رأيك مهم _ هوندا اكورد 2009 او اريون 2009 ؟؟

شكراااااا اخوي tuhammi
الموقع حلو يوضح مزايا اطوال وعرض السياره ومزايا كثيره
ماقصرررررررررت عزيزي
بس اللي في الصوره اشوف كامري مثل اللي عندنا بالسعوديه
غريبه ! ماهو الكامري الياباني (الاوريون )

كفيت ووفيت عزيزي S380
ماقصرت وضحت لي الصوره اكثر واكثر

اخوي coco97
الاوريون ماعليه كلام بعد واحس انه فخم وخاصه شكله مضخم من الخارج ويتشبه لي بالكزس خاصه من الاصطابات الخلفيه :xyxthumbs:

اخوي afag
كلامك عين العقل والله صعبه الاختيار بس اللي ريحني انه السيارتين ممتازه
وهذا اهم شي ماشفت حد قال لي عيوب لحد الان ...
هذا اللي مطمني وماقال لي بعد عن هذي او هذي :smile:
اشكر مروروك وانشالله راح ازور المعارض واحكم بعد على المساحه الداخليه لكل سياره
واستخير انشالله

اخوووووي احترافي
شاكر مروروك مره ثانيه ومتابعتك للموضوع :smile:
خلاص انا بعد بشوف اذا قدرت ازور معارض هاالفتره اخذ لي جوله واحكم عليهم عن قرب

ماقصرت عزيزي
وانشالله الوالد ياخذها قريب ..
وخلي يبدلك اذا ارتحت للأوريون :bigggrin: علطووووووووووووووول

الله يطول في اعمار الجميع
..
.

بالنسبه للراحه فهي متقاربه مع الاوريون انا جربت سيارتي خط الكويت من الدمام

الراحه المطلوبه منها يعني مهيب ذيك الراحه الي تجدها فالـ لكزس لكنها مناسبه لها

انا ما اشوف فيها قساوه ممكن تجد القسوه قليلاً في المرتبه الخلفيه في الوسط فقط

.
ان شاء الله متى ماخلص الوالد من السياره راح اوافيكم هناا

..
.

:xyxwave:

أتوقع يا غالي فيه زي هذا الموضع بالنت فوق الـ 100000 موضوع

كلهم مثل حالتك

لكن بإختصار الكلام مافيه أحد يجزم 100 % إن وحده منهم

أفضل من الآخرى بجميع المقايس ،، كل وحده فيها شي يميزها عن الثانيه

و أنت و رغبتك وش تحب من هذي المميزات

رسواة و جوده = الأكورد

العزم و المواصفات = الأوريون

طبعاً حديثي فوق عن الفل

أما بالنسبة لشكل الخارجي و الداخلي هذي وجهة نظر

كلامي كلهم من تجربه و أنت و الي تختار و لا تنسى الإستخاره

اوريون وبس يكفي ان فيها مواصفات خياال

حتى خلفيتها انوارد ليد وشكل روعه

الثبات و جودة المكونات الداخليه والتصميم الداخلي والخارجي والمساحه الداخليه كلها في صالح الأكورد
أما الأوريون مايميزها الأداء و الأسم وبعض المواصفات مثل الحساسات والتشغيل بزر وشاشة الملاحه

المقارنه صعبه لكن ميولي للهوندا اكورد V6

السلام عليكم ورحمة الله وبركاته

أخي العزيز الكثير منا مر بمثل هذه الحالة وأنا منهم كنت محتار بين : أوريون - أكورد - التيما

ولم يهدأ لي بال حتى قمت بتجربة الأوريون و الأكورد فقط الاليتما مع الاسف ما اعرف حد معاه


المهم راح أذكر لك النقاط التي تتفوق الاوريون فيها على الاكورد والعكس من دون أي تحيز

لاني السيارتين


الأوريون تتفوق في :

1- العزم وقوة المكينة وتحس ان السيارة نشيطه جدا

2- المميزات والمواصفات في الاوريون أكثر

3- تتمتع الاوريون بشكلها الذي يجمع بين الفخامة والرياضية في وقت واحد ( الاكورد فخامة) .

4- الوكيل أفضل في امورد منها الصيانة و قطع الغيار .

5 - الجوده في نظري متقاربة جداً إلا أن إستعمال الشخص للسيارة له الدور الأكبر في الموضوع .

الأكورد تتوفق في :

1- الشكل الداخي أفضل وجوده المواد الداخلية كذلك .

2- الرساوة والثبات في نظري متقاربة جداً ومن الصعب التمييز بينها إلا أن الاكورد تتفوق بقليل .



أشياء مشتركة بين السيارتين :

1- أداء الفرامل متقارب جداً .

2- أحس أداء التكييف أيضاً متقارب .


