حراره + رجة في المكينة .. مشكلة حيرتني في السيارة .. فزعتكم

السلام عليكم ورحمة الله وبركاته ..

كيف حالكم اخواني .. ان شاء الله مرتاحين ومبسوطين ..

اخواني انا عندي مشكلة بالسيارة حيرتني .. انا شاك انها راس المكينة .. بس ان شاء الله ما يكون شكي في محله ..

الاعراض:

- حرارة
- رجه (تفتفه) في المكينة ما تأثر في عزم الموتر .. لكن تلاحظها على الضغط والسيارة واقفه

شرح المشكلة:
السيارة تستهلك ماء بشكل كبير .. لدرجة كل مشوار اروح له اعبي الاديتر ماء .. مع العلم انه ما يوجد تهريب في السيارة ..
عند تعبيئة الاديتر ماء .. واثناء ما انا اعبي .. تطلع فقاقيع .. وتفاقمت المشكلة إلى ان وصلت لدرجة الرغوة ..
تحس ان الاديتر يطلع منه هوا اثناء التعبية .. واشبه بالرغوة ..
طبعاً بعد ما اعبي الاديتر ماء .. الحرارة تكون تحت الـ C .. لكن كلها فترة بسيطة .. ومشوار 10 كيلو او اكثر شوي او اقل شوي .. تبدا الحرارة ترتفع شوي .. وتنزل .. المؤشر يلعب ..
توقعت ان البلف يقفل .. وشلته .. ولا زالت المشكلة موجودة حتى بعد ما شلت البلف ..


- هل تتوقعون ان راس المكينة فيه مشكلة ؟
- إذا كان الراس سليم .. ما هي المشكلة تتوقعون ؟
- هل الكويلات لها دخل بالحرارة ؟

اتمنى تفيدوني بسرعة يالربع .. لانها حيرتني السيارة ..

مع العلم بأن لدي خبرة في الميكانيكا لا بأس بها .. تخولني بأن امسك خط بسيارة قرنبع :smilie16:

نوع السيارة .. كامري 98 قير اوتو 4 سرندل


اتمنى اني وضحت لكم الصورة ..

فوتكوا بعافية ..

ب
ر
ب