معلش عزيزي
سوزوكي ليس لديها سيارات تصلح تستعمل كلموزين اكثر سياراتها صغيرة او جيوب
نسبة كبيرة حالياً من سيارات التوصيل من شركة سوزوكي وكذلك في جدة البيك اب الصغير منتشر بشكل كبير
سوزوكي جودة وعملية لكن راحة ضعيفة وقطع غيار مرتفعة نوعاً ما والوكيل يهون هذا الشي بخدمة الشيك للصيانة واصحاب السوزوكي خير من يفيدنا عن هذي الخدمة
كلامك صحيح 100% ... صحيح الراحه لك عليها لكن صلبة ومصنوعه قطعه وحده واللي مو متعود على الجيوب راح ينصدم اول الأمر, نفس الحاله مع الباجيرو والإنفنيتي وغيرها ... وقطع الغيار سألت عنها ( لأني ماغيرت شي للحين ماشاء الله) والأسعار بالنسبة لي معقولة او عادية حتى ... فلتر الزيت داخل الصيانة , البواجي داخل الصيانة , الأقمشة مدري بكم صراحه لأني غيرتها على حسابي مره وحده بس حول 300 ريال , المساعدات الواحد بحوالي 400 ريال, وعقد الصيانة يهتم بكل شي فلا تشيل هم.
والوكالة شي ثاني صراحه , حتى بعض القطع الإستهلاكية والخدمات ممكن يدخلونه ضمن الصيانه بدون ماتدفع شي زايد ... وبما أنه أنواع السيارات المتوفره لدى سوزوكي ماهي كثير زي الشركات الأخرى فتجدهم مبدعين في الصيانة ولديهم خبرة كبيرة وأغلب مهندسينهم شياااب حافظ السيارة حفظ .... مايغيرون قطعه لين يتصلون فيك ويسألونك ومايغيرون الا الضروري ومافي ضغط واجد عندهم فيشتغلون على السيارة براحتهم بدون تشويش ... ومريحيني صراحه , أسوي صيانة كل 5000 والحمد لله ولامره أخذت سيارتي وأنا ضايق خاطري ...
تعامل ممتاز وأخلاق وشفافية وأسعار في اليد .... وسيارة روعه فوق كل شي.