هذه من وجه نظري من دون أي تحيز ومن خلال تجربة شخصية مع ملاحظة ان كلا السيارتين الي تمت تجربتهما ( موديل : 2009 فل كامل )

مشكووووووور على افادتك اخوي احترافي ...
والله الاكورد قوي فعلا خاصه انه ياباني 100%
فعلا اهم شي ان الخرابات ماتكون متكرره ,, لان يضايقني لما احط في السياره مبلغ ويرجع مره ثانيه نفس المشكله :mad1:

بس كيف راحه المقاعد الاماميه هل تصلح للمسافات الطويله مريحه
لانه شي مهم عندي الراحه لان مشاوير طويله
وبعضه بيقول ان الاكورد مو مريح ..........
اخوي احترافي انشالله الوالد لما يشتري الاوريون وتجربها
وقدرت تدخل الموضوع تعال وخبرني وين لاحظت افضل (ممكن رأيك يتغير :c0214:

اشكر ردك عزيزي :xyxwave:
رأيك مهم طال عمرك

شكراا لمرورك اخ faisa
كلامك سليم بس ... بس الموضوع ماكان مقارنه افضل واعفن على حسب كلامك
بس انت عارف السيارات انواع وانا سؤالي اشوف اللي يكون مناسب ( استخدام -قطع غيار- صيانه -رساوه ) وغيره
مقارنتي ستكون بين اكورد 6 سلندر و اوريون 6 سلندر حتى تكون عادله

قد يكون شكل الأكورد الخارجي أفضل بقليل
و الشكل الداخلي أفضل بكثثير
و لكن طبلووون الأوريون دمااااااار شامل و مكينته دماار شامل بزيادة :)

في هذي الحالة أتوقع إني لن أفكر كثيييرا لأني أرى إن الأوريون قراندي خياااار أفضل بكثثييير من أكورد 4 سلندر


والله شي لطييف جدا و لكن و مع ذالك أنا أجزم بأن رساوة الأوريون قراندي أعلى بشكل غير بسيط عن الأكورد 4 سلندر

و الله يوفق الجميع

عليكم السلااام ورحمة الله وبركاته

اولا جواباً على اخي الالتيما : يقول وكيل تيوتا افضل من وكيل هوندا ..؟ لا تعليق

أفضل من ناحية وش.؟ من اردى الوكلاء فالسعوديه هو

يكفيك ان عبدالله هاشم يجيب السيارات من دون تفكيك ولا ايت حاجه.مهوب زي عبد اللطيف

.

بالنسبه لمقارنتك اخي .. أنا ارشح لك الاكورد اذا كانت 6 سلندر بقوة

بالنسبة للاربعه .. شوفني انا عندي اكورد 2008 سبيشل

على فكره ابوي توه بايع سيارته وصار يستخدم سيارتي ( وسواقته الله بالخير ) :bigggrin:

ونفس الشي اخو ماعنده سياره ويسوق سيارتي

وكارفينها كرف الويل وماشيه(75.000kl) والحمد لله ماقالت شي ..هذا جواب الي يقول
فيها خرابات

بالنسبه لقطع الغيار هي غاليه شوي لكن (ركب وانس)

زي ما انت عارف انها يابانيه 100%

وبالنسبه للثبات صراحةً شي ثاني انا جربت الفل كامل امشي حوالي 180 والله العظيم

افك يدي من الدركسون السياره ثابته وافيها ايت حذفه .. للمعلوميه ( السياره مصدومه )

هذا والسياره مصدومه كذاا كيف تبغااها وكااله مشاء الله تبارك الرحمن ..

..
.

الاوريون سياره جميله لكن يعيبها داخليتها ( نفس الكامري )

..
.
انا صراحةً ماجربت الاوريون لكن قريباً ان شاء الله الوالد مقرر ياخذ له وحده

مع ان وده بهوندا لكن انا قلت له لاتقلد :bigggrin:

هذا الي عندي

واي سؤال انا حاضر

آخر شي

آسف ع الاطاله
و
لاتنس الاستخاره . لاتنس الاستخاره . لاتنس الاستخاره

:xyxwave:

اسمعوا كلكم السيارات الان افضل بكثير من اول ومالة داعي تقول افضل اواعفن

تراكم في نعمة وحمدالله على النعمة

شاكر تجاوبك اخوي الالتيما ,,,, قطع الغيار ووالوكاله شي مهم فعلا خاصه قطع الغيار ..
كثرو مشجعي الاوريون

رأيك مهم طالع عمرك:wavey:
تحياتي

الاوريون لك وللزمن

قطع غيار رخيص ووكاله أفضل من هوندا

ومكينه 6 سلندر تقارن بالأس إس

يعني إبداع

الاكورد روعه والله وزي ماذكرت من الداخل يامحلاه عكس الاوريون
بس خوفي من قطع الغيار ... قلت تخفيض 40%
هل هذا شي دايم او مؤقت تخفيض ؟؟؟؟؟؟؟؟؟
لان بسمع من اللي عندهم اكورد يشكو من قطع الغيار بس مادري عن خراباته كثيره او لا ...
مشكوووور ماقصرت - رأيك مهم

وونتظر مزيد لكسب الاصوات

تحياتي لك :xyxwave:

نسيت اسجل بالعنوان اوريون 2010 ..
رأيك في عين الاعتبار

ومشكورررررررررررررررر

ننتظر مزيد من الردود

مشكوووووور اخوي والله كلامك جد ان شفت سياره مادري موديل 2009 ممكن
بس شكل الاصطاب الامامي جناااااااان وعجبني شكل السياره والخلفي حلو .
عكس الاوريون الخلفي عاجبني بس الامامي تبع الاكورد احلى ......

بس الخرابات هذا اللي خوفي منه ...... اشكر ردك :xyxwave: