السلام عليكم ورحمة الله وبركاته
اخواني الكرام ابي نصيحتكم
انا معي سوناتا 2009 سياحيه يعني جنوط سود مع طيس
المهم في يوم 1\9\1430هـ طلعت اصلي الظهر ولقيت سيارتي على بلك :smilie20:
الكلاب الله لايوفقهم افتتحو شهر رمضان الكريم بسيارتي ولله ياني دعيت عليهم دعوات :a1120(82):
المهم طلعو والحمد لله سارقين الجنب الايمن بس يعني كفرين
قمت وركبت الاستبنه واستعرت استبنه واحد من ربعي امشي حالي لين اشتري جنوط وكفرات
ورحت اشتريت صواميل امان من السليماني
وفي هذا اليوم 27\9\1430 طلعت اصلي الظهر فكتشفت ان قزازة السواق مكسوره :smilie20:
شياطين الانس لابارك الله فيهم كسروها ودخلو يديهم على ما اعتقد علشان يفتحون الشنطه
بس شنطة السوناتا 2009 لاتنفتح من الزر الداخلي اذا امنت السياره بلريموت كنترول :xyxthumbs:
ومانفتحت معهم ولو انفتحت ماراح يلقون شي الاستبنه انا مركبها :bigggrin:
المهم رحت وركبت قزازه من الصناعيه ب150 ريال صناعه مصريه
وانا الحين ابي نصيحتكم
وش اسوي
انا ساكن في شقه ولاعندي كراج
وفيه واحد من الشباب نصحني اني اركب جنوط الفل وقال مدامك شاري شاري غيرها كلها لجنوط الفل
وقال انهم يسرقون جنوط السوناتا السياحيه السودا علشان التفحيط ولو ركبت جنوط الفل ماراح يبونها علشانها جنط 17 ماتصلح للتفحيط وعلشانهم يرغبون السودا
وش رايكم في كلامه
وش تشورون علي
اشتري الجنطين الناقصين مع طيسهم ولا اغير كل الجنوط لجنوط الفل
وهل المفحطين لايرغبون غير جنوط الحديد السود
وصراحه انا بديت افكر ابيعها
كم تتوقعون تسوى
سوناتا لؤلؤي تماتيك ازياق نيكل وريموت وجرس انذار وكشافات ضباب وداخلي بييج
وبحالة الوكاله ماشيه 30 الف
تحياتي لكم
