـ 5000
والله يـآ آنـآ مجهز لسته طويله عريضه بالنسبة لصيـآنة الـ 5000
والله لـأطلع الضمـآن من عيونهم

بس آجمـآلـآ
السيـآره روووووووووووعه
وفيهـآ أمكـآنيـآت آعلى من سعرهـآ
وكل من شـآفهـآ
قـآلي يوووووه كوووري
آقوله سوقهـآ
بعد خمس دقـآيق على طول تتغير نظريته
وآنشـآء الله آتوآصـل معكم آول بأول

على فكرة آنـآ اليـن 1000 كيلو مدلع الموتر
وعقب الـ 1000 مشيت عليهـآ 230
عـآدي
ولا آرفق عليهـآ
لـآني رآعـي خطوط آسبوعيـة ولحـآلي
يعني آنوآع الهوآجيس والحـآلـة

وسي يوووووو

ramza44 @user_106183 · 02-03-2010

وأنا كذلك أفكر في أوبيروس 2010 فما رأيكم فيها يا أخواني

مداوي جروح @user_115750 · 13-02-2010

السلام عليكم ...
نشكر اخواننا الاعضاء المتميزين على حسن تفاعلهم مع تساؤلات اخوانهم اعضاء المنتدى الأكثرمن رائع..
ندخل في الموضوع:smile:
انا ناوي على اوبيروس موديل 2009 نص فل اللون لولي السعر 75500
بصراحة عجبتني مواصفاتها المتميزة بسعر معقول جدا جدا مقارنة بمثيلاتها في السوق
وهذا اللي مخوفني منها !! يعني سيارة حقت سنة سنتين وتطلع عيونك بعدين
فهل تنصحوني بها ؟ خصوصا اني بادفع كاش من تحويشة كم سنة..
لأني بصراحة خرجت من تجربة صعبة مع اللومينا ال اس 2008
فأنا بحاجة لسيارة اعتمادية تتحمل من 3الى 6 سنوات كحد اقصى بدون مشاكل تخليني اتندم في وقت ما يفيد فيه الندم
مع العلم ان قيادتي للسيارة ناعمة وماني حق مقاومات ودعس
وآسف اذا طولت عليكم..

ابراهيم1 @user_147916 · 25-01-2010

اوبيروس 2004

نص فل

الون فضي

لم يتم التعديل علي السياره

Dakhil2000 @user_121292 · 22-01-2010

خ

خافي

اوبيروس
موديل :- 2009

فل اوبيشن

اللون :- اسود

فيه اختلاف عن باقي اللي ذكرو الاخوان هنا يوجد نفيقيشن من الوكاله

انوار زينون من الوكاله

اتمنى ذكر الله اثناء القراءة عن سيارات الاعضاء ومواصفاتها :smile:

أخي الكريم،

انت بالسعودية أم من دول الجوار ؟ لأن الوكيل في السعودية ماجابها بنظام الملاحة على حد علمي

خافي @user_10860 · 20-01-2010

اوبيروس
موديل :- 2009

فل اوبيشن

اللون :- اسود

فيه اختلاف عن باقي اللي ذكرو الاخوان هنا يوجد نفيقيشن من الوكاله

انوار زينون من الوكاله

اتمنى ذكر الله اثناء القراءة عن سيارات الاعضاء ومواصفاتها :smile:

sniperhearts @user_200785 · 18-01-2010

جزاك الله الف خير اخي اكس تريل ..

إكس تريل @user_61708 · 18-01-2010

هلا أخوي sniperhearts

على البركة السيارة والله يعيطيك خيرها ويكفيك شرها

بالنسبة للصوت ما ألاحظه عندي بالعكس ميزتها العزل الصوتي حتى مع السرعات العالية

أما نتعة القير فهي موجودة بس ما تطلع إلا نادر وعموما تراها تخف بعد قطع كيلوات أكبر

وأما اهتزار الطارة فكان عندي والسبب طلع من الكفرات منتهية صلاحيتها بسبب سوء التخزين وتم تغيير الكفرات الأربع على الضمان

الفرامل معك لسيت عالية الأداء ولكنها تعتبر جيدة خاصة مع نظام أي بي أس مع إني مرة دعست عليها بقوة ولا حظتها طلعت صوت وزحفت السيارة

على العموم بإمكانك تراجع الوكالة على صيانة الخمسة آلاف وتقولهم ملاحظاتك وإن شاء الله تروح العيوب، وركز على موضوع الكفرات ترى أكثر من عضو اشتكى من الرجة والسبب الكفرات بسبب سوء التخزين من الوكالة ، حاول يغيرونها لك على الضمان ولو تروح لهم قبل موعد صيانة الخمسة آلاف لأنهم سيحولونك على وكيل الإطارات مباشرة، والله يعينك تراه في الغرابي واحتمال يرسلك للعضيب تجيب له تقرير للكفرات لأن ما عندهم جهاز للتقرير ويقول إن الوكالة طالبته منهم، طلع عندي الكفرات الأربعة كلها منتهية حسب التقرير ومالقيت نفس النوع وقالي تعالنا يوم ثاني وكنت مستعجل لأن عندي سفر وغيرتها بنوع آخر ياباني (فالكن) مع دفع الفرق.